Madźarska z dotal najwjetšej překwapjenku turněra

Mittwoch, 15. Juni 2016
Artikel bewerten
(0 Stimmen)
Birkir Bjarnason (srjedźa) je so wčera ze swojimi wrotami přećiwo faworizowanemu mustwu z Portugalskeje wo wulku překwapjenku postarał.  Foto: dpa/Sebastian El-Saq Birkir Bjarnason (srjedźa) je so wčera ze swojimi wrotami přećiwo faworizowanemu mustwu z Portugalskeje wo wulku překwapjenku postarał. Foto: dpa/Sebastian El-Saq
Bordeaux. Sensacija Madźarska, drohotny Alaba, prěnja žołto-čerwjena karta, překwapjenje nowačk-Islandska. Z tutymi krótkimi hesłami hodźał so pjaty hrajny dźeń europskich koparskich mišterstwow wopisać. A tež tole hišće za wčerawši dźeń přitrjechi: „Tuni koparjo su druhdy wjace hódni.“ David Alaba (Awstriska), profijowy kopar FC Bayern Mnichow, je z 45 milionami eurow dwójce telko hódny kaž cyłe madźarske mustwo. Tunja madźarska jědnatka je wčera w skupinje F jasneho faworita Awstrisku z 0:2 (0:0) porazyła, štož běše prěnja wulka sensacija EM. Awstričenjo drje super do hry startowachu, zbožo k wrotam pak jim pobrachowaše. Po 32 sekundach měješe Alaba wulku šansu, trjechi pak jenož žerdź. W druhim połčasu bě Madźarska jasnje lěpše mustwo. W 62. mjenšinje docpěchu woni samo 1:0 přez Adama Szalija. Krótko po tym so naši susodźa hišće wosłabichu, jako dósta Aleksandar Dragović prěnju amplowu kartu turněra (66.). Wo kónčne 2:0 bě so zaměnjeny Zoltan Stieber z krasnymi wrotami postarał.
Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Anzeige