Wuslědki (06.04.16)

Mittwoch, 06. April 2016 geschrieben von:

Wokrjesna koparska liga, stafla III

Ottendorf/Lieg. – Großnaundorf 0:1 (0:1)

Frankenthal – Großröhrsdorf II 2:0 (2:0)

Großdrebnitz – Haselbachtal 2:5 (1:3)

Wóslink/Ska. – Marijina hwězda 1:2 (1:2)

Němske Pazlicy – Njebjelčicy 3:0 (2:0)

1. Frankenthal 17 53  : 25 43

2. Ottendorf/Liegau 17 42  : 16 41

3. Arnsdorf 18 45  : 20 35

4. Marijina hwězda 19 64  : 38 33

5. Großnaundorf 18 52  : 28 33

6. Sepicy 18 53  : 42 31

7. Großröhrsdorf II 19 34  : 26 30

8. Haselbachtal 18 42  : 44 26

Před panoramu Hamorskeje milinarnje je minjenu njedźelu 140 motocrossowych pilotow swoje koła po Jemjeličanskej wubědźowanskej čarje wjerćało. Tam wotměchu so krajne mišterstwa. Startowali su hobbyjowi jězdźerjo, seniorojo a piloća MX 2/Youngster ze Sakskeje, z Braniborskeje kaž tež Pólskeje. Foto: Joachim Rjela

Dale bjez poražki

Dienstag, 05. April 2016 geschrieben von:

Sokoł Ralbicy/Hórki

– ST Motor Kumwałd 3:1 (0:0)

Zestawa domjacych: Gloxyn – Matka, B. Bjeńš, St. Bjeńš, Korjeńk, Wałda (90. Lulak), Šewc, Šołta, Bejma, G. Kurjat (72. Bejmak), Domaška (85. M. Kurjat)

Dokelž swjećeše wiceprezident Olaf Poldrack wot soboty na njedźelu 50ćiny, na kotrež wón prěnje a druhe koparske mustwo kaž tež cyłe předsydstwo Sokoła přeprosy, přesunychu Ralbičenjo swoju domjacu hru na 2. apryl.

Běše to prawy rozsud, wšako domjacy w druhim połčasu mócnje wotwjertnychu a hru tola hišće dobychu. W prěnim połčasu so fanam wjele njeposkići. Sokoljo mějachu ćeže z napřećiwnym wětřikom, tež hosćo so prawje před wrotami Gloxyna njejewjachu. Jeničku naspomjenjahódnu składnosć njezamó Tomaš­ Bejma wužić.

Derby bjez dobyćerja

Dienstag, 05. April 2016 geschrieben von:

ST Radwor

– Wulka Dubrawa/ Minakał 0:0

Zestawa domjacych: Handrik – Šěrak, Buša, Henke, Zähr, Šram, von Karwin, Wjeńka, Abdullah, Schulze, Mark (70. Sćapan)

Po dobytym domjacym derbyju přećiwo Małemu Wjelkowej (8:1) chcychu Radworscy koparjo seriju dobyćow wězo dale wjesć. Do hry pak běchu najprjedy raz šokowani. Šěrak, wrotar druheho zastup­nistwa, bě sej w předhrě ruku złamał a njemóžeše tak zamołwjeneho Wróbla we wrotach zastupować. Tón po wšěm zdaću zbytk sezony wupadnje. Tak dyrbješe Stanij Handrik, hewak pólny hrajer, mjez žerdźomaj stać. Najebać to je wón swoju wěcku derje zmištrował. Bě dźě tež hižo w młodźinje hdys a hdys jako wrotar aktiwny był.

Dohromady 105 přihladowarjow widźeše w prěnim połčasu Radworčanow, kotřiž hóstne wrota lědma nadbě­howachu. Hdyž běchu jónu do jich bliskosće přišli, sudnik nimohry dla wothwizda. Tež distancowej třělwje Šrama a Marka ničo njewunjeseštej. Hosćo mějachu w 32. min. najwjetšu móžnosć, nawjedo­wanje docpěć. Přez prawe křidło bě bul naraz w Radworskej šěsnatce. Słabu­ třělwu Handrik bjez problemow popadny.

Wuslědki (05.04.16)

Dienstag, 05. April 2016 geschrieben von:

Wokrjesna koparska liga, stafla I

HZ Budestecy – Mały Wjelkow 5:1 (2:0)

Wjernarjecy – Hodźij3:1 (2:1)

Wóspork – Póst Budyšin II 1:1 (0:1)

Malešecy – ST Budyšin 4:0 (1:0)

Wjazońca – Hnašecy II 2:0 (1:0)

Radwor – Wulka Dubrawa/Min. 0:0 (0:0)

1. ST Budyšin 19 59  : 26 47

2. Malešecy 19 58  : 24 43

3. HZ Budestecy 20 63  : 35 42

4. Załom 19 52  : 24 34

5. Kubšicy 18 42  : 22 34

6. Radwor 20 47  : 25 30

7. Wjazońca  20 36  : 49 28

8. Wóspork 20 29  : 52 25

9. Wulka Dubrawa/Min. 20 36  : 37 23

10. Porchow 20 44  : 56 23

11. Wjernarjecy 20 36  : 38 22

12. Póst Budyšin II  19 41  : 49 21

13. Hodźij 19 22  : 42 15

14. Hnašecy II 20 26  : 62 14

15. Mały Wjelkow 19 27  : 77 10

W krajnym finalu wubědźowanja „Młodźina trenuje za olympiju“ su sej holcy 8. a 9. lětnika w starobnej skupinje III mjez šěsć startowacymi mustwami slěbro zawěsćili. W kónčnej partiji podležachu wone po wulkim boju 0:2 gymnaziastkam z Lichtensteina a su nětko třeće mustwo Serbskeho gymnazija Budyšin (SGB), kotrež je titul sakskeho wicemištra šulow našeho kraja dobyło.

Kajki to grandiozny wuspěch volleyballistkow SGB w Dippoldiswaldźe. Po dobyću bronzy w aprylu 2014 docpěchu hrajerki wokoło kapitanki Luizy Šubertec nětko finale sakskeho wurisanja. Sydom holcow bě so wot spočatka šulskeho lěta na pjatkownišej AG na wjeršk přihotowało. A rezultat pokaza, zo je so kóžda přidatna kapka potu na treningu wudaniła. Započało bě so krajne finale z předkołami. Tam hraješe kóždy přećiwo kóždemu dwě dobyćerskej sadźbje, a to w dwěmaj staflomaj. Hrajnišćo je tróšku mjeńše (7x7 metrow), a na polomaj stajnje štyri hrajerki wo dypki wojuja.

Koparski derby bjez zapala

Montag, 04. April 2016 geschrieben von:

Natwar Němske Pazlicy

– SJ Njebjelčicy 3:0 (2:0)

Zestawa hosći: Hahn – Kral, Deleńk, Pawlik, Hoelzel (46. Šołta), Haška (53. Hommel), Hanuza, Cyž, Hrjehor, Kubaš, Čornak (46. Ričel)

W derbyju susodow so Njebjelčanskim koparjam nimale ničo poradźiło njeje. Přez cyły čas pobrachowaštej jim trěbna koncentracija a zasakła bojownosć. Hosćićel pak měješe woboje. Tak dyrbjachu so Njebjelčenjo w spočatnych dwaceći mjeńšinach sylnym a spěšnym nadběham wobarać. Hakle po tym docpěchu nimale runowahu a wuhrachu sej po 25 mjeńšinach přez prawu stronu šansu. Čornak pak njezamó ju přetworić. Přez zmylk w srjedźnym polu po swójskim zamjeće trjebachu Němskopazli­čenjo dwě staciji a hižo steješe 1:0 (38.). A mjeńšinu do přestawki dyrbjachu hosćo dalše wrota přijimać.

Po dobyću zaso poražka

Montag, 04. April 2016 geschrieben von:

Viktoria 1889 Berlin

– Budissa Budyšin 2:1 (0:0)

Zestawa hosći: J. Jakubov – Patka, Klippel, Pfanne, Kral, Hausdorf, (73. Heineccius), Hoßmang, Rosendo, Salewski, Walther (66. A. Jakubov), Kunert

Po domjacym dobyću 3:2 přećiwo BFC Dynamu nadźiješe so Budissa Budyšin na wuspěšnu koparsku hru pola Viktorije Berlin. Tam pak pobrachowaštaj Chris Reher a Martin Kolan pjateje a dźesateje žołteje karty dla. Za to dósta Felix Kunert swoje prěnje zasadźenje w regionalnej lize­ za Budissu. Hosćićel njebě w dotalnych třoch partijach Budissu přewinyć zamóhł a běše lětsa hišće bjez poražki. Hosćo hrajachu na dobyće a mějachu do přestawki dobre móžnosće. Kunert, Salewski a Rosendo pak je njewužichu.

W druhim połčasu šmórny třělwa Hoßmanga snadnje nimo wrotow, ale šěsć mjeńšin po tym poradźi so Berlinjanam 1:0. Hižo w 59. min. pak Budissa wuruna. Rosendo posłuži Hoßmanga, kiž smokny bul ze zdalenosće 20 metrow do wrotow. Nětko mějachu hosćo šansu na dobyće. Konter pak wjedźeše k wo­spjetnemu nawjedowanju Viktorije (71.). Hač do wothwizdanja so Budyšenjo dale wo dypk prócowachu. Wša próca pak njebu mytowana.

ST Rakecy

– SJ Chrósćicy 1:1 (0:1)

Zestawa hosći: Králíček – Bětnar, Cyž, Šafář, Dórnik, Schulze, Kunze (66. M. Zahrodnik), Domaška, Dehn (77. Pöpel), Šmit (52. Młynk), Žur

Hižo njedźelu dopołdnja, při krasnym nalětnim wjedrje, nastupichu koparjo Chróšćanskeje SJ pola pjateho tabulki Rakečanskeho ST. Prawje do hry namakać pak bě woběmaj cyłkomaj chětro ćežko. Bul wjedźeše so nimale cyły čas wot jedneje šěsnatki k tamnej. Wulke móžnosće pak při tym njewuskočichu. Jeničce Dórnik měješe po dobrym solu přez lěwu stronu składnosć na noze. Třělwa Nowowješćana pak bě přesłaba. Na stronje hosćićela wuskočichu tež jenož njestrašne třělwy ze zdalenosće. Hakle krótko do połčasa posłuži Dórnik sobuhrajerja Žura wulkotnje z přihrawku do ruma. Žur běše kročel spěšniši hač škitar, běžeše hišće­ z bulom tři kročele a suny jón nimo­ wrotarja k 0:1 do saka (41.).

Widźał, słyšał, napisał (04.04.16)

Montag, 04. April 2016 geschrieben von:

Awtor dźensa

Ludwig Zahrodnik

Njedawno sym wo tym čitał, zo su při sněhakowarskim lětanju hižo dźensa dalokosće nad 300 metrow móžne – teoretisce! Hladajo do sportowych stawiznow zwěsćich, zo bě před 80 lětami Awstričan Sepp Bradl na skakanišću w słowjenskej Planicy ze 101 metrom swětowy rekord docpěł. Kajke je to do dźensnišeho razantne wuwiće!

Mnozy so prašeja, hač budu „slěborne kłoki“ Mercedesa dale awtowe wubědźowanje formule 1 dominować, abo hač so Ferrarijej wokoło Vettela poradźi zastatk nachwatać. Mercedes bě hižo před 80 lětami nawjedowaca awtowa značka na swěće. Tak bě na přikład Hans Stuck w měrcu 1936 wjacore swětowe rekordy spěšnosće nastajił, a w aprylu samsneho lěta doby němski Rudolf Laracciola Wulke myto Monaca.

Kónc februara je Täve Schur 85. narodniny swjećił. Jeho wuspěchi w 1950tych lětach to předewšěm běchu, kotrež nas te­hdy zahorichu. Njezapomnite wostanu rozprawy Heinza Floriana Oertela wo měrowych jězbach. Schur je ju dwójce dobył a dwójce sta so tež ze swětowym mištrom. Za mnohich nadróžnych kolesowarjow je wón z přikładom.

Anzeige