Europska unija chce wonkowne hranicy zhromadźenstwa lěpje škitać

Berlin (dpa/SN/K). Zwjazkowa rada je dźensa doskónčnje azylowy paket wulkeje koalicije schwaliła, po tym zo bě jemu hižo zwjazkowy sejm wčera přihłosował. Z tym móže zakoń k lěpšemu zmištrowanju krizy ćěkancow dla nětko hižo 1. nowembra płaćiwosće nabyć.

Mjez wobzamknjenymi naprawami je zastopnjowanje­ balkanskich statow Albanskeje, Kosowa a Montenegra do wěstych pochadnych krajow. Tak móža azyl pytacych wottam spěšnišo do jich domizny wróćo pósłać. Škit pytacy ćěkancy smědźa přichodnje dlěje w prěnich při­jimarnjach wostać. Dale maja jim ru­čišo integraciske a rěčne kursy poskićeć. Město pjenjez maja předewšěm wěcy wšědneje potrjeby dóstawać. Zwjazk zdobom­ kraje a ko­muny financielnje wolóži. Z wida krajow je při tym wažne, zo nima so pomocy dla kóždy raz znowa jednać, dokelž skići so wona přichodnje wotpo­wědnje ličbje migrantow, kotřiž do wotpowědneho kraja přińdu.