Přichodne koło njedocpěli

Dienstag, 23. August 2016
Artikel bewerten
(0 Stimmen)
Scena z hry mustwa SV Hainsberg přećiwo SJ Chrósćicam z druheho krajneho pokalneho  koła. Z čisłom 20 widźimy Toma Henčla, jednoho z Chróšćanskich nowopřichadow .  Foto: Clemens Šmit Scena z hry mustwa SV Hainsberg přećiwo SJ Chrósćicam z druheho krajneho pokalneho koła. Z čisłom 20 widźimy Toma Henčla, jednoho z Chróšćanskich nowopřichadow . Foto: Clemens Šmit

SV Hainsberg – SJ Chrósćicy  5:2 (0:1) po podlěšenju

Zestawa hosći: Králíček – Schulze, Cyž, Šafář, Grieß, Žur, Runt, Sentivan, Špitank (75. Młynk), Henčl (84. Kunze), Věchet (67. Šmit)

Po tym zo běchu Chróšćanscy koparjo prěnje koło sakskeho pokala hišće wusadźić směli, dyrbjachu njedźelu w druhim kole pola mustwa SV Hainsberg nastupić. Tele towarstwo je runja Chróšćanskej SJ před měsacami do krajneje klasy postupiło. Wot wšeho spočatka su domjacy pokazali, komu hrajnišćo słuša. Hakle poněčim hrajerjo wokoło kapitana Cyža přećiwnikej paroli skićachu. Slědowaše njepřestajna wotměna nadběhow z wě­stej lěpšinu za Chróšćanow. W 34. min. bu Žur do šěsnatki pósłany a wotpołoži prěki před wrota. Věchet bě kročel spěšniši hač škitar a suny kulowatu kožu k nawjedowanju do wrotow. Wobě mu­stwje sej dale wjele njedarištej, měrjo so zas a zaso do ofensiwy. A hosćićel so ćim bóle prócowaše wurunać. Wjacore razy móžachu so Chróšćenjo wrotarjej Králíčekej za dobre parady a refleksy dźakować.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND