Jasnje dobyli

Montag, 21. März 2016
Artikel bewerten
(0 Stimmen)

SJ Njebjelčicy

– SV Großdrebnitz 3:0 (1:0)

Zestawa domjacych: Hahn – Kral, Deleńk, Pawlik, Hommel, Cyž, Hanuza, Lejnart (24. Čornak), Hrjehor, Ričel (65. Haška), Hoelzel (69. Šołta)

Tale koparska partija wotmě so wčera, njedźelu, na domjacym trawniku, při njepřijomnym wichorojtym wjedrje. Njebjelčenjo běchu wotydźenja hrajnišćo derje spřihotowali. Wrotar Hahn zdźerža znowa swoju klětku čistu a ofensiwa domjacych docpě tónraz tři wažne wrota. Prěnju wjetšu móžnosć Ričela wotwobara hóstny wrotar k róžkej (13.). Krótko po tym pak wudani­ so Ričelowe dobre zasadźenje w nadběhu, jako posłuži Hoelzela, kotryž trjechi z niskej třělwu do dołheho kuta 1:0 (17.). Hommel je wrota hosći po rjanym nadběhu snadnje misnył. Na to wahaše partija bjez wjelelubjacych akcijow hač do přestawki tam a sem.

Veröffentlicht in Sport
Bitte anmelden, um einen Kommentar zu posten

Anzeige