Wulka podpěra najebać poražku

Dienstag, 21. Juni 2016
Artikel bewerten
(0 Stimmen)
Serbowki su wčera jara dobry defensiwny wukon pokazali. Přeco zaso dyrbjachu so Němki z Južneho Tirola přećiwo dwěmaj SKWž-koparkomaj přesadźić, kaž tu přećiwo Marie Luise-Pjetašec (naprawo) a Sophiji Bejmakec (3. wotpr.).  Foto: Jörg Stephan Serbowki su wčera jara dobry defensiwny wukon pokazali. Přeco zaso dyrbjachu so Němki z Južneho Tirola přećiwo dwěmaj SKWž-koparkomaj přesadźić, kaž tu přećiwo Marie Luise-Pjetašec (naprawo) a Sophiji Bejmakec (3. wotpr.). Foto: Jörg Stephan

Němki z Južneho Tirola – Łužiske Serbowki (SKWž) 5:0 (2:0)

Zestawa SKWž: Jadwiga Richterowa – Janika Bětnarjec, Franciska Hellnerowa, Klawdija Hejdušcyna (51. Nadja Zamora), Michaela Młynkec (80. Julia Młynkec), Michaela Domaškec (88. Lubina Mičkec), Lenka Fryčec, Sophia Bejmakec, Anna Richterec (65. Lara Brücknerec), Marie-Luise Pjetašec, Chrystina Pašcyna

Wčerawša poražka Serbowkow njeje překwapjaca, wšako bě do hry jasne, zo maja hosćićelki jara sylny cyłk. Překwapił pak je wukon SKWž. Wot wšeho započatka hry forměrowaše so škitny zwjazk, kotryž­ bě hač do 8. min. bjez dźěrow. Hakle­ kapitalna třělwa Južnotirolčanki ze zdalenosće něhdźe 22 metrow wjedźeše k nawjedowanju. Wrotarka Jadwiga Richterowa bě bul přepozdźe widźała a njeměješe šansu ju wotwobarać. Slědowaše pak faza, w kotrejž wubědźichu sej serbske koparki samo róžk. Dwójce, trójce jewjachu so tež před šěsnatku přećiwnika, kotryž pak wšitke nadběhi suwerenje wotpopadny. Hišće do přestawki dóńdźe k njetrjebawšemu 0:2 (44.). Třělwa z něhdźe 16 metrow prasny do žerdźe a wottam do wrotow.

Veröffentlicht in Sport
Bitte anmelden, um einen Kommentar zu posten

Anzeige