Pólska ludnosć dyrbi za dwě njedźeli hišće raz noweho prezidenta wolić. Wčerawše prěnje koło zamó njenadźicy narodno-konserwatiwny kandidat An- drzej Duda ze 34,5 procentami za sebje rozsudźić, wostajejo wulkeho faworita, zastojnstwo dotal zastawaceho Bronisława Komorowskeho za sobu, kiž nahromadźi jeno 32,6 procentow.

Waršawa (dpa/SN/K). Dokelž pak žadyn z njeju absolutnu wjetšinu njedocpě, wotměje so njedźelu, 24. meje, rozsudne wurisanske koło. Wólbne wobdźělenje wučinješe wčera něšto wjace hač 49 procentow (2010 rěkaše wone 54,9 procentow). Cyłkownje bě na wšě jědnaće kandidatow nastupiło. Woprašowanja běchu Komorowskemu jasne dobyće něhdźe 40 procentow wěšćili.