Na kumštnym trawniku dobyli

Montag, 12. Oktober 2015
Artikel bewerten
(0 Stimmen)

ST Kinspork/Łužnica

– SJ Chrósćicy 1:2 (0:2)

Zestawa hosći: Králíček – Pöpel (78. M. Zahrodnik), Bětnar, Cyž, Schulze, Runt, Šmit (86. Budar), Domaška, Młynk, F. Zahrodnik, Věchet

Hačrunjež běše nazymske wjedro dosć rjane, dyrbjachu Chróšćanscy koparjo w Kinsporku na njepřijomnym kumštnym trawniku hrać. Zawěsće běchu sej domjacy tak dypk abo dypki přećiwo načolnikej tabulki wuličili. Hosćo pak žaneje hektiki njedowolichu, přeco zaso woni ze škita hru woměrje natwarjachu. Cyle po dewizy, jónu so móžnosć poskići. Składnosćow, wrota docpěć, tak w prěnim połčasu tež dosć mějachu. Dobre poł hodźiny pak dyrbjachu přiwisnicy SJC na nawjedowanje čakać. Po foulu blisko šěsnatki dóstachu Chróšćenjo wólny kop. Zymnokrejny zhlada sej Pavel Runt swobodny krótki róžk a zwjertny bul k 0:1 do saka (32.). Jenož někotre mjeńšiny pozdźišo nasta dobra kombinacija přez prawu stronu. Šmit přihra Věchetej, wón so na zakładnu liniju předrě a kulowatu kožu wótrje prěki suny. Sobu běžacy Młynk njedaše so prosyć a přetwori k 0:2 (40.). Na stronje domjacych bu nadběhowar do ruma pósłany, zwrěšći pak z krótkeje distancy na Králíčeku.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND