Nawodnica archiwa Budyskeho Serbskeho instituta dr. Annett Brězanowa je zajimawu fotowu wustajeńcu „Momenty – Dokumenty“ Arnošta Černikowych fotografijow wo Łužicy z 1950tych lět z fotoweje zběrki Serbskeho kulturneho archiwa koncipowała a zestajiła. Alfons Wićaz je so z dr. Brězanowej rozmołwjał.
Što je Was pohnuło Arnošta Černikowe fota w institutnym domje prezentować?
A. Brězanowa: Fota Černika tworja wobmjezowany wobstatk, časowje kaž tež po wobjimje. Tohodla so wone jako cyłk za wustajeńcu tak derje hodźa. Z mjenom Černik mamy w fotowym archiwje instituta takrjec wjetšu dataju. W tym zmysle njejsmy za přehladku žadyn wotpowědny wobsahowy přistup trjebali, ale mamy přez dataju formelny přistup.
Što za Was Černik scyła w slědźenju serbskeje ludowědy woznamjenja?