Akciski dźeń „MIXED“

Budyšin. Budyski Kamjentny dom přeproša swójby jutře, 6. februara, wot 12 hodź. na akciski dźeń. Pod hesłom „MIXED“ móža wopytowarjo wšitke w sociokulturnym srjedźišću poskićene zaběry kompaktnje wužiwać. To rěka, zo ći jedni pasla a rysuja, druzy hraja blidotenis, dalši pospytaja so w hiphopje a breakdancu a zaso druzy hraja na percussionowych instrumentach.

Małe skótne wiki

Delnja Hórka. Jutře, sobotu, wotměja so w Delnjohórčanskej sportowni při sportnišću hnydom při zwjazkowej dróze B 156 wot 8 do 13 hodź. dalše skótne wiki, kotrež organizuje towarstwo rasoweje pjerizny 1878 Budyšin. Na nich móža sej lubowarjo drobneho skotu nukle, pyšne ptački, hołbje, kokoše kaž tež kački měnjeć abo kupić. Nimo plahowarjow z blišeje Budyskeje wokoliny wočakuja tam fachowcow z cyłeje wuchodneje Sakskeje, samo z wukraja.

Smochčanske jewišćo