Prawy zazběh do nazymy

Montag, 19. Oktober 2015
Artikel bewerten
(0 Stimmen)
W Chrósćicach je wčera Ćišćanska rejwanska skupina publikum zahoriła. Jeje choreografce Helze Hentsch přepoda předsyda towarstwa Domizna Marko Jurk kwěćel (wobraz nalěwo). W Njebjelčanskej „Bjesadźe“ koncertowaše Ralbičanski cyrkwinski chór Lilija zhromadnje z wosadnym młodźinskim chórom a z rejwanskej skupinu Wotawa (wobraz naprawo).  Foto: Feliks Haza W Chrósćicach je wčera Ćišćanska rejwanska skupina publikum zahoriła. Jeje choreografce Helze Hentsch přepoda předsyda towarstwa Domizna Marko Jurk kwěćel (wobraz nalěwo). W Njebjelčanskej „Bjesadźe“ koncertowaše Ralbičanski cyrkwinski chór Lilija zhromadnje z wosadnym młodźinskim chórom a z rejwanskej skupinu Wotawa (wobraz naprawo). Foto: Feliks Haza

Chór Lilija a Ćišćanscy rejwarjo a rejwarki publikum přeswědčili

Njebjelčicy (bl/SN). Na nazymski koncert do Njebjelčanskeje „Bjesady“ je wčera popołdnju nimale 60 ludźi přišło. Po róžowcowym nyšporje witachu jich tam z kofejom a tykancom zastupjerjo Domowinskeje skupiny Njebjelčicy a Załožby za serbski lud.

Prěni spěw Ralbičanskeho cyrkwinskeho chóra Lilija bě „Róža słuša do wěnca“. Nawodnica chóra Bernadet Šołćina z Koćiny bě ze spěwarjemi wšelake nazymske serbske kaž tež dalše słowjanske pěsnje nazwučowała. Běchu to kompozicije najznaćišeju ­twórcow serbskich oratorijow Korle Awgusta Kocora a Handrija Zejlerja, Michała Nawki a Bjarnata Krawca kaž tež dalšich komponistow. Znaty lóštny spěw „Naša mać, ta plincy pječe“ někotři z přihladowarjow sobu zynčachu. Prawy to kermušny a nazymski za­zběh. Repertoire hóstneho cyrkwinskeho chóra wobsteji hłownje z kěrlušow. Někotre z nich woni na wčera popołdnju zanjesechu. Po pisanym programje wjedźeše tenor chóra Janek Wowčer. Na lóštne wašnje wón přihladowarjam jednotliwe přinoški připowědźeše.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND