Sprawny remis

Montag, 09. November 2015
Artikel bewerten
(0 Stimmen)

SC 1911 Großröhrsdorf

– SJ Chrósćicy 2:2 (0:2)

Zestawa hosći: Králíček – Pöpel, Šiman, Šafář, Schulze, Šmit (65. Šołta), Runt, M. Zahrodnik, Młynk (80. Dehn), Žur, Bogusz (77. Budar)

Do hry sej Chróšćanscy koparjo prajichu, zo móhli z dypkom pola sylneho cyłka w Großröhrsdorfje spokojom być. Přiwšěm woni po hrě tak prawje nje­wědźachu, hač dyrbja so wjeselić abo mjerzać. Hač do połčasa běžeše wšitko po planje. Defensiwa wěsće steješe a jenož mało dowoli. W ofensiwje staraštaj so wosebje Šmit a Runt wo wulkotne přihrawki. Tak padny po 21 mjeńšinach zasłužene nawjedowanje. Šmit pósła Bogusza do šěsnatki, Bogusz wotpołoži bul před wrotarjom Młynkej, kiž jón zaso prěki k Šmitej suny. A jeho wótru třělwu njezamó wrotar wotwobarać. Jenož krótko na to doběža sej Žur wuběrnu přihrawku sylneho Šmita a hraješe prěki před wrota k Boguszej, kiž trjechi k 2:0 wěsće do saka (29.). Na stronje domjacych so ničo naspomnjenjahódneho njesta. Krótko do přestawki měješe Žur hižo třeće wrota na noze. W duelu přećiwo wrotarjej pak wosta přěhračk.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND