Tójšto ludźi na 5. beneficnym koncerće w Jaseńcy
Jaseńca (SN/mwe). Pjaty króć wotmě so sobotu wječor w Jasčanskej Rynčec bróžni beneficny koncert ze skupinu PoŠtyrjoch. Něhdźe 120 ludźi, mjez nimi wjele młodych tež z wokolnych wsow a Budyšina, dožiwi w dohodownje wupyšenej bróžni wuběrny koncert wysokeje spěwneje kwality. K tomu běštej sej muski kwartet a swójba Floriana Rynča jako organizatoraj tradicionalneho zarjadowanja lětsa Spěwny consorcium seniorow přeprosyłoj.