Na wrota bohaty a fairnyserbski koparski derby

Montag, 23. November 2015
Artikel bewerten
(0 Stimmen)
Nimohra!? Z prašakom a wuwołakom. Pobóčny sudnik njeje w tutej scenje na nimohru rozsudźił; přiwisnicy Njebjelčanskeje SJ, kotřiž stejachu nalěwo wot wrotarja Daniela  Ričela (čisło 1), pak běchu sej chětro wěsći, zo steješe Dawid Jurš (nalěwo) po hłójčkowanym bulu Christiana Sbjeznieho w nimohrě. Krótko po tym zhłójčkowa Jurš połčasne 3:2 za ST Marijinu hwězdu.  Foto: Jörg Stephan Nimohra!? Z prašakom a wuwołakom. Pobóčny sudnik njeje w tutej scenje na nimohru rozsudźił; přiwisnicy Njebjelčanskeje SJ, kotřiž stejachu nalěwo wot wrotarja Daniela Ričela (čisło 1), pak běchu sej chětro wěsći, zo steješe Dawid Jurš (nalěwo) po hłójčkowanym bulu Christiana Sbjeznieho w nimohrě. Krótko po tym zhłójčkowa Jurš połčasne 3:2 za ST Marijinu hwězdu. Foto: Jörg Stephan

SJ Njebjelčicy – ST Marijna hwězda 3:4 (2:3)

Zestawa domjacych: Ričel – Kral, Haška, Hrjehor, Hanuza, Dubaw, Cyž, Hommel, Hoelzel (60. Šołta, 71. Mjechela), Lejnart, Čornak

Zestawa hosći: O. Schmidt (46. Vacek) – Sbjeznie, P. Schmidt, Rab (76. Winkler), Škoda, Wróbl, Lipič, Bělk (60. Langner), T. Jurš, D. Jurš, Peschmann

Kaž hižo časćišo su Njebjelčanscy koparjo spočatk hry trochu zaspali, a tak hosćo spěšnje 2:0 nawjedowachu. Najprjedy zaměstni jich kapitan Křesćan Bělk bul poměrnje lochko we wrotach Daniela Ričela (9.). Nimale ze samsneje pozicije docpě štyri mjeńšiny po tym Paul Schmidt druhe wrota za swoje mustwo (13.). Na to běžeše kulowata koža lěpje w rjadach domjacych. Tadej Cyž zniži z wótrej niskej třělwu w 21. min. na 1:2. Roberta Lejnartowy pas před wrota pak Gabriel Čornak snadnje misny (28.). Wólny kop Lejnarta njezamóchu Chrystof Dubaw, Leopold Hoelzel kaž tež Čornak přetworić (32.). Jako so Lejnart w 37. min. do soloběha poda, wón z niskej a wótrej třělwu wuruna (37.). Z myslemi běchu Njebjelčenjo najskerje hižo w přestawce, ale po Ričelowym wot­placnjenju wy­sokeho bula bě Dawid Jurš na městnje a storči jón k 2:3 do saka.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND