Februarske wudaće Rozhlada započina so z rozmyslowanjom wo rěči. Klaws Thielmann so praša, hač móhł soblex.de zakład za falowacy elektroniski słownik tworić.

Do swěta so podać a jón ze swójskimaj wočomaj zeznać, za to wabi pućowanska rozprawa wo Marokku. Čitarjo Serbskich Nowin su Hanku Šołćic hižo zeznali, w Rozhledźe rysuje młoda studentka dalše nazhonjenja a dožiwjenja ze sewjeroafriskeho kraja. Měrko Šołta zaběra so z wuwićom serbskeje byrgarskeje hudźbneje kultury a z wuznamnej rólu, kotruž hraješe při tym Maćica Serbska.

Wozjewjamy baseń Dorotheje Šołćineje „Hłupa kupi tupe luby“ a baseń Měta Kjarcmarja w delnjoserbšćinje „Kuždycki rožk“.