Serbscy sportowcy so přeco zaso sobu wobdźěleja

Staremu lětu božemje prajili su minjeny štwórtk – silwester – dopołdnja lubowarjo běhanja na swojim mjeztym hižo 49. tradicionalnym běhu w Budyšinje. Pod jara přijomnymi wjedrowymi wuměnjenjemi­ podachu so entuziasća běhanja, wot třilětneho dźěsća hač k 81lětnemu wuměnkarjej, ze stadiona Młynkec łuka po pućach podłu Sprjewje do Humboldtoweho haja na 2,5 km, 5,3 km a 10,6 km a zaso wróćo do stadiona.