Hotuja so na wothłosowanje

Dienstag, 18. August 2015
Artikel bewerten
(0 Stimmen)

Merkel dyrbi z tójšto napřećiwnymi hłosami ličić

Berlin (dpa/SN/K). Přihoty na jutřiše rozsudne posedźenje zwjazkoweho sejma wo třećim pomocnym pakeće za Grjeksku su w horcej fazy. W parlamenće zastupjene strony přewjedu dźensa na separatnych schadźowanjach poslednje wuradźowanja a tohorunja probowe wothłosowanja.

Z njemałej napjatosću wočakuje so wuslědk frakcije unije. W njej je tójšto zapósłancow, kiž nimaja za prawo, zo „přityknje“ so Grjekskej znowa podpěra hač do 86 miliardow eurow. Za to so zawěsće wjetšina wupraji, při wšěm dyrbi kanclerka Angela Merkel (CDU) tónkróć z hišće wjace napřećiwnymi hłosami ličić hač naposledk.

Politikarka CSU Dagmar Wöhrl je před zakrytym spušćenjom dołha Grjekskej warnowała. Zo by so Mjezynarodny měnowy fonds (IWF) tola na třećim pomocnym pakeće wobdźělił, dóńdźe po jeje měnjenju nazymu k spušćenju dołha Grjekskej. Něhdyša statna sekretarka w zwjazkowym financnym ministerstwje je připowědźiła, zo budźe z „ně“ wotěrować.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND