Maturantki a wučerjo dobyli

Dienstag, 07. Juni 2016
Artikel bewerten
(0 Stimmen)
Při tradicionalnym volleyballowym duelu na Budyskim Serbskim gymnaziju su wučerjo dwanatkarjow lětsa z 3:0 porazyli. Wučerki pak podležachu ze samsnym rezultatom maturantkam. Zady wotlěwa: Christina Brězanec-Žurowa, Madlena Bartec, Franz Friedrich, Pia Šołćic, Kirsten Kötschowa, Nadine Čižankec, Sylwija Šěnowa; klečo wotlěwa: Madlenka Markec, Judith Škodźina, Johanna Cyžec, Gabriela Jendrewscyna a Luiza Fryčec Foto: Měrko Korjeńk Při tradicionalnym volleyballowym duelu na Budyskim Serbskim gymnaziju su wučerjo dwanatkarjow lětsa z 3:0 porazyli. Wučerki pak podležachu ze samsnym rezultatom maturantkam. Zady wotlěwa: Christina Brězanec-Žurowa, Madlena Bartec, Franz Friedrich, Pia Šołćic, Kirsten Kötschowa, Nadine Čižankec, Sylwija Šěnowa; klečo wotlěwa: Madlenka Markec, Judith Škodźina, Johanna Cyžec, Gabriela Jendrewscyna a Luiza Fryčec Foto: Měrko Korjeńk

Rjana tradicija na Serbskim gymnaziju Budyšin (SGB) je, zo wučerjo a rozžoh­nowacy so abiturienća na kóncu šulskeho lěta hišće raz při wysokim saku mocy měrja. Volleyball je na serbskim kubłanišću nade wšo woblubowany.

Wčera tydźenja dóńdźe k sportowemu duelej muskeje generacije. Mnozy šulerjo widźachu w sportowej hali Serbskeho šulskeho a zetkawanskeho centruma optimalny­ start swojich dwanatkarjow. Woni jich mócnje pohonjowachu, štož wjedźeše k jasnemu předskokej 20:15. Wučerjo dyrbjachu so najprjedy na hrajnišću namakać, dokelž běštaj sylnaj nadběhowarjej Maćij Čižank a Roman Grzyb krótkodobnje wupadnyłoj. Tak zwosta jich pjeć pedagogow, kotřiž dźakowano wjetšej rutinje sadźbu hišće z 25:22 za sebje­ rozsudźichu. Wuspěšny kónc přinjese aktualnemu wo­krjesnemu mištrej wučerskeje ligi wjac měra a stability do hrajnych akcijow. Tak přesadźichu so woni tež w přichodnymaj přechodomaj z 25:19 a 25:16.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND