Widźał, słyšał, napisał (16.11.20)
Štóž je sej zašłe sportowe kolumny přečitał, tomu je zawěsće wěsta njespokojnosć z tuchwilnej situaciju napadnyła, hdyž diktuje wirus, hač, hdźe a na kotre wašnje smě so hišće sportować. Bjez dźiwa – tu pisaja ludźo, kotřiž so za sport horja. Tak kaž nam dźe so tuchwilu njeličomnym dalšim. Sport słuša dźensa nimale samozrozumliwje do wšědneho žiwjenja kóždeho. Z nimale 30 milionami čłonow słušeja sportowe towarstwa w Němskej k najsylnišim towaršnostnym organizacijam.
Sport (13.11.20)
Ampla nětko zaso čerwjena
W Halštrowskim kolesowarskim parku Black Mountain Bike je swěca ample wot zeleneje zaso na čerwjenu přeskočiła. Zamołwići dźakuja so wšěm pomocnikam za dźěło při a na čarje, ale tež wužiwarjam parka. Za přichodnu sezonu klětu přihotuja tam dalše čary. Tak smědźa so kolesowarjo hižo nětko na nowosće wjeselić.
Schorjenemu koparjej pomhać
Hornjołužiski koparski zwjazk a Zapadołužiski koparski zwjazk pomhatej zhromadnje Sportowemu towarstwu Holtendorf. Tam je hrajer, kiž bě poprawom zaso strowy, znowa na leukemiju schorjeł. Z pomocu flajera, kotryž steji na internetnej stronje WFV, pytaja nětko darićela rodowych bańkow.
Nowy termin za Black-bird-run
Sportowe wubědźowanje Black-bird-run w Hózku ma klětu nowy termin. 5. septembra chcedźa tam přez zadźěwki běhać. Za njón poskićeja hišće 337 městnow. Wobdźělnicy měli lětnik 2003 a starši być. Běhać budu dwě kole po šěsć kilometrach, startowy pjenjez wučinja 25 eurow na wobdźělnika.
Lodohokejowe partije
Liški jutře a njedźelu zaso na lodźe
Po njerozsudnymaj wuslědkomaj doma přećiwo Bayreuthskim tigram (2:2, 2:3 po třělenju penaltyjow) a pola Drježdźanskich lodowych lawow (4:4, 5:4 po podlěšenju) dyrbja Łužiske lodohokejowe liški jutře a njedźelu połnje dypkować, zo bychu z pincy tabulki DEL 2 wulězli. Jutře hraja wone přećiwo mustwu EC Kassel Huskies (19.30 hodź.) a njedźelu pola EV Landshuta (17 hodź.).
Spočatk tydźenja wobdźělichu so Běłowodźenjo na zarjadowanjomaj, a to w domje za rehabilitaciju REHA VITA. Tam předstajichu sobudźěłaćerjo kompjuterowej systemaj Isokinetik a Orthelligent Pro. Wobaj stej za ambulantnu rehabilitaciju a wuslědki grafisce pokazujetej. Nastroj za isokinetiku zmóžnja optimalnej natwar mocow a trening pohibliwosće. Orthelligent Pro je system, kotryž trenuje stabilitu a agilitu. Dale słyšachu Liški přednošk „Zežiwjenje sportowca we wukonowym sporće“. Jurij Bjeńš
1. Ravensburg Towerstars 2 6 d d
2. Bietigheim Steelers 3 6 ddp
3. EV Landshut 2 6 d d
4. EC Kassel Huskies 2 4 d n
5. ESV Kaufbeuren 2 3 p d
6. Lodowe piraty Crimmitschau 2 3 d p
7. EHC Freiburg 2 3 p d
8. Tölzske lawy 2 3 d p
9. EC Bad Naunheim 2 3 p d
10. Lawy Frankfurt 2 2 p n
Sakske pokalne koło koparjow-juniorow wulosowane
Poprawom chcychu wosmifinale w sakskim koparskim pokalu juniorow 18. nowembra přewjesć. Pandemije dla pak so to nětko njehodźi. Nawoda wubědźowanja Heiko Melde je přichodne koło, w kotrymž tež hornjołužiske mustwa sobu hraja, na 19./20. december přesunył.
Wězo so dźensa hišće prajić njehodźi, hač hry potom woprawdźe budu. Najebać to su pokalne koło w Pirnje wulosowali. Nimo losowanskeje soniny Romy Sachs wot AOK (hłowny sponsor wubědźowanja) činješe to prezident Koparskeho zwjazka Sakska Šwica/wuchodne Rudne horiny Julian Schiebe. Tež mjena zwjazkowych ligistow młodźiny A a B su tónkróć sobu wulosowane. Tak nastachu sćěhowace partije:
Młodźina A
Reichenbachski FC – RB Lipsk
VfB Annaberg 09 – Lok Šwikawa
Wojerowski FC – FC Rudne horiny Aue
VFC Plauen – Kamjeničanski FC
Lok Lipsk – Hornja Łužica Neugersdorf
Chemija Lipsk – Fortuna Kamjenica
dobyćer hry HZ Taucha/Borsdorf : Union Torgau – Dynamo Drježdźany
dobyćer hry HZ Weißig/Neugersdorf II/Biskopicy II : Borea Drježdźany – FSV Šwikawa
Młodźina B
SSV Markranstädt – SC Borea Drježdźany
VfB Annaberg 09 – Olympia 1896 Lipsk
Wuslědki dorosta (11.11.20)
Mjez lockdownomaj su dorostowe mustwa na teritoriju Zapadołužiskeho koparskeho zwjazka (WFV) kaž tež Sakskeho koparskeho zwjazka hrali. W přichodnych tydźenjach wozjewi WFV aktualne tabulki dorosta. Hač móža po 30. nowembrje z kopańcu pokročować, wšak jasne njeje. Nadźija je přiwšěm wulka.
Młodźina A – wokrjesna liga
Haselbachtal – Großröhrsdorf 0:12 (0:5)
HZ Chrósćicy – HZ Huska 5:2 (3:2)
HZ Połčnica – HZ Lubuš wupad
HZ Ćisk – HZ Załom wupad
Arnsdorfske KT – HZ Radwor 2:6 (1:5)
HZ Horni kraj – HZ Ottendorf-O. 2:0 (0:0)
1. SC 1911 Großröhrsdorf 7 59 : 7 21
2. Póst Germania Budyšin 6 30 : 12 15
3. HZ Horni kraj-Sprjewja 5 15 : 3 15
4. HZ TSV Połčnica 1920 5 15 : 5 12
5. HZ SJ Chrósćicy 1981 6 22 : 22 12
6. Arnsdorfske KT 6 26 : 19 10
7. HZ ST 1922 Radwor 5 10 : 12 6
8. HZ FV Concordia Załom 5 12 : 15 6
9. HZ Ottendorf-Okrilla 6 6 : 17 6
10. HZ ST Lubuš 4 13 : 27 3
11. HZ ST Ćisk 6 19 : 36 3
12. HZ ST Huska 6 12 : 25 1
13. SV Haselbachtal 7 7 : 46 0
Čórlich dobyćer lětušeho wosebiteho wubědźowanja
Ze 14 běhow Hornjołužiskeje rjadneje lisćiny jenož prěnje móžne było
Sponsor kóžde lěto jara woblubowaneje Hornjołužiskeje rjadneje lisćiny běharjow běše dwaceći lět hač do 2018 Wopačanski cup běharjow, pomjenowany po tamnišim znatym wodowym zawodźe. Wot lońšeho je sponsor Energijowy zawod wuchodneje Sakskeje, a tak mjenuje so sportowe wubědźowanje nětko ENSO-cup běharjow. Tón wopřijima přerěznje dale 15 hódnoćenskich běhow z našeje Hornjołužiskeje rjadneje lisćiny, kotrež hódnoća so po dotalnych prawidłach a wašnjach.
Po wuhódnoćenju a mytowanju přewjeduja hižo wot lěta 2014 njeposrědnje po ENSO-cupje wosebite wubědźowanje ze zadźěwkami „Schiebock běha ekstremnje“. Wone so wosebje hódnoći a mytuje, njeje wobstatk rjadneje lisćiny a je so před dnjemi lětsa jenož w minimalnej formje přewjesć hodźało. Z lětušich planowanych 14 běhow ENSO-cupa su korony dla jeničce hódnoćenske wurisanje realizować móhli – a to 26. Mužakowski hrodowy parkowy běh 8. měrca k zahajenju sezony.
Wosebite wubědźowanje ze zadźěwkami rozrostło
Serbska koparska wubranka žonow – tu we wobłuku haloweho turněra ...
Wjesela so nad kóždym, kiž rady při wysokim saku hraje
Za Sokoł Budyšin so sezona we wokrjesnej klasy scyła hišće zahajiła njeje, a hižo je pandemije dla zaso přetorhnjena. Kajka je pola nich situacija tuchwilu hladajo na kader, trening a cile, je so Jurij Bjeńš wjelelětneho čłona Floriana Kaulfürsta prašał.
Floriano, kelko čłonow Sokoł Budyšin tuchwilu ma?
F. Kaulfürst: Tuchwilu smy dwanaćo, z nich ma dźesać hrajnu dowolnosć. Wobličo mustwa je hižo lěta dołho jenake, wjetšina wobsteji z hrajerjow našeje wěčneje młodźiny Škit Budyšin.
To tola derje klinči, abo?
F. Kaulfürst: Hrajemy hižo tójšto lět hromadźe, tež na wólnočasnych turněrach. Tohodla smy jara derje zahraty cyłk. Kóždy znaje sylnosće, ale tež słabosće tamneho. Naš wulki problem často jenož je, na hrajnych dnjach dosć ludźi na parket dóstać.
Hladajo do přichoda, kak tam z personalom wupada?
Prěnje terminy wutrajnostnym sportowcam za přichodne lěto
Wšitko za tym wupada, zo smědźa wutrajnostni sportowcy swoje wubědźowanske črije za lětsa hižo wurjedźić a zrumować. Tak prawje hižo nichtó z tym njeliči, zo so w decembrje na přikład hišće někotre hodowne abo silwesterske běhi přewjedu. Za lěto 2021 pak su hižo prěnje wubědźowanja planowane:
20.03. 19. Lipšćanski AOK PLUS nalětni běh
27.03. 112kilometrowski pochod wohnjowych wobornikow
10.04. 17. sakski Mt. Everest schodowy marathon
18.04. 45. Lipšćanski marathon
25.04. 23. VVO-marathon w Drježdźanach
09.05. 11. Lipšćanski běh za žony
15.05. Triatlonowy festiwal neuseenMAN 2021 Jurij Bjeńš
Tež wolejbulisća maja přestawku hač do spočatka decembra
Smědźa-li lětsa hišće raz w sportowych halach wolejbul hrać, da za serbske wolejbulistki a serbskich wolejbulistow hižo wjele hrow njezbywa. Viktoria Worklecy by na přikład hišće přećiwo Coswigej-Mišnu a Póstej Drježdźany nastupili. Wobaj cyłkaj stej susodaj w druhej połojcy tabulki, Worklečenjo steja w hornjej połojcy sakskeje klasy wuchod.
Sakska klasa wuchod
05.12. 12:00 Viktoria Worklecy – ST Połobski kraj Coswig-Mišno
05.12. 14:00 Viktoria Worklecy – Póst Drježdźany
2. Módro-běli Wojerecy 4 4 12 : 3 11
3. Drježdźanski SSV II 6 3 13 : 12 11
4. VfL Pirna Copitz 07 4 4 12 : 4 10
5. Viktoria Worklecy 6 3 13 : 13 9
6. ST Łužnica 4 3 11 : 7 8
7. Póst Drježdźany II 6 2 10 : 12 8
8. ST Coswig-Mišno 6 2 12 : 15 7
9. Motor Mickten II 6 2 10 : 14 6
10. MSV Budyšin 04 4 1 8 : 9 5
11. Volleys Koblicy 4 1 6 : 11 3
12. ST Kupoj-Nowa Łuka 4 0 1 : 12 0
Cyle wosebitej situaciji maja wolejbulistki Hrajneho zjednoćenstwa Pančicy-Worklecy a wolejbulisća Sokoła Budyšin. Sokoljo docyła hišće wo dypki hrali njejsu, na Pančičanki-Worklečanki čaka po lockdownje serbski derby.
Wobwodna liga wuchodneje Sakskeje, stafla 2, žony
12.12. 14:00 HZ Pančicy-Worklecy – Viktoria Worklecy
12.12. 16:00 HZ Pančicy-Worklecy – VV Žitawa 09 II (wobě hrě we Worklecach)
1. ST Kupoj-Nowa Łuka 1 1 3 :0 3
2. VV Žitawa 09 II 1 1 3 :0 3
