Troje wrota hižo do połčasa kasěrowali

Donnerstag, 10. November 2016
Artikel bewerten
(0 Stimmen)
Frank Měškank, wrotar Sokoła Ralbicy/Hórki II, zadźěwa w Běłym Chołmcu wjetšemu zastatkej.  Foto: Jörg Stephan Frank Měškank, wrotar Sokoła Ralbicy/Hórki II, zadźěwa w Běłym Chołmcu wjetšemu zastatkej. Foto: Jörg Stephan

HZ Łaz/Běły Chołmc

– Sokoł Ralbicy/Hórki II 3:0 (3:0)

Zestawa hosći: Měškank – Materna, M. Matka, Šnajder, T. Matka, Bogusz, Čórlich­, Kobalc, Serbin, J. Matka, Kurjat

Ralbičanscy koparjo nastupichu pola dotal štwórteho tabulki HZ Łaz/Běły Chołmc. Partija wotmě so w Běłym Chołmcu. Hrajnišćo njeje runjewon jako najlěpše we wokrjesu znate. Nimo toho hraješe tam tón dźeń hižo druhe zastupnistwo, a z njebja so miholeše. To pak njesmě žana wurěč być, wosebje za prěnje dwaceći mjeńšin hry. Z dwojimi wrotami w 2. a 18. min. postara so Steve Weigel wo změrowacy předskok. Poprawom dyrbješe Sokołej jasne być, zo je to najstrašniši nadběhowar w rjadach domjacych. Z nětko dźesać wrotami je wón druhi najlěpši třělc wokrjesneje ligi stafla II. Třeće wrota slědowachu dwě mjeńšinje pozdźišo přez Philippa Witschasa, druheho najlěpšeho třělca hóstneho hrajneho zjednoćenstwa.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND