Sezonu z poražku zakónčili

Montag, 15. Juni 2015 geschrieben von:

LSV Hory – SJ Chrósćicy 3:1 (1:0)

Zestawa hosći: Teschner – Pöpel, Schulze, Pohling, Bětnar, Dehn (88. Teichmann), Runt, Domaška, Šafář, Zahrodnik (60. Hawš), Žur

K swojej poslednjej wonkownej hrě sezony­ 2014/2015 we wokrjesnej wyšej lize podachu so koparjo Chróšćanskeje SJ na Hory. Tam chcychu na wukony minjenych tydźenjow nawjazać a sej znajmjeńša dypk zaručić. Při horcym wjedrje pak njemějachu nimale přez cyły čas žanu šansu přećiwo sylnym domjacym. Woni wrota Teschnera strašnje nadběhowachu. Po wólnym kopje pak zleća hłójčkowany bul jenož na łatu. Přichodny nadběh hosćićela přez lěwu stronu wuži Rösner a trje­chi k 1:0 (20.). Chróšćenjo drje ćišć nětko zesylnichu, ale stoprocentowske móžnosće so jim njeposkićichu. Dehn a Žur z dalokimaj třělwomaj wrota snadnje misnyštaj.

Widźał, słyšał, napisał (15.06.15)

Montag, 15. Juni 2015 geschrieben von:
Awtor dźensa Jan Hrjehor

Pawole, njestróž so! Ty sy mi sobotu rano pola rěznika něšto přeradźił, štož so mi dźensa prima do sportoweje kolumny hodźi. Dwaj a poł dnja pozdźišo móžeš tu nětko čitać, zo je tomu woprawdźe tak, zo so trenarska dwójka Andreas­ Schulze/Steffen Hübner do Chrósćic njewróći. Hakle zašły tydźeń srjedu bě předsydstwo SJ Chrósćicy na swojej in­ternetnej stronje wozjewiło, zo stej zrěčeni z Dirkom Rettigom a Falkom Kunzu wupowědźenej, a zo su noweho trenarja a kotrenarjam spěšnje namakali. Dale tam tež dźensa hišće rěka: „Trenarske duwo­ Andreas Schulze a Steffen Hübner wot 1.7.2015 wokrjesneho wyšeho ligista přewozmje a powjedźe jeho do štwórteje sezony we wokrjesnej wyšej lize Zapa­dołužiskeho koparskeho zwjazka.“ Pod­pisało je wozjewjenje předsydstwo Chróšćanskeje SJ. Zašły štwórtk rano je Serbski rozhłós wo tym rozprawjał a štwórtk wječor tež hišće Serbske Nowiny, wšako bě to oficialna zdźělenka sportoweho towarstwa a nic někajke powědanje.

Wuslědki (15.06.15)

Montag, 15. Juni 2015 geschrieben von:

Kopańca, wokrjesna wyša liga

Kumwałd – Hnašecy   0:2 (0:1)

Ćisk – Kulow    7:1 (1:1)

Połčnica – Großröhrsdorf   1:2 (1:1)

LSV Hory – Chrósćicy   3:1 (1:0)

Póst Budyšin – Ralbicy/Hórki   0:2 (0:5)

Ramnow – Bukecy   3:2 (1:1)

Sepicy – Biskopicy II   4:3 (3:2)

Wojerecy 1919 – Wachau   0:3 (0:0)

1. Biskopicy II 29 96 : 32 63

2. Ćisk 29 86 : 34 60

3. Großröhrsdorf 29 77 : 42 60

4. LSV Hory 29 73 : 39 56

5. Ralbicy/Hórki 29 63 : 33 54

6. Póst Budyšin 29 69 : 68 52

7. Kumwałd 29 56 : 50 38

8. Chrósćicy 29 57 : 48 37

9. Kulow 29 49 : 66 37

10. Ramnow  29 44 : 53 36

11. Hnašecy 29 51 : 71 30

12. Bukecy 29 43 : 81 29

13. Połčnica 29 44 : 66 28

14. Wachau 29 51 : 94 26

15. Sepicy 29 46 : 89 24

16. Wojerecy 1919 29 20 : 59 23

Wokrjesna liga, stafla I

Póst Budyšin II – Bart 90   3:0 (2:0)

ST Budyšin – HZ Budestecy   4:1 (1:1)

Wulka Dubrawa – Hodźij   3:3 (1:1)

Wjernarjecy – Malešecy   1:3 (1:2)

Kubšicy – Załom   3:4 (1:4)

Minakał – Wóspork   1:3 (0:1)

Wjelećin – Radwor   0:2 (0:1)

1. Wjelećin 27 79 : 34 64

2. ST Budyšin 27 71 : 30 51

3. HZ Budestecy 27 58 : 44 50

4. Kubšicy 27 60 : 42 46

5. Załom 27 78 : 50 44

6. Wóspork 27 64 : 59 44

7. Radwor 28 56 : 37 41

8. Malešecy 27 74 : 64 40

9. Hodźij 27 35 : 53 28

10. Póst Budyšin II  27 32 : 66 28

11. Minakał 27 34 : 61 26

12. Wulka Dubrawa 27 48 : 60 24

13. Wjernarjecy 27 37 : 52 24

14. Njeswačidło 27 34 : 58 24

15. Bart 90 27 31 : 81 14

Sport (12.06.15)

Freitag, 12. Juni 2015 geschrieben von:

Płuwać, kolesować, běhać

W Moritzburgu wubědźuje so jutře, sobotu, a tež njedźelu zaso něhdźe 1 700 triatletow. Tež serbscy triatleća su znowa do startowych lisćin zapisani. Njedźelu w 9 hodź. budźe w hrodowym haće mjez druhim płuwanski start na olympiskej distancy za Daniela Matku (Lejno), Mariana Žura (Lejno), Bena Šołtu (Miłoćicy), Floriana Dórnika (Nowa Wjeska) a Tomaša Matku (Chrósćicy). Po 1,5 km we wodźe, 40 km na kolesu a 10 km na běhanskej čarje wočakuja prěnich sportowcow wokoło 11 hodź. w cilu.

Mišterstwa skyjumpa

Njedźelu, 14. junija, přewjedu so při Bjerwałdskim jězoru w Hamorje na Južnej dróze 4 prěnje němske mišterstwa w nowej sportowej družinje skyjump. Lo­ni mějachu prěnje wuchodosakske wurisanje, lětsa nětko cyłoněmske. Skakać budu na wulki powětrowy zawk, hdźež leži dalši skakar, kiž so tak do wody katapultěruje. Prěni přechod budźe wot 14.30 do 15.30 hodź., druhi wot 16 do 16.30 hodź., połfinale w 16.30 hodź. a finale w 17.30 hodź.

Wobornicy so wubědźuja

Najlěpši lochkoatleća Serbskeho gymnazija Budyšin:

1. Tereza Pöpelec 8-1 411 dypkow

2. Clara Heller 9-2 325 dypkow

3. Kira Hrjehorjec 9-1  294 dypkow

4. Rejzka Rawšec 9-1 292 dypkow

5. Larissa Měrćinkec 6-1 277 dypkow

6. Józef Hantuš 10-4 268 dypkow

7. Anna Richter 9-2 263 dypkow

8. Matej Cyž 10-4 259 dypkow

9. Marie-L. Matješkec 10-1 255 dypkow

10. Vivien Jäckel 5-3 254 dypkow 

Maria-H. Bretšnajderec 8-4 254 dypkow


Serbski gymnazij lochkoatletiski třibój na Młynkec łuce wotměł

Jako prěnja sportowča Serbskeho gymnazija Budyšin (SGB) je nětko Tereza Pö­pel­ec z Chrósćic w lochkoatletiskim třiboju magisku hranicu 400 dypkow překročiła. Wurjadna sportowča zmi­štrowa na Budyskej Młynkec łuce běh na 50 metrow w 6,8 sekundach, wona skoči 4,58 metrow daloko a storči kulu na 9,72 metrow. Tak docpě šulerka z rjadownje 8-1 w sumje třoch disciplinow sensacionelne 416 dypkow, štož woznamjenja nowy­ rekord na SGB. Hakle před třomi lětami bě Marie-Monique Tempel, nětko šulerka 11. lětnika, z 399 dypkami dotalny rekord nastajiła.

Do Holešowskeje Dubrawki

Donnerstag, 11. Juni 2015 geschrieben von:

Jěchanske a jězdne towarstwo Njeswa­čidło přewjedźe wot jutřišeho hač do njedźele, 14. junija, jěchanski a skakanski turněr na jěchanišćomaj w Holešow­skej Dubraw­ce. Jutře, pjatk, su wubědźowanja wot 17 do 18 hodź., sobotu wot 8 do 20 hodź. a njedźelu wot 9 do 16.30 hodź.

Tež wjacore regionalne jěcharki a wjacori regionalni jěcharjo su do startowych lisćin zapisani. Tak su to na přikład Hana Brězanec z Prawoćic, Jakub Hantuš z Ra­dworja, Křesćan Zahrodnik z Chrósćic, André a Stefan Schlegel z Kulowa a wězo tež Hana Lehderec, kotraž startuje za Nje­swačidło. Za jěchanske a jězdne towarstwo Při Klóšterskej wodźe Pančicy-Kukow nastupitej Sabina Narćikec-Wawrijowa a Aleni Oelmann.

Za dźěći změja tam sobotu a njedźelu tež wjacore zaběry. Lubowarjam ko­nja­cych zapřahow pokazaja njedźelu popoł­dnju showprogram. SN

Wysoka poražka po słabym wukonje

Mittwoch, 10. Juni 2015 geschrieben von:

SJ Njebjelčicy

– ST Haselbachtal 1:4 (0:0)

Zestawa domjacych: D. Ričel – Šołta, Haška, Hoier, Hrjehor, Hanuza (70. F. Ričel), Cyž, Lejnart, Hommel, Dubaw, Čornak (55. Janca)

Jeničce w prěnim połčasu pokaza Njebjelčanski cyłk spokojacy wukon, ale tak kaž hižo často w sezonje njebě nichtó kmany, wuhrate šansy za wrota wužić. Tak zwrěšćištaj Lejnart­ a Hanuza wjacore razy bjez trěbneje koncentracije před klětku hosća. Přećiwnicy z Haselbachtala pak łakachu přeco zaso na kontery a so tež dwójce strašnje předrěchu.

30. Hušćanski parkowy běh

Mittwoch, 10. Juni 2015 geschrieben von:

Serbscy starterojo na jubilejnym běhu prima wojowali

Cyłkownje 317 wobdźělnikow je na lětušim Hušćanskim běhu mocy měriło.

Dypk sej wuwojowali

Mittwoch, 10. Juni 2015 geschrieben von:

SJ Njebjelčicy

– ST Großharthau 1:1 (0:1)

Zestawa domjacych: Hahn – Šołta, Haška, Hoier (46. Kral), Pawlik, Hanuza, Cyž (88. C. Ričel), Hommel, Hrjehor, Lejnart, Čornak (65. T. Ričel)

Wosebitosć tuteje hry bě, zo přewza poziciju Njebjelčanskeho wrotarja nowačk. Trenarska dwójka Krawčik/Panic běše nuzowana zranjenjow dla tele měst­no­ z 19lětnym wrotarjom A-mło­dźiny Nicom Hahnom wobsadźić. A tón je prěnje zasadźenje w muskim cyłku jara derje zmištrował. Hra běše wurunana, byrnjež hosćo po 35 mjeńšinach nawjedowali. Jeničce Robert Lejnart bě so do toho derje přesadźił, ale w přihódnej poziciji njezamó wrota docpěć.

Wuslědki (10.06.15)

Mittwoch, 10. Juni 2015 geschrieben von:

Kopańca, wokrjesna liga stafla III

1. Kinspork 24 78 : 20 58

2. Großnaundorf 25 47 : 30 47

3. Frankenthal 25 60 : 41 43

4. Ottendorf–Okrilla 25 50 : 28 42

5. Marijina hwězda 25 46 : 43 40

6. Großröhrsdorf II 24 39 : 42 36

7. Liegau–Augustusbad 24 51 : 45 30

8. Njebjelčicy 24 51 : 52 29

9. Haselbachtal 24 36 : 46 29

10. Němske Pazlicy 24 31 : 47 27

11. Arnsdorf 24 38 : 38 25

12. Porchow 24 34 : 46 25

13. Großharthau 24 34 : 59 24

14. Hermsdorf 24 24 : 82 14

Anzeige

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.