Na serbsku dźěłarničku

Bukecy. Serbske ewangelske towarstwo (SET) přeproša jutře, 27. februara, na dźěłarničku do Bukec. W 14 hodź. stej witanje a nutrnosć w ewangelskej šuli. Po tym předstaji Daniel Zoba nowu kompjuterowu hru „Krabat a potajnstwo serbskeho krala“; hru smědźa zajimcy tež sami wuspytać. Paralelnje poskići Měrana Cušcyna rěčnu konwersaciju na temu Krabat. Po swačinje předstaji NSLDź w 16.30 hodź. dźiwadłowu hru „Čmjeła Hana namaka přećela“ na wosadnej žurli. Nimo serbskich Bjesadow su wšitcy młodźi a starši zajimcy wutrobnje witani.

Towarstwa na wikach

Wojerecy. Štyrceći towarstwow z Wojerec a wokoliny přeproša zajimcow jutře, sobotu, wot 10 do 16 hodź. do Wojerowskeje Łužiskeje hale na wiki móžnosćow. Towarstwa chcedźa tam dźěćom, młodostnym kaž tež dorosćenym mnohostronske poskitki zmysłapołneje zaběry we wólnym času předstajić.

Na swójbnu schadźowanku