Pedagogojo-volleyballisća SGB dwójce wuspěšni

Montag, 28. November 2016
Artikel bewerten
(0 Stimmen)
Pedagogojo-volleyballisća Serbskeho gymnazija Budyšin zahajichu w swójskej hali jubilejnu 50. sezonu wučerskeje ligi Budyskeho wokrjesa z dobyćomaj přećiwo WŠ Malešecam a kombinowanemu cyłkej 5. SŠ-eks/Melanchthonowy gymnazij Budyšin. Stejo wotlěwa su to Tereza Wićazec, Konrad Lipič, Měrko Korjeńk, Uwe Barchmann, Roman Grzyb, Maćij Čižank, Metod Šołta a Franz Friedrich.  Foto: Měrko Korjeńk Pedagogojo-volleyballisća Serbskeho gymnazija Budyšin zahajichu w swójskej hali jubilejnu 50. sezonu wučerskeje ligi Budyskeho wokrjesa z dobyćomaj přećiwo WŠ Malešecam a kombinowanemu cyłkej 5. SŠ-eks/Melanchthonowy gymnazij Budyšin. Stejo wotlěwa su to Tereza Wićazec, Konrad Lipič, Měrko Korjeńk, Uwe Barchmann, Roman Grzyb, Maćij Čižank, Metod Šołta a Franz Friedrich. Foto: Měrko Korjeńk

Wučerjo-volleyballisća Serbskeho gymnazija Budyšin (SGB) zahajichu jubilejnu 50. sezonu wokrjesnych mišterstwow při wysokim saku z dobyćomaj. Woni nawjeduja nětko tabulku šěsć startowacych šulow hač k druhemu hrajnemu dnjej w měrcu 2017 w Lubiju.

Před 49 lětami běštaj direktor Dobrušanskeje šule Rainer Laveatz a sportowy wučer tehdyšeje Budyskeje Wuchodneje šule (nětko Mättigowa) Wolfgang Schumacher ideju zrodźiłoj, mjezsobne wubědźowanje wučerjow we volleyballu přewjesć. A štož bě so z wurisanjom mjez šulomaj w meji 1968 započało, wuwi so k woblubowanej formje wólnočasneho sportowanja. W sydomdźesatych lětach přidružichu so dalše šule, mjez nimi tež Budyskej Serbski wučerski wustaw a Serbska rozšěrjena wyša šula. Tučasnje wojuje šěsć wučerskich cyłkow wo titul wokrjesneho mištra.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND