Poražka zasłužena była

Donnerstag, 25. August 2016
Artikel bewerten
(0 Stimmen)

ST Marijina hwězda – TSV Wachau 1:5 (0:2)

Zestawa domjacych: Matik – R. Hawš, Czapik, Škoda, Lipič, Njek, Jurš (61. Rab), O. Hawš, Schmidt (85. Hübner), Winkler, Pakoßnick

Prěnja domjaca hra noweje sezony je so­ za koparjow ST Marijineje hwězdy z wysokej poražku 1:5 skónčiła. Woni mějachu wulke ćeže ze zestawu. Hnydom sydom stajnych hrajerjow za partiju přećiwo zestupnikej z wokrjesneje wyšeje ligi pobrachowaše. Hižo po dźewjeć mjeńšinach dyrbješe Matik prěnju třělwu hosći wotwobarać. Róžk wunjese 0:1 (9.), dokelž njebě so nichtó za Schünemanna zamołwity čuł. Jurš, Oskar Hawš a Richard Hawš mějachu na to móžnosć wurunać, štož pak so jim njeporadźi. Hosćo­ hru dale postajachu, Pančičenjo pak worachu wjele zmylkow při wothrawanju. Nimo toho njeběchu při dwubojach krući dosć. W 31. min. běše Matik bjezmócny, a přećiwnik zwyši na 0:2. Wjetši hrajny podźěl mějachu w prěnim połčasu na kóždy pad hosćo, ličba šansow pak bě wurunana.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND