Wšitcy měli so prócować

Dienstag, 13. Oktober 2015
Artikel bewerten
(0 Stimmen)

Problemy ćěkancow rozrisać na wšěch politiskich runinach trjeba

Berlin/Drježdźany/Choćebuz (dpa/SN/JK). Němska chce kontrole wonkownych mjezow w krizy ćěkancow dla hač do nowembra dale wjesć. Wo tym je zwjazkowy nutřkowny minister Thomas de Maizière (CDU) nutřkowneho komisara EU Dimitrisa Avramopoulosa informował.

Rozestajenja w čorno-čerwjenej koaliciji wutworjenja tak mjenowanych transitnych pasmow dla dale traja. Z tychle pasmow maja so ćěkancy bjez wuhlada na azyl abo ludźo bjez dokumentow hišće do zapućowanja do Němskeje zaso wróćo słać. Nawoda frakcije CDU Volker Kauder ma tajke kontrole za zmysłapołne a wobkrući, zo je koalicija nětko přihotuje, wědźo, zo wone zarjadniskim předpisam EU wotpowěduja. Zapósłanc CDU w Sakskim krajnym sejmje Marko Šiman žada sej krute přesadźenje Dublinskeho dojednanja a tak kontrole na wonkownych­ mjezach EU. Zdobom skedźbni wón na to, zo je trjeba přećiwo ilegalnym pře­stupam mjezow mjez Němskej a Čěskej a Pólskej skutkownišo zakročić. Za to matej so policija a cłow­nistwo defini­tiwnje zesylnić.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND