Wosebje mustwa sylne wukony pokazuja

Donnerstag, 18. August 2016
Artikel bewerten
(0 Stimmen)
Beachvolleyballistce Laura Ludwig a Kira Walkenhorst smědźeštej wčera wyskać, po tym zo běštej sej olympiske złoto wubědźiłoj.  Foto: dpa/Marvin Ibo Güngör Beachvolleyballistce Laura Ludwig a Kira Walkenhorst smědźeštej wčera wyskać, po tym zo běštej sej olympiske złoto wubědźiłoj. Foto: dpa/Marvin Ibo Güngör

Rio de Janeiro. Tón abo tamny němski sportowy zamołwity měješe do olympiskich hrow zawěsće brjušebolenje, dźěše-li wo šansy němskich wubrankow w mustwowych sportowych družinach. Wjacore wubranki njemóžachu so mjenujcy za lětuše olympiske hry w Brazilskej kwalifikować. Tak běchu na přikład hrajerjo wodobula, volleyballisća w hali, basketballisća abo žónske narodne mustwo w mjetańcy hižo na kwalifikaciskich turněrach zwrěšćili a móža nětko sportowy wjeršk jenož w telewiziji sćěhować. Změrowaca powěsć pak je, zo nimale wšitke kwalifikowane mustwa wo medalje wojuja.

Před gigantiskej kulisu, w stadionje při Copacabanje, stej beachvolleyballistce Laura Ludwig a Kira Walkenhorst tež w finalnej hrě domoródnej dwójce Agatha/Barbara bule jenož tak wokoło wušow smykałoj. Prěni žónski beachvolleyballowy porik Europy smě so tuž nětko olympiski dobyćer mjenować.

Veröffentlicht in Sport

Galerie

dalši wobraz (1)
Bitte anmelden, um einen Kommentar zu posten

Serbska debata

Neuheiten LND