Konstruktiwne rozmołwy

Mittwoch, 13. Mai 2015
Artikel bewerten
(0 Stimmen)

Wonkowny minister USA Kerry po dwěmaj lětomaj w Ruskej był

Soči (dpa/SN/K). Prěni wopyt ameriskeho wonkowneho ministra Johna Kerryja po dwěmaj lětomaj w Ruskej maja po­wšitkownje za spomóžnu diplomatisku kročel. Rěčnik ruskeho prezidenta Wladimira Putina hódnoći rozmołwy w Sočiju jako „konstruktiwne a přećelske“.

Putin je ze šefom ameriskeje diplomatije Kerryjom štyri hodźiny rěčał, praji poradźowar prezidenta Jurij Ušakow. Při tym dźěše hłownje wo rozrisanje ukrainskeje krizy přez wuše zhromadne dźěło. Konkretne wuslědki njebuchu drje docpěte, přiwšěm budźi zetkanje nadźiju, zo so poćahi mjez USA a Ruskej zaso polěpša. Kaž němska kanclerka Angela Merkel (CDU) bě tež Kerry Rusku k tomu na­pominał, bóle so zasadźeć za měr na wuchodnej Ukrainje. Prezident Putin dyrbjał naležnišo wliw na proruskich separatistow wukonjeć.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND