Volleyballisća SGB najlěpši we wuchodnej Sakskej

Mittwoch, 03. Februar 2016
Artikel bewerten
(0 Stimmen)
W regionalnym volleyballowym finalu wubědźichu sej holcy 5. do 7. lětnika Serbskeho gymnazija Budyšin slěbornu a hólcy samsneje staroby bronzowu medalju. Zady wotlěwa su to Ławrjenc Bobka, Matthias Pilz, Wito Pohonč, Julian Tomašk, Jakub Bobka; prědku wotlěwa Anja Baumgärtelec, Larissa Měrćinkec, Linna Kern, Milena Kummer a Lavinia Bührdelec. Sportowy wučer Měrko Korjeńk dósta čestne wopismo za najlěpšu šulu wuchodneje Sakskeje.  Foto: Měrko Korjeńk W regionalnym volleyballowym finalu wubědźichu sej holcy 5. do 7. lětnika Serbskeho gymnazija Budyšin slěbornu a hólcy samsneje staroby bronzowu medalju. Zady wotlěwa su to Ławrjenc Bobka, Matthias Pilz, Wito Pohonč, Julian Tomašk, Jakub Bobka; prědku wotlěwa Anja Baumgärtelec, Larissa Měrćinkec, Linna Kern, Milena Kummer a Lavinia Bührdelec. Sportowy wučer Měrko Korjeńk dósta čestne wopismo za najlěpšu šulu wuchodneje Sakskeje. Foto: Měrko Korjeńk

Mjez 16 startowacymi šulemi z wuchodneje Sakskeje na wubědźowanju „Młodźina trenuje za olympiju“, a to w štyrjoch starobnych skupinach, zaruči sej Serbski gymnazij Budyšin (SGB) we volleyballu wurjadne prěnje městno. Najmłódši hrajerjo wróćichu so z Kamjenca ze slěbornej a bronzowej medalju.

Kajki to zwjeselacy wukónc regionalneho wubědźowanja. SGB wudoby sej po lěće 2014 znowa čestne wopismo najlěpšeje šule wuchodneje Sakskeje w bulosportowej družinje volleyballu. Z dwěmaj złotymaj, dwěmaj slěbornymaj a jednej bronzowej medalju wobsadźi SGB ze 16 dypkami suwerene prěnje městno. Wutrobnu gratulaciju wšitkim holcam a hólcam serbskeho kubłanišća za grandiozny wuspěch.

K jara zwjeselacej cyłkownej bilancy přinošowachu minjeny štwórtk najmłódši volleyballisća SGB. W sportowni Kamjenskeho Lessingoweho gymnazija, hdźež wobdźěli so wosom šulerskich cyłkow­ z wuchodneje Sakskeje, wubě­dźichu sej holcy 5. do 7. lětnika slěbro, hólcy samsneje staroby bronzu. W turněrowej formje hraješe kóždy přećiwo kóždemu dwě dobyćerskej sadźbje.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND