Prěni raz pódla, dobyćer skupiny a wosmifinalist

Dienstag, 21. Juni 2016
Artikel bewerten
(0 Stimmen)
Waliz Sam Vokes a ruski kopar Sergej Ignašewič (wotlěwa) wojujetaj wo bul. Bój je so za walizisku wubranku skónčnje wudanił.  Foto: dpa/Aleksander Demjančuk Waliz Sam Vokes a ruski kopar Sergej Ignašewič (wotlěwa) wojujetaj wo bul. Bój je so za walizisku wubranku skónčnje wudanił. Foto: dpa/Aleksander Demjančuk

Toulouse. Nowačk Wales je so wčera wječor z wusahowacym superstarom Garethom Balom za wosmifinale europskich koparskich mišterstwow kwalifikował a rusku wubranku dwě lěće do swětowych­ koparskich mišterstwow w Ruskej domoj pósłał. „Zmije“ pokazachu w Toulouseu wjele lubjacu kopańcu a dobychu 3:0. Nimo­ toho zawěsćichu sej hišće skupinske dobyće w skupinje B před Jendźelskej. Za Walizow je to druhi najwjetši wuspěch w koparskich stawi­znach kraja. Před 58 lětami docpěchu mjenujcy štwórćfinale swětowych koparskich mišterstwow. „Što je to do nocy. Ženje­ ju njezabudźemy! Takle dobyć je něšto wosebiteho. Nětko wjeselimy so na při­chodneho přećiwnika“, rjekny Waliz­ Joe Allen. Za Rusku bě to hižo třeći k.o. w předkole. Za Wales trjechichu Aaron­ Ramsey, Neil Taylor a Gareth Bale, kiž lisćinu třělcow z trojimi wrotami nawjeduje­.

Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Anzeige