Sport (11.05.18)
Sokoł dwójce hraje
Stara koparska garda Sokoła Ralbicy/Hórki dyrbi přichodny tydźeń hnydom dwójce přećiwo Módro-běłym z Kulowa hrać. Póndźelu we 18.30 hodź. nachwataja delanscy stari knježa w Ralbicach dypkowu hru a pjatk jich znowa doma witaja. Potom pak budźe to połfinalna pokalna partija wo zaćah do kónčneje hry. Tež tu je zakop za 18.30 hodź. planowany.
Pokalna hra postajena
Zapadołužiski koparski zwjazk přewjedźe sobotu, 19. meje, połfinalnu koparsku hru mjez SC 1911 Großröhrsdorfom a Sokołom Ralbicy/Hórki. Poprawom bě ta za kónc apryla planowana, Sokoljo pak dyrbjachu hišće w štwórćfinalu nastupić. Duel w Großröhrsdorfje započnje so w 17 hodź., sudnik njeje hišće postajeny.
Kónctydźenska kopańca
12.05. 15:00 Motor Kumwałd –
Rakečanske ST
12.05. 15:00 SC Großröhrsdorf –
ST Radwor
13.05. 13:00 SJ Njebjelčicy II –
SV Liegau-Augustusbad
13.05. 15:00 SJ Njebjelčicy –
Nowe Město II
13.05. 15:00 SG Weixdorf –
SJ Chrósćicy
13.05. 15:00 Sokoł Ralbicy/Hórki –
LSV Hory
13.05. 15:00 Zeleno-běli Sepicy –
SJ Chrósćicy II
13.05. 14:00 ST Njeswačidło II –
Módro-běli Kulow II
Druhi lětuši běh dumperowcow
Radwor postupi z dwěmaj mustwomaj
W 1. wokrjesnej lize dyrbješe prěnje blidotenisowe mustwo DJK Konjecy k poslednjej dypkownej hrě pola ST Rakec nastupić. Z Michałom Elstnerom a Pětrom Bejmu stajnaj hrajerjej wupadnyštaj. Konječenjo mějachu mało nadźije na dypki. Tak partiju tež 5:10 přěhrachu. Mjerzaca pak poražka přiwšěm njebě. Hižo do hry bě jasne, zo stanu so z wicemištrom wokrjesa. Rjany to wuspěch serbskich blidotenistow. Dypki w poslednjej winowatostnej hrě dobychu Maćij Kokla, Dierk Šewc, Alojs Čóška a André Čórlich – kóždy jedyn. Rezerwowaj hrajerjej z třećeho mustwa Dominik Čórlich a Roland Šołta wostaštaj bjez dypka.
W 1. wokrjesnej klasy doby Konječanske druhe mustwo pola SV Gelenauwa V z 10:5. Jurij Brězan a Daniel Zukunft docpěštaj z optimalnymaj 2,5 dypkomaj wusahowacy wukon. Tež Dietmar Hrjehor z dwěmaj dobyćomaj połnje přeswědči. Křesćan Gruhn a Rainer Roßmy, kóždaj z jednym dypkom, měještaj tohorunja swój podźěl na jasnym triumfje. Jeničce pola Stefena Woka (0) wjele hromadu njeběžeše.
Načolny duel so z njerozsudnym wuslědkom skónčił
BFC Dynamo
– FC Energija Choćebuz 2:2 (1:1)
Zestawa hosći: Spahić – Weidlich, Grundmann, Matuwila, Schlüter, Kruse, Zimmer (80. Geisler), Viteritti (80. Siebeck), de Freitas, Mamba, Scheidhauer
Z pjatym dźělenjom dypkow w aktualnej sezonje je so FC Energija Choćebuz po načolnej hrě z Jahnoweho stadiona w Berlinje rozžohnowała. Wjace sej FCE, kotryž nastupi hač na Andreja Starcewa a Marca Steina w najlěpšej formaciji, zasłužił njebě. Přemaslate běchu fazy w prěnim połčasu, přewjele zmylkow nasta w hrajnym natwarje. Tak bě wurunanje Maximiliana Zimmera (33.) skerje překwapjace, po tym zo třělichu hosćićeljo hižo zahe 1:0 (3.).
Po přestawce agěrowaše Choćebuz z wjetšej kuražu, hrajnu kontrolu pak sej zdobyć njezamó. Tež nawjedowanje Joséja Matuwile ničo njepomhaše (71.), Berlinjenjo móžachu spěšnje na 2:2 (74.) wurunać. Georg Zielonkowski
Viktoria Berlin
– FC Energija Choćebuz 0:2 (0:0)
Zestawa hosći: Spahić – Baude, Matuwila, Stein, Karbstein, Kruse, Weidlich, Zimmer (70. Geisler), Viteritti, de Freitas (74. Gehrmann), Mamba (70. Scheidhauer)
Wuslědki (09.05.18)
Kopańca, NOFV-wyša liga
Bernburg – Eilenburg 3:0 (1:0)
Kamjenc – International Lipsk 2:0 (1:0)
Sandersdorf – Halle1:2 (0:1)
Barleben – SCHOTT Jena 2:2 (0:0)
Biskopicy – Carl Zeiss Jena II 2:2 (0:1)
Rudolstadt – Merseburg 4:3 (1:1)
Stendal – Gera 1:1 (0:1)
Kśišow – Plauen3:2 (1:1)
čoło tabulki
1. Biskopičanske KT 26 62 : 13 64
2. FC International Lipsk 26 55 : 18 55
3. FC Carl Zeiss Jena II 24 53 : 32 48
tabulka wokrjesneje wyšeje ligi
1. SC Großröhrsdorf 25 52 : 15 57
2. Rakečanske ST 23 60 : 33 47
3. Motor Kumwałd 25 51 : 33 41
4. Wojerowski FC 25 42 : 31 41
5. Póst Germ. Budyšin 25 55 : 38 40
6. Módro-běli Kulow 24 49 : 24 38
7. LSV Hory 25 60 : 55 38
8. Drohotka Ramnow 24 49 : 50 36
9. SG Großnaundorf 25 46 : 46 34
10. Sokoł Ralbicy/Hórki 24 37 : 40 33
11. ST Hnašecy-Dobruša 25 46 : 54 29
12. ST Radwor 25 48 : 56 28
13. ST Wjelećin 24 47 : 70 27
14. ST Kinspork/Łužnica 25 51 : 53 26
15. Zeleno-běli Bukecy 25 31 : 77 19
16. ST Budyšin 25 32 : 81 13
Z dweju hrow jenož jedyn dypk wuskočił
FC Hornja-Łužica Neugersdorf II
– SJ Chrósćicy 2:2 (0:0)
Zestawa hosći: Králíček – Cyž, Hrdlitschka, Sentivan, Šiman (90. Teichmann), M. Zahrodnik, Henčl, Runt, G. Zahrodnik, Młynk (68. J. Bogusz), Žur
Chróšćanscy koparjo dyrbjachu zašły tydźeń hnydom dwójce hrać. W Neugersdorfje mějachu wrotarja Petra Králíčeka po čerwjenej karće zaso w zestawje, po tym zo dyrbješe tón šěsć hrow wusadźić.
Hra bě wot spočatka sem wurunana, SJC pak skutkowaše čerstwiša hač hosćićel. Prěnju móžnosć měješe Syman Žur, kiž po dobrej kombinaciji swobodnje wotzamkny. Jeho kop wrotar sylnje wotwobara. W prěnim połčasu so dale wjac ničo wulke njesta, dokelž wothrawaše so hra skerje w srjedźnym polu.
Přećiwnikej dobyće darili
FSV Budissa Budyšin – FC Viktoria Berlin 1:1 (1:1)
Zestawa domjacych: Schulz – Heppner, Patka, Hoßmang, Mack, Krawčik (80. Gehrmann), Weiß (70. Kloß), Pfanne, Milde, Schmidt, Bönisch
Wobaj cyłkaj hraještej ze strachom zestupa, z dobyćom pak chcyštej drohotne dypki zběrać. Prěnju mału šansu za hosćićela měješe Jonas Krawčik (12.), dalšu Paul Milde (25.). Wobě mustwje hraještej bjez rizika. Po róžku zhłójčkowa Johann Weiß bul njedźeržomnje pod łatu (36.). Budissa by mjezywuslědk wutwarić móhła, Milde pak na wrotarju hosći zwrěšći (41.). Zdaše so, zo ma Budissa hru pod kontrolu, njekedźbnosć w jeje škiće pak wobradźi hosćom wólny kop. Tón zhłójčkowa Patrick Brendel k wurunanju do saka (45.+1).
Tež po změnje stron so wobě zastupnistwje wo nawjedowanje prócowaštej. Viktoria měješe lěpši start, hra bu nětko twjerdša, wjele strašnych scenow pak njenasta. Budyšenjo mějachu zbožo, jako sudnik wrota Ugurcana Yilmaza pozdatneje nimohry hra njepřipózna (72.). Tři dobre składnosće přez Franza Pfannu, Martina Hoßmanga a hišće raz Pfannu Budissy ničo njewunjesechu.
Čorny dźeń za koparjow z Delan
ST Wjelećin
– Sokoł Ralbicy/Hórki 4:1 (2:0)
Zestawa hosći: Gloxyn – Matka, Šewc, Zynda, Bjeńš, Rawš, Šołta, Bejma, Młynk, Kobalc (46. Krohmer), Domaška
Po dobyćomaj přećiwo Bukecam (5:1) a w pokalu přećiwo Haselbachtalej (po třělenju jědnatkow) dóstachu sej delanscy koparjo Sokoła Ralbicy/Hórki we Wjelećinje chětro na měcu. Hižo do hry bu lisćina wotprajenjow dale a dlěša, tak zo dyrbješe trenar Jiří Krohmer sam zaso kopački šnórować. Wón a mustwowy nawoda Maik Brězan běštaj jeničkaj wuměnowaj hrajerjej na ławce Sokoła.
Dypk w poslednjej mjeńšinje zhubili
ST 1922 Radwor
– Motor Kumwałd 1:2 (1:1)
Zestawa domjacych: Kral – Zähr, Bejmak, Šěrak, Henke (78. Bauer), Rachela (59. Omran), Zimmermann, Nuk, Wjeńka, Schulze, Kurjat (71. Glücklich)
Radworscy koparjo wočakowachu sobotu mustwo z Kumwałda. Hra prěnjeje połserije bě w poslednjej mjeńšinje na dobro Motora wušła, jako Patrick Reise k 2:1 (90.) trjechi. Radworčenjo chcychu nětko doma dobyć a nimo toho słaby wukon minjeneho tydźenja polěpšić. Tuž sej tónraz tójšto předewzachu.
Kumwałd měješe hižo po 11 mjeńšinach trójnu šansu na nawjedowanje. Beno Kral w Radworskich wrotach pak pokaza swoju kwalitu. W 15. min. mějachu domjacy prěnju dobru akciju. Johannes Zähr posłuži z diagonalnej přihrawku na prawym boku Mateja Wjeńku, kiž bul dosrjedźa přinjese. Tam čakaše Tom Schulze a trjechi k 1:0. Po róžku Měrćina Kurjata zhłójčkowa Daniel Nuk kulowatu kožu nimo wrotow. W 33. min. pak klinkaše naraz w klětce Krala. Raul Rachela zhubi bul w srjedźnym polu a Stephan Rumler sadźi sylnu třělwu z 20 metrow do wrotow. Hišće do połčasa mějachu Kumwałdźenjo wjacore móžnosće na nawjedowanje, tola wšitke pospyty zwrěšćichu při Radworskim wrotarju.
31. běh po Krakečanskich hórkach
Stajnje srjedu do Božeho spěća wotměwa so po tradiciji wurisanje po Krakečanskich hórkach. A tak budźe tomu tež jutře, 9. meje, mjeztym hižo 31. króć.
Wubědźowanje organizuje Módro-běłe sportowe zjednoćenstwo Krakecy. Na pjeć rozdźělnych distancach so běharjo wot předšulskich dźěći hač k staršim wuměnkarjam wyše 80 lět wubědźuja, a to stajnje na wotpowědnych kołokursach. Předšulske dźěći startuja na 350 m, młódši šulerjo na 0,7 km, starši šulerjo na 2 km, młodostni a dorosćeni wšěch starobnych klasow na distancomaj 5,1 a 10,2 km. Starterojo na 10,2 km běža koło na 5,1 km dwójce. Na 5,1 km wubědźuja so tohorunja zajimcy walkinga. Start a cil wšitkich běhow stej na dworje při Krakečanskim hrodźe. Dźěći a šulerjo startuja mjez 17.30 a 18 hodź., hłownej pokalowej běhaj budźetej we 18.30 a 18.40 hodź. Wjacori serbscy młódši běharjo kaž tež dorosćeni chcedźa so w Krakecach zaso wobdźělić. Jurij Nuk
Wrotar so wo zbožowny remis starał
ST Marijina hwězda
– ST Nadrózna Hrabowka 1:1 (0:1)
Zestawa domjacych: O. Schmidt – Wróbl, Škoda, Hübner (73. Prasse), R. Hawš, Čornak (65. Jehnichen), Winkler, O. Hawš, Eldor, Pakoßnick
Po naposledk třoch dobyćach pospochi dyrbjachu so klóšterscy koparjo z remisom spokojić. Zo njebudźe to lochki duel, wšak bě hižo do toho jasne. Nimo toho dyrbješe trenar Erwin Kleinmann swoje mustwo hnydom na wjacorych pozicijach přestajić, dokelž stajni hrajerjo pobrachowachu. Najebać to hosćićel najprjedy raz režiju na hrajnišću přewza. Šansa Paula Schmidta (7.) ze zdalenosće 22 metrow kaž tež móžnosć Matijasa Wróbla (17.) z kónčkojteho kuta pak k 1:0 njewjedźeštej. Hosćo agěrowachu z kompaktneje defensiwy a łakachu na kontery. Po zmylku domjacych na lěwym křidle pokazachu koparjo z Nadrózneje Hrabowki spěšny a wobhladanjahódny konter, kotryž dyrbješe Tommy Wendt jenož hišće přez liniju stłóčić (33.). Někotre sekundy po tym móhli Pančičenjo wurunać, Alexej Winklerej pak čuwy zaprajichu (34.).
