Widźał, słyšał, napisał (14.12.15)

Montag, 14. Dezember 2015 geschrieben von:

Awtor dźensa

Mikławš Krawc

Tole je mój posledni přinošk za tutu kolumnu. Docpětych 45 lět dopisowanja je dobra składnosć, pjero młódšim awtoram přewostajić. Rady budu so dale na někotre wjerški dopominać: Započało bě so wšitko 1970. Wot awgusta komentowachu třo Budyšenjo – Józef­ Kilank, Pětr Šołta a ja – hry koparskeje wyšeje ligi NDR. Swój prěni artikl wotedach njedźelu, 13. awgusta, wječor w redakciji na Sukelnskej. Nowa doba započa w póndźelnišim wudaću aktualnje wo sportowych podawkach rozprawjeć. Do toho běchu tele wudaće mjenujcy hižo pjatk ćišćeli.

Wuslědki (14.12.15)

Montag, 14. Dezember 2015 geschrieben von:

Wokrjesna koparska liga, stafla II

Nowe Město II – Šćeńca 19:0 (11:0)

Bluń – Ralbicy/Hórki II 2:1 (2:0)

Lubuš – Rakecy II1:2 (0:1)

FC Łužica – Ćisk II1:3 (1:1)

HZ Łaz – Hory II0:0 (0:0)

N. Hrabowka – Njeswačidło 2:2 (2:1)

Wojerecy 1919 – Hórnikecy 3:0 (1:0)

1. Wojerecy 1919 14 38  :  13 32

2. Rakecy II 13 37  :  8 30

3. FC Łužica 14 29  :  14 28

Sport (11.12.15)

Freitag, 11. Dezember 2015 geschrieben von:

Wosmifinale młodźiny A

Jutře, sobotu, wočakuje koparska młodźina A Hrajneho zjednoćenstwa Wojerecy we wosmifinalu krajneho pokal­neho koła mustwo młodźiny A Dynama Drježdźany, kotraž hraje w regional­nej lize­-sewjerowuchod. Zakop budźe w 12 hodź. na kumštnym trawniku Jahnoweho stadiona.

Přeprošeja na jubilejny turněr

ST Marijina hwězda přeproša zajimcow na 30. jubilejny nowolětny volleyballowy turněr. W jednym mustwje smědźa hrać třo aktiwni z wokrjesneje klasy, z nich móže jedyn być aktiwny nadwokrjesneje runiny. Za hrajerki žane wobmjezowanja njejsu. Nastupić smědźa jenož mustwa ze šěsć volleyballist(k)ami. Maksimalnje šěsnaće cyłkow smě so wobdźělić. Rozsudźi rjad přizjewjenja. Turněr budźe sobotu, 2. januara, wot 13 hodź. w Pančičansko-Kukowskej sportowni. Přizjewće so prošu pola Pětra Barta telefonisce pod 01733736479 abo e-mailnje pod .

Blidotenisowe dypkowe hry

11.12. 19:30 Konjecy – Połčnica IV

11.12. 18:00 Budyšin 04 III – Worklecy

11.01. 19:30 Radwor – Biskopicy III

14.01. 19:00 Konjecy III – Wětnica III

Koparske dypkowe hry

12.12. 13:30 Kamjenc – Taucha

12.12. 11:30 Großröhrsd. II – Njebjelčicy

12.12. 13:30 ST Budyšin – Radwor

Doma zaso wuspěšni

Donnerstag, 10. Dezember 2015 geschrieben von:

ST 1922 Radwor

– ST Porchow 3:1 (1:0)

Zestawa domjacych: Wróbl – Bauer, Buša­, Henke, Karwin (68. Omran), Šram, Zähr, Nuk, Wjeńka, Mark, Schulze (88. Sćapan)

Tež poslednju domjacu hru prěnjeje połserije chcychu Radworscy koparjo wuspěšnje zakónčić. Před jědnaće lětami běchu­ woni přećiwo Porchowej posledni raz w pokalu nastupili. Tehdom su Ra­d­worčenjo 1:0 dobyli. Prěnje dwaceći mjeńšin nětko pak słušachu tónkróć hosćom­, kotřiž spytachu z dołhimi třělwami strašne nadběhi startować. Ra­d­worčenjo sej šansu po šansy poněčim wuwojowachu. Wosebje spěšnaj Matej Wjeńka a Daniel Nuk zamóštaj Filipa Marka a Toma Schulzu přeco zaso do dobrych­ pozicijow wjesć. W 25. min. pospyta so najprjedy Schulze. Jeho kop pak najlěpši Porchowčan z dobrej paradu we wrotach wotwobara. Mark so w druhim pospyće wobsuny. Tež Pawl Šram a hišće jónu Schulze z distancy wrota snadnje misnyštaj. Lěpje sčini to mło­dy Nuk. W 36. min. storči wón bul po rjanej­ kombinaciji ze Schulzu k 1:0 do wrotow.

Po nawjedowanju tola jenož dypk docpěli

Donnerstag, 10. Dezember 2015 geschrieben von:

Berlinski AK 07

– FSV Budissa Budyšin 1:1 (0:0)

Zestawa Budissy: J. Jakubov – Kolan, Klippel, Pfanne, Čermák, Hoßmang, Hausdorf (90. A. Jakubov), Kral, Reher, Walther (82. Rupf)

W němskej stolicy měješe Budissa Budyšin pola Berlinskeho AK ćežki nadawk, wšako bě tón hižo wjacorym faworitam nohu podtyknył. Trenar Budissy Tomaš Henčl pak chcyše ze swojim cyłkom přiwšěm wuspěšnje hrać. Bohužel dyrbješe Ezequiel H. Rosendo hižo zahe kopanišćo wopušćić. Prěnju šansu za hosća měješe Budyski top-nadběhowar Paul-Max Walther. Třělwa z kónčkojteho kuta pak dźěše snadnje nimo. Tež Waltherowy wólny kop ze zdalenosće 18 metrow wrota misny. Budyšenjo hru kontrolowachu a wšitke přećiwniske nadběhi před šěsnatku wotpopadnychu. Při wólnym kopje přećiwnika bě Jakub Jakubov na městnje a třělwu wotwobara. Hač do přestawki wotměwaše so hra mjez šěsnatkomaj a mjezywuslědk rěkaše tuž 0:0.

Lekciju dóstali

Mittwoch, 09. Dezember 2015 geschrieben von:

Puć k wonkownej hrě wjedźeše Marijine hwězdźički do Habrachćic pola Zhorjelca. Tam witachu je volleyballistki TSV Kunnersdorfa z rumpodichowymi měcami na lětuši předposledni hrajny dźeń. Bohužel pak hosćićel nikomu ničo njedari, ale wobdari so radšo sam.

TSV Kunnersdorf – ST Marijina hwězda 3:1 (25:18, 22:25, 25:11, 25:16)

Dypkownje započa so prěnja hra. Hóstne volleyballistki spěšnje nawjedowachu, a to přez wótre nadaća Susi Glücklichoweje. Tola wjeselo bě jenož nachwilne. Krótko do kónca 1. sadźby mějachu domjace z 20:15 nós prědku.

Druhi přechod zahaji Anne Fünfstück ze seriju nadaćow a nawjedowanjom 4:1. TSV Kunnersdorf pozdźišo na 8:8 wuruna a započa znowa předskok powjetšować. Hrožeše samsna poražka kaž w prěnjej sadźbje. Znowa postara so Anne Fünfstück ze sylnymi nadaćemi wo wurunanje a mjezystaw 20:15. Z pazorami a zubami Marijine hwězdźički předskok zakitowachu, pokazujo swoju sylnu stronku. Tak zawěsćichu sej dobyće, kotrež zbudźi w nich nowu nadźiju.

Bohate wobradźenje w Delanach

Mittwoch, 09. Dezember 2015 geschrieben von:

Sokoł Ralbicy / Hórki II

– SZ Lubuš 6:0 (2:0)

Zestawa domjacych: J. Matka – Materna, Zynda, Róbl, Serbin (65 M. Matka), Bejma, Rawš, Šěn, Čórlich, Kobalc, Kurjat (86. Cyž)

Po wysokim dobyću koparjow Sokoła Ralbicy/Hórki II přećiwo Wětnicy/Holi rěkaše tež doma přeswědčiwu hru pokazać. Kaž tydźenja pak njemóžachu so tónkróć na pomoc prěnjeho mustwa spušćeć. Zwosta jenož Fabian Bejma w srjedźnym polu, kiž zhromadnje z Tomašom Rawšom hrajne nitki ćahaše.

Domjacy optimalnje startowachu. W 3. min. dóstachu róžk, z kotrehož Markus­ Kobalc bul hnydom k nawjedowanju přez liniju storči. To zaruči trěbnu wěstosć. Sokoljo zady derje stejachu a so prědku stajnje wo njeměr starachu. W 14. min. so to wudani. Bejma nahra Rawša na lěwym boku, kiž hač na zakładnu liniju přeběža a mudrje Měrćinej Kurjatej­ wróćo hraješe. Tón njeda so dołho prosyć a přetwori do dołheho kuta. Po diagonalnej třělwje smaleše hóstny hrajer na wrota Jurja Matki, kiž pak kut derje skrótši. Ze změrowacym 2:0 dźěše do kabiny.

Mikławšowy turněr přewjedli

Dienstag, 08. Dezember 2015 geschrieben von:

W Radworskej wjacezaměrowej hali „Slavia“ wotmě so minjeny kónc tydźenja 17. Mikławšowy koparski turněr.

Radworski wjesnjanosta Wincenc Baberška (CDU) bě na turněr dohromady dwanaće mustwow přeprosył. Žónske cyłki z Halštrowa, Šěrachowa a Němskich Pazlic pak bohužel krótkodobnje wotprajichu. Zamołwići Radworskeho towarstwa, kotřiž turněr nawjeduja, dyrbjachu tuž reagować. Dojednachu so na to, zo mějachu mustwa z Małeho Wjelkowa, Bukec a Hnašec/Dobruše dwójce přećiwo sebi hrać. Lońše dobyćerki z Chrósćic drje wjace njenastupichu, někotre znate mjezwoča pak běchu w mustwje Hnašecy/Dobruša widźeć. Pola muži běše Ra­dworski chór Meja zakitowar pokala.

Dochody lětušeho Mikławšoweho turněra přewostaja Minakałskej ewangelskej cyrkej za ponowjene wisydła (Glo­ckenstuhl). Tamniši farar Steffen Hirsch je so hižo do spočatka hrow za podpěru dźakował a wopisa skrótka tučasny staw starych wisydłow, kotrež fachowcy na lěto 1420 datěruja.

Njedźelske wrota k remisej wjedli

Dienstag, 08. Dezember 2015 geschrieben von:

Sokoł Ralbicy/Hórki

– Drohotka Ramnow 1:1(0:0)

Zestawa domjacych: Gloxyn – von Köding, Schultz, B. Bjeńš, Šołta, Wałda (68. Bejmak), S. Bjeńš, Matka, Korjenk, Kurjat (56. Bejma), Domaška

Koparska hra w Delanach běše spočatnje chětro konfuzna. Hakle po něhdźe dźesać mjeńšinach so hrajny natwar polěpši. Prěnja kombinacija domjacych wjedźeše do Ramnowskeje šěsnatki, hdźež Bosćij Bjeńš do nadběha sobu zapřimny. Jeho prěki połoženy bul pak bu blokowany. Na to nahra Dirk Šołta Pětra Domašku do haski, tón pak skakaty hrajny nastroj pod kontrolu njedósta. Domaška nahra Fabiana Korjeńka, ale Pěskečan trjechi jeno žerdź. Nětko Ramnowčenjo wo kóždy bul wojowachu a hosćićel měješe z napřećiwnym wětřikom swoju lubu nuzu. W 39. min. nahra Gabriel Kurjat z lěweho boka Domašku, kiž pak třělwu snadnje skomdźi. Na dołhim róžku steješe Wałda samlutki a suny bul tohorunja na žerdź. Do połčasa so hišće wrotar Chrystof Gloxyn wuznamjeni, zadźěwajo nawjedowanju hosći.

Basketballisća suwereny dobyćer

Dienstag, 08. Dezember 2015 geschrieben von:

Prěni raz w sportowych stawiznach Serbskeho gymnazija Budyšin (SGB) docpě basketballowe mustwo finale krajneho wurisanja „Młodźina trenuje za olympiju“.

Sydom basketballistow Serbskeho gymnazija Budyšin postara so njedawno w Radworju wo sensaciju. Na regionalnym finalu minjenu srjedu docpěchu hrajerjo wokoło kapitana Pětra Dźisławka w starobnej klasy II (8. do 11. lětnik) 1. městno a tak kwalifikaciju za kónčne wurisanje našeho kraja. Po kopańcy, volleyballu, blidotenisu a beachvolleyballu je to pjata sportowa družina, w kotrejž so šulerjo SGB z najlěpšimi tamnych regionow Sakskeje wubědźuja. Do wuspěšneho mustwa SGB słušachu z Pětrom Dźisławkom z Chasowa, Paulom-Georgom Gallwasom z Budyšina a Janom Šołtu z Hornjeje Kiny třo aktiwni hrajerjo Budyskeho MSV 04. Woni tworjachu z dalšimi hrajerjeami homogeny cyłk. Z radosću bě wobkedźbować, kak dokładnje sej bul přihrawaja, kak spěšnje jich kontery k dypkam wjedu a kak jedyn za druheho wojuje.

Anzeige

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte