70. cyrkwinski dźeń 27. meje w Slepom budźe lětsa wjeršk serbskeho ewangelskeho žiwjenja. Na to skedźbni superintendent Jan Malink wčera na tradicionalnym kubłanskim dnju na Budyskej Michałskej farje.

Budyšin (ML/SN). Wobdźělili su so tam serbscy wěriwy z Njeswačanskeje, Budestečanskeje, Poršiskeje a Michałskeje wosady sprjewineho města. Serbske ewangelske towarstwo a Bukečanska Bjesada zarjadujetej 27. februara w Bukecach dźěłarničku, na kotrejž přewjedu rěčne zwučowanja, ale předstaja tež kompjuterowu hru „Krabat“, a NSLDź zahraje kruch „Čmjeła Hana namaka přećela“.