Zakónča sezonu na třećim městnje

Mittwoch, 15. Juni 2016
Artikel bewerten
(0 Stimmen)

Drohotka Ramnow

– Sokoł Ralbicy/Hórki 0:4 (0:2)

Zestawa hosći: Gloxyn – von Köding, S. Bjeńš, B. Bjeńš, Korjeńk, Šewc, Wałda, Lulak, Šołta, Domaška, Kurjat (60. Matka)

Ralbičenjo chcychu wězo dobyć a w kónčnym hódnoćenju so na třećim městnje tabulki zaměstnić. To so w Ramnowje tež poradźi, dokelž nadźěłachu sej woni tójšto šansow. Někotre pak zdźěla lochkomyslnje njewužichu. W 2. min. wothra Wałda z praweje strony Korjeńkej, tola Pěskečan njezamó z bliskeje distancy wrotarja přewinyć. Tež Domašce so to njeporadźi, jako Korjeńk jeho do haski pósła. W 12. min. třěli Šołta z direktnym wólnym kopom nawjedowanje. Nětko so tež Ramnow prědku pokaza, tola po róžku hłójčkowany bul wrota njenamaka. Po 15 min. nahra Kurjat Domašku, tón pak prosće prózdne wrota nje­trjechi. Lěpje sčini to w 19. min., hdyž dołhi bul Šołty dósta a hrajny nastroj do dołheho róžka přetwori. Ramnow pak so njepoda a spyta swójske wrota docpěć, tomu wšak Gloxyn w 36. min. zadźěwa.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND