Rewanšaso njeporadźiła

Montag, 20. April 2015
Artikel bewerten
(0 Stimmen)

Koparska tabulka

wokrjesneje ligi, stafle 1

1. Wjelećin 22 70 : 24 58

2. HZ Budestecy 21 49 : 31 45

3. ST Budyšin 21 57 : 22 40

4. Kubšicy 22 50 : 34 38

5. Załom 21 54 : 38 32

6. Wóspork 21 46 : 44 32

7. Radwor 22 47 : 34 29

8. Malešecy 21 59 : 55 29

9. Hodźij 21 29 : 40 23

10. Wjernarjecy 22 31 : 41 22

11. Póst Budyšin II  22 22 : 56 21

12. Wulka Dubrawa 21 40 : 46 19

13. Minakał 21 24 : 46 18

14. Njeswačidło 22 26 : 51 17

15. Bart 90 22 23 : 65 11


ST 1922 Radwor – HZ Budestecy/Korzym/Šěrachow 2:3 (1:0)

Zestawa domjacych: Wünderlich – Šěrak Fabian, Buša, S. Henke, Karwinski, Šram, Bauer (73. Mark), Nuk, Nagel, T. Henke, Schulze

Prěnju partiju hrajneje doby 2014/ 2015 běchu Radworčenjo w Budestecach 6:3 přěhrali. Tehdy bě kapitan Clemens Schaaf hnydom pjeć króć trjechił. Hra bě nětko tuž zdobom duel najlěpšich třělcow wokrjesneje ligi, stafle 1. W Radworskim mustwje je to Schulze z 20 a ka­pitan hosća Schaaf z 19 wrotami. By-li přihladowar jenož prěni połčas dožiwił, njeby sej zawěsće myslił, zo steja Budestecy na 2. městnje tabulki.

Domjacy partiju wot spočatka posta­jachu. W 24. min. Nagel po flance bul k 1:0 do wrotow zhłójčkowa. Dalše móžnosće wšak hižo konsekwentnje njewu­žiwachu.

W druhim połčasu Radworčenjo hrajnu nitku zhubichu. W 67. min. móžachu hosćo wurunać. Wrota nastachu podobnje kaž domjace. Flanku je nadběhowar do wrotow zhłójčkował. Dźesać mjeńšin pozdźišo po jědnatce samo na 2:1 zwy­šichu a wot toho časa hru dominowachu. Po róžku w 89. min. hosćo samo 3:1 nawjedowachu. Domjacy wrotar při tej akciji přederje njewupadaše. Z poslednjej móžnosću Schulze za Radwor hišće přez jědnatku na 2:3 skrótši. Poražka ćim bóle boleše, jako Thomas Henke w poslednjej minuće hišće čerwjeno-žołtu kartu dósta.
Fabian Wróbl

Veröffentlicht in Sport
Bitte anmelden, um einen Kommentar zu posten

Anzeige