Módro-běli Kulow II
– Sokoł Ralbicy/Hórki II 0:0
Zestawa domjacych: Ahrens – Wróbl, Brösan, Kliemank, Schapals (86. Elstner), Bernard, Groß, Mattick (65. Hörauf), Weiland, Dömel, Gräfe
zestawa hosći: Měškank – Statnik, Matka, Bogusz, Róbl, Rawš, Čórlich (46. Šěn), Serbin (46. Budar), Kobalc, Woko, Kurjat
Hru doma běchu koparjo Sokoła Ralbicy/Hórki 2:1 dobyli. W Kulowje nochcychu na žadyn pad přěhrać, ale w tabulce wotstawk třoch dypkow dźeržeć. Partija so nerwoznje započa. Wobaj cyłkaj hraještej zwjetša dołhe třělwy, kotrež škitarjo wěsće wotpopadnychu. Šansy nastachu jenož, hdyž so spěšnje a nisko doprědka hraješe. Tak sčinichu to Ralbičenjo w 27. min., jako bu młody Čórlich swobodnje hraty. Wón měrješe so na wrota. Bul pak wrotar z porstami na žerdź stłóči. Kulowčenjo žane ideje njemějachu. Tak móžeše Statnik jako posledni muž swojich muži měrnje dirigować.