Berlin (dpa/SN). Ličba dźěławych němskeje industrije je dźakowano rozrosćacym eksportam docpěła najwyši staw po lěće 2005. Kónc awgusta běchu w zawodach předźěłaceho přemysła nimale 5,4 miliony ludźi přistajene. To je 52 000 abo jedyn procent wjac hač loni w samsnym času.
Wot nalěta 2010, po tym zo bě ličba dźěławych wuskutkow financneje krizy dla na najniši staw spadnyła, wutworichu w němskej industriji poł miliona nowych dźěłowych městnow. K rozróstej přinošuje wosebje jara dobre wuwiće němskich eksportow. W prěnich wosom měsacach je so jich wobjim wo 6,6 procentow rozšěrił na 790 miliardow eurow, předewšěm wulkeho naprašowanja z USA a Wulkeje Britaniskeje dla.
