Dołha nóc z Lunu

Budyšin. Pod hesłom „Fascinacija měsačk – dołha nóc z Lunu“ wobdźěli so Budyska hwězdarnja jutře wot 18 do 23 hodź. na cyłozwjakowym dnju astronomije. W srjedźišću steji měsačk, kotryž budźe 23. měrca zaso połny.

Jónkrótne fotografije

Budyšin. We wosebitej wustajeńcy wustaja Budyski muzej hač do 1. meje jónkrótne fotografije Budyšina Rolfa Dvoraceka. Wustajeńcu pod titlom „Rolf Dvoracek – Pytanje za perfektnym wokomikom – Budyšin w fotografijach šěsć lětdźesatkow“ wotewru jutře, 19. měrca, w 15 hodź.

Romancy zaklinča

Budyšin. Na awlowym koncerće, jutře, sobotu, wot 17 hodź. w Budyskim Schillerowym gymnaziju wěnujetej so pianistka Liana Bertók a sopranistka Romy Petrick němskim, italskim a ruskim romancam Schuberta, Verdija a Rachmaninowa. Tak zaklinča lědma hrate spěwy, kotrychž poetiske teksty swět połny stysknosće, požadliwosće kaž tež nadźije a zbóžnoty wopisuja.

Mytowani koncertuja