Argentinskej, wiceswětowemu mištrej lěta 2014, hrozy na lětušich koparskich mišterstwach w Ruskej kónc hižo w skupinskej fazy. Wčera wječor přěhra cyłk wokoło superstara Lionela Messija druhu hru předkoła přećiwo Chorwatskej 0:3. Argentinjenjo docpěće wosmifinala hižo sami w rukomaj ni­maja. Z jeničkim dypkom w tabulce skupiny D dyrbja woni w poslednjej skupinskej partiji Nigerisku přewinyć a so poražki Islandskeje přećiwo Chorwatskej nadźijeć, zo bychu so hišće za wosmifinale kwalifikowali. Chorwatska je z njewočakowano wysokim triumfom hižo w kole najlěpšich 16 mustwow. Běše to napjaty duel, ze spektakularnymi prěnimi wrotami za Chorwatsku. Argentinski wrotar bě bul w šěsnatce překrótko wotkopnył, Ante Rebić spěšnje reagowaše ­a trjechi z krasnej třělwu 1:0 (53.). Wo předrozsud postara so Luka Modrić, jako ze zdalenosće k 2:0 wotzamkny (80.). Zo móhł wrotowy poměr hišće rozsudny faktor za zaćah do wosmifinala być, ­Argentinjanow po wšěm zdaću njeza­jimowaše. Po dohromady jědnaće žołtych kartach za wobě mustwje zwyši Ivan Rakitić krótko do wothwizdanja na 3:0 (91.).

Sport (22.06.18)

Freitag, 22. Juni 2018 geschrieben von:

Konjacy sport w Kulowje

Za 47. jěchanski a skakanski turněr w Kulowje jutře a njedźelu je so dwěsćě sportowcow ze 60 jěchanskich towar­stwow zapisało, tež z Čěskeje, Pólskeje a Nižozemskeje. Sobotu wubědźuja so dwójki wot 7.30 do 19.30 hodź. (zastup budźe darmotny) a njedźelu wot 7.30 do 17.30 hodź. (zastup dwaj euraj).

Přihotowanske koparske hry

07.07.  SZ Žylow –

  FC Energija Choćebuz

08.07.  FC Energija Choćebuz –

  Dukla Praha

11.07. 19:00  Přezjednota Niska –

  Budissa Budyšin

15.07. 14:00  International Lipsk –

  Budissa Budyšin

18.07. 18:30  Jednota Kamjenc –

  Budissa Budyšin

W Róžeńće hrać njebudu

Bičwolejbul Radija Satkula lětsa w Róžeńće njebudźe. 2. julija je na hnadownym městnje wulke putnikowanje serbskich wosadow. Bičtura Satkule zahaji so póndźelu w Radworju.

Wo postup klasu wyše

Wšitke tři hry z najsnadnišim wuslědkom wušli

Donnerstag, 21. Juni 2018 geschrieben von:

Portugal je w swojej druhej skupinskej hrě prěnje dobyće docpěł, a to 1:0 přećiwo Marokku. Hižo w 4. min. trjechi Cristiano Ronaldo. Po krótko wuwjedźenym róžku zhłójčkowa portugalski superstar bul do syće. Wón nawjeduje nětko lisćinu najlěpšich třělcow ze štworymi wrotami z dweju hrow na aktualnych swětowych mišterstwach a je dotal wšitke wrota za swoje mustwo třělił.

Tež wubranka Uruguayja je kaž wočakowano swoju druhu skupinsku hru dobyła. Chowancy trenarja Óscara Tabáreza přewinychu Sawdi-Arabsku z 1:0. Třělc bě něhdyši „kusak“ Luis Suárez. Wón steješe w swojej stotej hrě za narodne mustwo na prawym městnje a je bul po róžku do prózdnych wrotow sunył (23.). Kwalifikowanej za wosmifinale w skupinje A wubědźujetej so Uruguay a Ruska tuž póndźelu wo stafloweho dobyćerja.

Dypk pola wo- krjesneho mištra

Donnerstag, 21. Juni 2018 geschrieben von:

ST Natwar Němske Pazlicy

– ST Marijina hwězda 1:1 (0:1)

Zestawa hosći: Schmidt – Wróbl (84. Čornak), T. Škoda, T. Jurš, Lipič, Winkler, Kuring, Hawš, Rab (80. Peschmann), Eldor, A. Škoda (23. D. Jurš)

To bě šlagrowa partija wokrjesneje koparskeje ligi posledni hrajny dźeń. Prěni tabulki stafle dwaj wočakowaše druheho, a najlěpše domjace mustwo nastupi přećiwo najlěpšemu, wonka hrajacemu.

Skaskow hotuje so na swjedźeń

Donnerstag, 21. Juni 2018 geschrieben von:
Wot 29. junija do 1. julija swjeći Sportowe towarstwo Wóslink/Skaskow 40 lět kopań­ca we Wóslinku. Na wobrazu widźimy předsydu Jacka Köhlera a sobustawa před­sydstwa Manfreda Wenzela (wotlěwa) při přihotach na třidnjowski swjedźeń. Wenzel je tež wjacore lěta pola Sokoła Ralbicy/Hórki we wobwodnej lize za bulom honił a so tam mjez druhim wo wrotarjow Sokoła starał. Foto: Werner Müller

Wuslědki (21.06.18)

Donnerstag, 21. Juni 2018 geschrieben von:

Kopańca, wokrjesna liga, stafla I

Malešecy – Großröhrsdorf II 4:0 (4:0)

Huska – Bretnig-Hauswalde 4:2 (1:1)

Großharthau – Arnsdorf 0:0 (0:0)

Frankenthal – Horni kraj II 1:2 (0:1)

Wachau – Germania Budyšin II 6:0 (1:0)

Porchow – Ottendorf-Okrilla 2:1 (1:1)

Połčnica – Concordia Załom 9:0 (8:0)

Budissa Budyšink – Wjernarjecy 2:3 (1:1)

1. TSV Połčnica 30 119 : 27 76

2. ST Porchow 30 74 : 25 68

3. Traktor Malešecy 29 75 : 36 61

4. TSV Wachau 30 74 : 22 58

5. TSV Wjernarjecy 30 76 : 47 56

6. Horni kraj-Sprjewja II 30 78 : 46 53

7. SC Großröhrsdorf II 30 58 : 37 46

8. FV Ottendorf-Okrilla 30 67 : 52 46

9. Concordia Załom 30 45 : 59 42

10. Arnsdorfske KT 30 52 : 42 41

11. SV Frankenthal 30 48 : 80 29

12. Germania Budyšin II 30 37 : 83 27

13. SV Großharthau 29 29 : 69 25

14. Bretnig-Hauswalde 30 33 : 72 23

15. SV Budissa Budyšink 30 21 : 133 15

16. ST Huska 30 30 : 86 12

wokrjesna klasa stafla I

Hnašecy-Dobruša II – Hodźij 1:9 (0:4)

ST Budyšin II – HZ Wjazońca II 3:3 (3:1)

HZ Minakał – Mały Wosyk 0:8 (0:3)

Bukecy II – Horni kraj III 2:3 (1:2)

Mały Wjelkow – Bart 0:6 (0:0)

Njeswačidło – Wjelećin II 2:4 (0:1)

čoło tabulki

1. ST Budyšin II 22 83 : 28 54

2. ST Mały Wosyk 22 69 : 21 52

3. ST Bart 22 83 : 25 51

4. ST Mały Wjelkow 22 51 : 56 36

5. ST Hodźij 22 65 : 36 35

6. Módro-b. Njeswačidło 22 52 : 40 35

7. ST Wjelećin II 22 47 : 56 31

Najdlěje na swoju prěnju hru čakać dyrbjeli

Mittwoch, 20. Juni 2018 geschrieben von:

Wot zašłeho štwórtka hač do wčerawšeje wutory, potajkim najdlěje čakać dyrbjachu mustwa ze skupiny H, zo móhli skónčnje hrać. Najprjedy je so Japanska z 2:1 přećiwo faworizowanym Kolumbičanam přesadźiła. Hižo w 3. min. widźeše Kolumbičan Carlos Sánchez čerwjenu kartu, po tym zo bě třělwu Shinjija Kagawy w šěsnatce z ruku wotwobarał. Srjedźopólny hrajer Kagawa přetwori jědnatku suwerenje k 1:0. Kolumbičenjo dyrbjachu najprjedy raz bjez swojeho superstara Jamesa Rodrigueza wuńć. Tón sedźeše na ławce a dyrbješe přihladować, kak přećiwnik nimale hišće druhe wrota třěli. Takashi Inui pak bě bul z dobreje pozicije nimo třělił. Hišće do přestawki so Južnoameričanam poradźi wurunać, a to přez standard. Juan Quintero přetwori wólny kop direktnje, třěliwši bul pod murju do wrotow (39.). To běše nětko hižo štwórty direktnje přetworjeny wólny kop na swětowych mišterstwach 2018. W kónčnej fazy duela trjechi Yuya Osako trjechi po róžku z hłójčku 2:1.

Na kóncu sezony sej hišće dypk wuwojowali

Mittwoch, 20. Juni 2018 geschrieben von:

SZ Drježdźany-Strěžin

– SJ Chrósćicy 1:1 (0:0)

Zestawa hosći: Králíček – Hrdlitschka, Teichmann, Šiman, L. Zahrodnik, M. Zahrodnik, Henčl, Dórnik, G. Zahrodnik (62. J. Bogusz), Młynk, Němec

Na poslednju hru sezony 2017/2018 podachu so koparjo Chróšćanskeje SJ do kraj­neje stolicy. Tam wočakowaše jich pjaty krajneje klasy-wuchod. Wězo chcychu woni po wjacorych poražkach hrajnu dobu znajmjeńša z dypkom zakónčić. Přerěznje 24 lět młode mustwo tež sebjewědomje wustupowaše, prócujo so wo ofensiwnu kopańcu. A přihladowarjo dožiwichu wurunanu partiju. Na woběmaj stronomaj pak falowaše w poslednjej štwórćinje koncentracija. Tak njeběchu móžnosće při tužnym wje­drje přewulke. Tež sudnik běše při wy­sokich temperaturach tróšku lěni a no­chcyše so tak prawje hibać. Nimale cyłu hru agěrowaše wón ze srjedźneho kruha. Tak tež tu abo tamnu situaciju tróšku přewidźa – na woběmaj stronomaj. W defensiwje stejachu domjacy jara wěsće­, ale tež Chróšćenjo. Zmylki dźě běchu jich w škiće w zašłych hrach někotre dypki płaćili. K přestawce steješe tuž dospoł­nje zasłužbnje 0:0.

Konjacy sport w Kulowje

Mittwoch, 20. Juni 2018 geschrieben von:
Frank Čórlich budźe sobotu a njedźelu jedyn z lokalnych matadorow 47. jěchanskeho a skakanskeho turněra w Ku­lo­­wje. Wočakuja tam 200 jěcharkow a jěcha­rjow ze 60 sportowych towarstwow. Tež jěcharjo z Čěskeje, Pólskeje a Nižozemskeje su do startowych lisćin zapisani. Foto: Werner Müller

Sydom hrow bjez wrotow

Dienstag, 19. Juni 2018 geschrieben von:

Koparski turněr starych knjezow wo pokal Serbskeho Sokoła přewjedli

Kónčna tabulka

1. Sokoł Ralbicy    2:0 6

2. Zeleno-běli Hórki    2:1 6

3. SJ Chrósćicy    1:0 6

4. ST 1922 Radwor    0:2 3

5. ST Marijina hwězda    1:3 2


Z nazhonjenjow zašłych lět nawoda 22. koparskeho turněra starych knjezow wo pokal Serbskeho Sokoła Jan Hrjehor hižo wědźeše, zo so při hrajnym času 10 mjeńšin tójšto partijow bjez wrotow 0:0 skónči. Tohodla dyrbjachu po partiji jědnat­ki třěleć, zo by městna wuličić trochu jednoriše było. Prěnje pjeć wot dźesać hrow skónčichu so bjez wrotow. Hakle w šestej partiji dnja přewinychu Ze­leno-běli Hórki hosćićela z Pančic-Kukowa z 2:1 a hižo wuwi so prěnje wulke ličenje. Za Hórki, kotrež stejachu w tym času na prěnim městnje, trjechi dwójce Worklečan Konrad Šołta – wón bu po turněrje jako najlěpši třělc wuznamjenjeny –, a za klóšterskich koparjow Róžeńčan Handrij Hejduška. Slědowaštej dalšej partiji bjez wrotow a dobyće 1:0 SJ Chrósćic přećiwo ST Marijinej hwězdźe (wrota za SJC Tomaš Domaška).

Anzeige