Rozprawy w serbskich nowinach su bohaty pokład

Montag, 21. September 2015
Artikel bewerten
(0 Stimmen)
Jednaćelka Ludoweho nakładnistwa Domowina  Marka Maćijowa přepoda wudawaćelej Markej Grojlichej awtorski eksemplar.  Foto: Axel Arlt Jednaćelka Ludoweho nakładnistwa Domowina Marka Maćijowa přepoda wudawaćelej Markej Grojlichej awtorski eksemplar. Foto: Axel Arlt

Budyšink (SN/at). Teksty z Tydźenskich Nowin, ze Serbskich Nowin abo z pjera ludowych awtorow móža dźensnišeho čitarja nade wšo wokřewjeć. To je premjera knihi „Mjez Křičom a Lubatu – Zwischen Lutherberg und Löbauer Wasser“ minjeny pjatk w Budyšinku přeswědčiwje pokazała. Bukečan Marko Grojlich je so po wuspěchu prěnjeje tajkeje zestajeneje čitanki w serbskej a němskej rěči „Pod Čornobohom – Unterm Czorneboh“ nětko šěsć ewangelskim wosadam w kónčinje wokoło Malešec mjez pahórčinu a holu přiwobroćił. „Při dźěle na tutej knize sym husćišo na dweju swojeju wulkeju dźědow myslił“, přiznawa Grojlich w dosłowje. Zaběra z materialom bě jemu nawrót do wsow, zwotkelž jeho staršej pochadźataj, a do swójskeho powołanskeho započatka.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND