Čorny Chołmc (JK/SN). Krabatowe towarstwo je zawěsće jedne z łužiskich zjednoćenstwow, kotrež přewšo aktiwnje a wuspěšnje za Łužicu wabja. Nječini to jeno z markowej značku Krabat, ale tež z prezencu na najwšelakorišich kulturnych a hospodarskich wjerškach. We Łužicy a za jeje mjezami čłonojo towarstwa za domiznu serbskeho kuzłarja wabja.
Na wčerawšej sobustawskej zhromadźiznje móžeše předsyda Krabatoweho towarstwa Reiner Deutschmann wuspěšne dźěło bilancować. Nimo toho zo wobdźělichu so zhromadnje z chorwatskimi přećelemi na Kamjenskich wikach WIR, je so towarstwo angažowało dale šěrić značku Krabat a na wšelakich zarjadowanjach informować wo prócowanjach, Łužicu dźeń a wjetšej syle zajimcow jako dožiwjenjowhódny region předstajić. Loni su dale skrućili styki k towarstwu Radica w chorwatskim regionje Žumberak, z kotrehož pochadźeše wyšk Jan Šadowic. W Žumberaku wotměchu tež lońši Krabatowy swjedźeń.