USA pozbudźeja k wuswobodźenju města Ramadi
Damaskus (dpa/SN/K). Prowincu Aleppo, kotruž maja wšelke skupiny rebelow a milica ekstremistow tuchwilu hišće w „horšći“, wotmysli syriske knježerstwo z wulkej ofensiwu wuswobodźić. Syriske wójsko přihotuje z podpěru Irana a hisbollahskeje milicy w regionje wobšěrnu wojersku operaciju, rozprawja powěsćernja dpa. Ruska ma z atakami z powětra pomhać. Pječa je wjele tysac iranskich wojakow na to přihotowanych, wojować poboku jednotkow syriskeho prezidenta Bashara al-Assada.
Spomnjena ofensiwa je rozšěrjene postupowanje syriskeje armeje w prowincy Hama, z kotrymž bě wona minjeny tydźeń započała. Dokelž su w tym zwisku wjetše wojerske operacije blisko turkowskich hranicow wočakować, ma knježerstwo w Ankarje dalšu přičinu, znjeměrnjene być. Čłonski stat NATO podpěruje skupiny rebelow, kotřiž wojuja přećiwo Assadej, a je Rusku wótrje za to kritizował, zo jich z nalětami bombarduje.