Wučer a šuler koncertowałoj

Montag, 04. Mai 2015
Artikel bewerten
(0 Stimmen)
Hromadźe ze swojim wučerjom Friedemanom Böhmu wuhotowa Michał Donat (wotprawa) wčera w Budyšinje koncert duchowneje hudźby.  Foto: C. Schumann Hromadźe ze swojim wučerjom Friedemanom Böhmu wuhotowa Michał Donat (wotprawa) wčera w Budyšinje koncert duchowneje hudźby. Foto: C. Schumann

W rjedźe poskitkow duchowneje hudźby wuhotowa wčera tachantski kantor, cyrkwinski hudźbny direktor Friedemann Böhme, zhromadnje ze swojim šulerjom Michałom Donatom z Chrósćic w Budyskej Serbskej cyrkwi nyšpor z pišćelowymi twórbami.

Budyšin (CRM/SN). Na liturgisku hudźbu jutrow so złožujo zahaji Budyski tachantski kantor hodźinu sakralneje hudźby z modernej meditatiwnej twórbu madźarskeho benediktinskeho rjadnika a hudźbnika Àmenta Ferenca Lukàcsa „Lumen Christi: Alleluja“. Z „Ciaconu w f“ italskeho stareho mištra Johanna Pachelbela je młody Chróšćan Michał Donat tele­ jutrowne poselstwo dale wjedł. Tu so wujewi, z kajkej intensitu spyta młody zahorjeny pišćeler njelochku hudźbu sobu­ najsławnišeho zastupjerja italskeho baroka hrajnotechnisce kaž tež wu­měł­skointelektualnje wobknježić. Friedemann Böhme pak poda na to z „Passacagliju w c-moll“ Johanna Sebastiana Bacha wurjadny wotpowědnik z pišćeloweje literatury woneje doby w Němskej.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND