Perfektny debit za youngstera
FC Energija Choćebuz –
Kamjeničanski FC 2:0 (1:0)
Energija Choćebuz: Sebald – Hasse, Slamar, Campulka (86. Bektas), Borgmann, Pelivan (46. Putze), Hofmann, Oesterhelweg (63. Juckel), Heike, Thiele (83. Euschen), Prokopenko (63. Halbauer)
slěd wrotow: 1:0 Thiele (45.+3/jědnatka), 2:0 Bektas (88.)
Po ćežkim zazběhu do noweje hrajneje doby regionalneje ligi a prěnim dobyću w Rostocku trjebachu hrajerjo FC Energije tójšto moralki, zo bychu w domjacej hrě znowa tři dypki nahromadźili. To wšak so jim na suwerene wašnje poradźi. W přidatnym hrajnym času prěnjeho połčasa hóstny wrotar David Wunsch na njeho běžaceho Axela Borgmanna z nohow sćahny. Sudnik Sirko Müke pokutny kop postaji. Dokelž Jonas Hildebrandt zranjeny na tribunje sedźeše, přewza 32lětny Timmy Thiele zamołwitosć a k 1:0 přetwori.
Přihotowachu so z třomi testowymi hrami
Swoju prěnju testowu hru za nowu sezonu doma přećiwo TSV Wachau přewjedźe koparske mustwo SJ Njebjelčicy hišće bjez noweho trenarja Daniela Pohlinga. Hosćićeljo nawjedowachu zahe přez wrota Handrija Korjeńka (13.). Bohužel pak njemóžachu domjacy tutón předskok dołho dźeržeć a hosćo zwjertnychu hrajny staw hišće do połčasa k 1:2.
Po změnje stron pobrachowaše hosćićelam trěbne přeswědčenje a naposledk tež strašnosć. Tak zwyšichu Wachauscy na 3:1 (60.) a 4:1 (68.). 2:4 w 81. min. wotbłyšćowaše zbytnu hru, dokelž rozsudne situacije prosće fungować nochcychu. Clemens Reinelt třěli bul z połpola do šěsnatki. Flanka bywaše dlěša a dlěša a na kóncu, za wrotarjom, do dołheho róžka wrotow padny. Najebać tutych spektakularnych wrotow wonkowneho škitarja skónči so partija z wida SJN 2:4. Bě to powučny test, kotryž pokaza, zo maja hišće wjele dźěła.
Wuslědki (22.08.23)
Wokrjesna liga stafla I
ST Porchow – SJ Chrósćicy II 4:0 (2:0)
ST Mar. hwězda – Wjernarjecy 4:1 (2:1)
Drjewnica – Bretnig-Hauswalde 1:4 (1:2)
1. ST Porchow 1 4 : 0 3
2. SZ Steinigtwolmsdorf 1 6 : 3 3
3. Bretnig-Hauswalde 1 4 : 1 3
3. ST Marijina hwězda 1 4 : 1 3
5. Arnsdorfske KT 1 2 : 1 3
6. Motor Kumwałd 0 0 : 0 0
6. SpG Gaußig/öda 0 0 : 0 0
6. Königswartha II/Milkel II 0 0 : 0 0
6. TSV Wjazońca 0 0 : 0 0
10. SpG Frankenthal/Germania
Bischofswerda/FV III 1 1 : 2 0
11. ST Wjelećin 1 3 : 6 0
12. SZ Drjewnica 1 1 : 4 0
12. TSV Wjernarjecy 1 1 : 4 0
14. SJ Chrósćicy II 1 0 : 4 0
Španiska prěni króć swětowa mišterka
Španiska je sej w Sydneyju titul swětoweje mišterki w kopańcy žonow wudobyła. Južnoeuropjanki dobychu wysokoklasowe finale přećiwo bojownisce sylnej Jendźelskej 1:0. Španičanki smalachu po cyłkownje 105 hrajnych mjeńšinach (z přidatnym časom) přewšo zbožownje na polo. Wrota kapitanki Olgi Carmony w 29. min. wobradźichu jim nawjedowanje, kotrež po tym wuběrnje zakitowachu. Bě to prěni WM-titul za Španičanki, kotrež běchu w předkole hišće 0:4 přećiwo Japanskej přěhrali. Po tym pak so enormnje stopnjowachu a běchu skónčnje jasnje najlěpši team turněra. Europske mišterki z Jendźelskeje, kotrež tohorunja hišće ženje žónske swětowe mišterki njeběchu, podležachu. Jendźelčanki wojowachu drje z wulkim zapalom, mějachu hrajerskim kmanosćam španiskich drohotechnikarkow pak cyłkownje přemało spřećiwjeć.
Přemało idejow domjacych, Sokoljo juskaja
Hlinowski SK –
Sokoł Ralbicy/Hórki 1:3 (1:3)
Zestawa hosći: Chr. Gloxyn – Heidorn, Schultz (59. Korjeńk), Al. Wałda, M. Matka (55. Woko), An. Wałda, D. Gloxyn, B. Bejma, Mjechela (90. Šiman), Šołta (73. S. Bjeńš), Domaška
Prěnja dypkowa hra noweje koparskeje sezony steješe za Ralbičanow njedźelu popołdnju pola postupnika z Hlinowca na planje. Za domjacych bě to debit w tutej hrajnej klasy. Tuž běchu Sokoljo warnowani před euforiskim mustwom, kiž w zańdźenej sezonje ani jeničku partiju we wokrjesnej lize přěhrało njebě.
Po zastatku so Energija sylnje wróćiła
FC Hansa Rostock II –
FC Energija Choćebuz 2:3 (2:0)
Energija Choćebuz: Sebald – Hasse, Campulka, Slamar, Borgmann, Pelivan, Putze (46. Oesterhelweg), Hofmann. Euschen (46. Heike), Thiele, Halbauer (46. Prokopenko).
slěd wrotow: 1:0 Thill (6.), 2:0 Bachmann (12.), 2:1 Heike (49.), 2:2 Campulka (65.), 2:3 Heike (72.)
Dotal bjez dobyća poda so FC Energija srjedź tydźenja do Rostocka, hdźež po štwórć hodźinje tak wupadaše, jako njebychu Choćebuženjo na tutej seriji ničo změnić móhli. Postupnik spěšnje z 2:0 přećiwo absolutnje dezolatnemu hóstnemu mustwu nawjedowaše. Žadyn natwar hry, žane šansy, wšo to bě jasnje přemało za mustwo, kotrež wšak bě sej za sezonu telko předewzało.
Widźał, słyšał, napisał (21.08.23)
Awtor dźensa
Tereza Wićazowa
Z dźensnišim dnjom zahaji so za sakske šulerki a šulerjow nowe šulske lěto. W přenjesenym zmysle započnje so nowa sezona z wěstymi wužadanjemi, nadźijomnje z mnoho wuspěchami a mało poražkami.
Runoprawosć w žónskej kopańcy dale wulki són
Žónska kopańca steji tuchwilneho swětoweho mišterstwa w Awstralskej a Nowoseelandskej dla po cyłym swěće w fokusu. Tak tež debata wo equal payju, potajkim jenakim zapłaćenju koparjow a koparkow. FIFA přilubja wjele, na runinje narodnych zwjazkow pak w mnohich krajach klaca.
Sport (18.08.23)
Wobornicy so wubědźuja
Po wubědźowanjach dobrowólnych wohnjowych wobornikow w hašenju w Sulšecach, Konjecach a Smjerdźacej, wotměja so přichodne tři wurisanja.
25.08. 18.30 w Pěskecach
27.08. 15.00 we Wotrowje
08.09. 19.00 w Ralbicach
Kopata połna njedźela
Jutře a njedźelu zahaji so za koparki a koparjow Zapadołužiskeho koparskeho zwjazka hrajna doba 2023/2024.
20.08. 11:00 HZ Wujězd –
HZ Ralbicy II / Pančicy II
20.08. 13:00 FC Energija Choćebuz –
Kamjeničanski FC
20.08. 13:00 HZ Radwor II –
Jednota Kamjenc
20.08. 14:00 Biskopičanske KT 08 –
FC Grimma
20.08. 14:00 ST Porchow –
SJ Chrósćicy II
20.08. 14:00 ST Marijina hwězda –
TSV Wjernarjecy
20.08. 15:00 SJ Njebjelčicy –
HZ Běła/Cunnersdorf
20.08. 15:00 ST Radwor –
ST Hnašecy-Dobruša
20.08. 15:00 Hlinowski SK 1931 –
Sokoł Ralbicy/Hórki
20.08. 15:00 SG Weixdorf –
SJ Chrósćicy
Přihotowanske hry Liškow
Łužiske lodohokejowe liški steja wot zašłeje wutory zaso na čerstwym lodźe Běłowodźanskeje lodoweje areny. Njedźelu wječor hraje zastupjer DEL2 přećiwo prěnjemu ligistej, přećiwo Běłym mjedwjedźam Berlin.
20.08. 16:00 Łužiske liški –
Běłe mjedwjedźe Berlin
25.08. 19:00 GKS Katowice –
Łužiske liški
26.08. 16:00 GKS Katowice –
Łužiske liški
Po jubilejnych pojubilejne
Jendźelska skónči awstralski són wo domjacym titulu
Jendźelska koparska wubranka je w dramatiskim połfinalu přećiwo hosćićelej Awstralskej zaćah do kónčneje hry swětoweho mišterstwa kopańcy žonow zdokonjała. Hrajerka Sam Kerr njezamó to scyła zapřimnyć. Njewěriwje steješe wona w Australia-stadionje w Sydneyju na trawniku, wobdata wot swojich tohorunja zrudnych sobuhrajerkow a nad 75 000 zdźěla płakacych fanow na tribunach. 29lětna bě wulki star połfinala žónskeje WM mjez Awstralskej a Jendźelskej, dobry wukónc pak za nju a mustwo njewuskoči. Jendźelska swjećeše a ma nětko přećiwo Španiskej šansu, so po lońšim titulu na europskich mišterstwach prěni króć ze swětowym mištrom stać.
Wiegmanowa serija dale dźe. „Smy w finalu, to je njewěrjomne. Začuwa so nimale tak, jako bychmy hižo dobyli“, praji trenarka Jendźelskeje Sarina Wiegman, kotraž steji štwórty króć za sobu na swětowych a europskich mišterstwach w finalu. „Smy hromadźe dźerželi, plan přewjedli a wón je fungował. Awstralčanki běchu jara dobre, woni su w turněrje rostli a je ćežko, přećiwo nim dobyć. Ale my smy to zdokonjeli. Njewěrjomnje, je kaž w bajce.“
