Sport (27.10.23)
Wolejbul w měsće a doma
Prěnje wolejbulowe mustwo muži Viktorije Worklecy hraje jutře, 28. oktobra, wot 16 hodź. w Budyskej sportowej hali Serbskeho šulskeho a zetkawanskeho centruma přećiwo cyłkej MSV Budyšin. Samsny dźeń hraje tež prěnje mustwo žonow Viktorije Worklecy doma wot 10 hodź. wo cuplutowarnjow přećiwo mustwomaj ze sakskeje ligi.
Prěki a podłu w Radworju
Za 18. crossowy běh „Prěki a podłu“ njedźelu, 29. oktobra, w Radworju je so dotal nimale 200 wobdźělnikow přizjewiło. Crossowy běh podpěra tamniše Kupowe towarstwo. Tež kolesowarjo so wubědźuja.
09:30 crossowy běh 550m
09:40 crossowy běh 1100m
09:40 duatlon běh/koleso
10:05 duatlon běh/koleso
Wot 10:30 hodź. wjacore kolesowarske wubědźowanja startuja. Hłowne přezpólne kolesowanje wo myto Radworskeje agrarneje GmbH započnje so w 13 hodź.
Kopańca kónc tydźenja
W Kulowje wuhraje so jutře wulki koparski derby mjez worjołami a sokołami. Wulki derby Rakecy – Budyšin w krajnej klasy wuchod steji jutře tež na hrajnych planach.
28.10. 14:00 Módro-běli Kulow –
Sokoł Ralbicy/Hórki
28.10. 14:00 Biskopičanske KT –
Motor Marienberg
28.10. 14:00 TSV Wjernarjecy –
SJ Chrósćicy II
Dobyći a poražce za Sokoł Budyšin
Sokoł Budyšin –
TSV Wóspork 0:2 (9:25, 16:25)
Sokoł Budyšin –
Sokolnik Wjazońca 2:1
(25:23, 17:25, 15:10)
Zestawa Sokoła Budyšin: Tomaš Suchy, Frank Püschel, Mario Walter, Stefan Cuška, Robert Krawc, Moritz Bjarš, libero Florian Kaulfürst
Na prěnim hrajnym dnju doma startowachu wolejbulisća Sokoła Budyšina do sezony 2023/24.
Prěnju hru we wokrjesnej klasy wuchod přećiwo Wósporkčanam přěhrachu Sokoljo jasnje z 9:25 a 16:25. Přičiny běchu hłownje špatne nadaća a přiwzaće bulow. Nimo toho hrajachu z nowej „startowej šestku“ w kotrejž dyrbještaj so nowy přistajer Moritz Bjarš a srjedźny nadběhowar Frank Püschel integrować, respektiwnje so na wobstejnosće dypkowych hrow zwučić. Ale tež sudnik měješe swój podźěl na tym, rozsudźi přehnaće korektnje, samo arogantnje. Swojich pomocnikow na linijach prosće ignorowaše. Přihladowarjo jeho samo husćišo na zmylki Wósporkskich hrajerjow skedźbnichu, ale wón njeda so wobwliwować.
Stota dypkowa hra w trikoće SJC
Předsydstwo SJ Chrósćic přepoda před winowatostnej dypkowej hru přećiwo Póstej Germaniji Budyšin Lucianej Zahrodnikej a Janej Boguszej pokal za stotu dypkowu hru w Chróšćan trikoće.
24lětny Lucian Zahrodnik je wažny hrajer stajneho mustwa, takrjec prěnjeje jědnatki Chróšćanow. Po prawej stronje smali wón kóždu hru horje a dele, druhdy jako zakitowar, druhdy skerje ofensiwnišo, jako hrajer srjedźneho pola. Tak tež často nadběhowarjow z dobrymi flankami posłužuje.
Nadběhowar SJC je 25lětny Jan Bogusz. W škiće přećiwnikow Chróšćan stajnje strach wubudźa a wusahuje tam ze swojej dobrej techniku, wotzamknjenjom, ale tež ze swojej staturu. W sto hrach je Bogusz tež hižo 32 wrotow za SJC docpěł. Tak je mustwje hižo mnoho dypkow zaručił.
Wuslědki (25.10.23)
Kopańca, krajna klasa
ST Wesenitzal – Radebergerske ST 2:1 (0:)
Niska – Drježdźanski SC 4:0 (4:0)
Póst Budyšin – Nowosólc-Hródk 3:1 (0:1)
Wojerowski FC – Rakečanske ST 4:1 (1:0)
Běła Woda – Zschachwitz 1:3 (0:2)
BSV Sebnitz – FSC Wódrjeńca 2:2 (2:1)
SJ Chrósćicy – Drježdźany Strěžin wupad
SG Weixdorf – Ro. Drježdźany 4:0 (3:0)
1. FV Přezjednota Niska 9 42 : 6 22
2. SZ Drježdźany Strěžin 8 14 : 13 17
3. Póst Germania Budyšin 9 17 : 19 16
4. SG Weixdorf 8 18 : 10 15
5. BSV Sebnitz 8 17 : 12 14
6. Drježdźanski SC 8 17 : 14 14
7. VfB Běła Woda 9 21 : 25 12
8. FSV Nowosólc-Hródk 8 17 : 14 11
9. Wojerowski FC 9 14 : 12 11
10. FSC Wódrjeńca 8 20 : 22 11
11. ST Wesenitzal 8 13 : 17 10
12. SJ Chrósćicy 8 10 : 16 8
13. Rakečanske ST 9 11 : 26 8
14. Radebergerske ST 9 12 : 23 7
15. TSV Rotacija Drježdźany 8 8 : 19 7
16. Módro-běli Zschachwitz 8 17 : 20 6
Sokołam dobyće zaručił
Sokoł Ralbicy/Hórki –
Natwar Němske Pazlicy 3:1 (2:1)
Zestawa domjacych: Chr. Gloxyn – Heidorn, Schultz, Wałda, Rawš, D. Gloxyn, Korjeńk, Rachela, Šołta (90. Šewc), Bejmak (55. M. Matka/81. Woko), Domaška
Njedźelu popołdnju přichwata 150 přihladowarjow do stadiona „Jurij Frencl“, zo by sej derby mjez delanskimi koparjemi a Němskopazličanami wobhladało.
Mustwo 12/96 w Radworju dobyło
Pjaty wólnočasny wolejbulowy turněr serije „top šěsć“ w Radworju dobychu abiturienća lěta 1996 před wučerjemi Serbskeho gymnazija Budyšin (SGB) a cyłkom Viktorije Worklecy.
Pjata stacija wólnočasnych wolejbulowych turněrow serije „top-šěsć“ wotmě so minjenu wutoru w Radworskej sportowni „Slavija“, hdźež powita hłowny organizator wječora Syman Hrjehor cyłkow. Wšitke šěsć mustwa tuteje serije běchu tónraz přitomne a samo dwaj přidatnej mustwje. Zwjeselace bě tež podźěl wolejbulistkow z dwanaće hrajerkami.
Nowy dumperowy mišter Němskeje je Filip Kral (na wobrazu, Dumperowy ...
Sylny druhi połčas njebu mytowany
SJ Wjelećin –
ST Marijina hwězda 2:1 (2:0)
Zestawa hosći: Matik – Wróbl, K. Pakoßnik, R. Cyž, Hoge, Čornak (40. Schmidt), Ch. Cyž, Eldor (79. Langer), Clausen (46. Zelnak), J. Pakoßnik, Peschmann (40. Kurink)
Wězo chcychu so Pančičenjo po njetrjebawšim remisu z předchadźaceho tydźenja zaso do čary wuspěcha wróćić, štož pak so jim njeporadźi. Po sylnych dešćach bě trawnik jara mokry a mjechki, štož porjadnu hru nimale znjemóžni.
Znowa wažnu hru přěhrali
ST Radwor –
HZ Łaz/Běły Chołmc 1:2 (0:1)
Zestawa domjacych: Ehrlich – B.Grubert, Schäfer (37. Hetaš), Castejon, Paška, Reinecke, Nuk, Omran (86. M.Grubert), Wróbl (46. Šnajder), Glücklich, Schöne
Po přěhratej hrě přećiwo Ottendorfej-Okrilli nadźiješe so team trenarja Petera Grenzemanna na dypki, a to přećiwo hrajnemu zjednoćenstwu Łaz/Běły Chołmc. Mjez tutymaj teamomaj z pincy tabulki nastachu stajnje napjate duele.
Wobě mustwje přińdźeštej derje do hry a tež sudnik postara so wo fairnu, krutu liniju. Spočatnje hrajachu wjele w srjedźnym polu. Hižo zahe měješe domjacy hrajer Stephan Reinecke šansu na nawjedowanje, po tym zo bě přez křidło před wrota přišoł. Po zběhnjenym bulu do směra na Radworske wrota bě wrotar Alexander Ehrlich akciju hižo wotwobarał, tola nadobo suny so bul tola někak do swójskich wrotow k 0:1 (6.). Radworčenjo wuhrachu sej stajnje šansy, na přikład přez Stephana Reinecke abo Lennyja Schöne. Wšěm pak poslednja konsekwenca pobrachowaše, zo bychu wrota docpěli.
Wuslědki (24.10.23)
Kopańca, wokrjesna wyša liga
Hnašecy-Dobruša – Kulow 5:3 (2:1)
Biskopicy II – Großröhrsdorf 3:2 (1:2)
Radwor – HZ Łaz/Běły Chołmc 1:2 (0:1)
Ralbicy/Hórki – Němske Pazlicy 3:1 (2:1)
1. Biskopičanske KT II 9 33 : 6 24
2. ST Horni kraj-Sprjewja 9 31 : 7 24
3. ST Hnašecy-Dobruša 9 44 : 16 22
4. Sokoł Ralbicy/Hórki 9 22 : 11 18
5. TSV Połčnica 9 19 : 14 18
6. SG Großnaundorf 9 17 : 18 17
7. Módro-běli Kulow 9 21 : 17 14
8.SC Großröhrsdorf 9 19 : 15 13
9. Drohotka Ramnow 9 18 : 18 11
10. Natwar Němske Pazlicy 9 23 : 33 11
11. FV Ottendorf-Okrilla 9 11 : 17 10
12. HZ Łaz/Běły Chołmc 9 6 : 17 9
13. Hlinowski SK 9 16 : 21 8
14. TSV Wachau 9 19 : 29 5
15. ST Radwor 9 10 : 32 4
16. ST Ćisk 9 8 : 46 0
