W Berlinje swjeći dźensa něhdyša „pósłanča Serbow w Bonnje“, wučerka a publicistka Wórša Dahmsowa-Meškankec, wosomdźesaćiny. Jubilarka bě so w Zdźěri swójbje wučerja a zasłužbneho narodneho prócowarja Jana Meškanka narodźiła. W Lipsku studowaše wona slawistiku a sport, zalubowa so tam do studenta ludoweho hospodarstwa Hansa J. Dahmsa z Göttingena a poda so ze swojim přichodnym mandźelskim do Šwedskeje. Po tym wučerješe w zapadnej Němskej, a jeje mandźelski bě ministerialny rada w zarjedźe zwjazkoweho kanclera.