Zelena garda skónčnje triumfowała
Wjelelětny wobdźělnik Zelena garda po 20 lětach prěni raz dobyćer
33. Kulow-cup zahajichu prěni pjatk w awgusće z wulkej wječornej party při měšćanskim haće. Tam postara so DJ Erixo wo dobru naladu. Sobotu wubědźowaše so potom dźesać mustwow z Kulowa a wokolnych wsow w kopańcy. Přewjedźechu předkoło w dwěmaj skupinomaj, połfinalnej hrě, mały a wulki finale. Něhdźe 150 přihladowarjow partijam na městnje sćěhowaše. Na kóncu přesadźi so po 20 lětach prěni raz Zelena garda a turněr doby. Z tym smědźa a dyrbja wubědźowanje klětu wuhotować a organizować. Lětsa běštej teamaj Koćina-Kulow a Flames of piwo wšitko organizowałoj. Moderatoraj na wěži rěčnika běštaj Nils Blonchefzka (Flames of piwo) a Marius Šefer (Koćina-Kulow).
Kónčna tabulka 33. Kulow-cupa:
1. Zelena garda
2. Kulowminatije
3. Koćina-Kulow
4. Młodźina Łaz
5. Kulow section
6. Němcy
7. Bróžeń
8. Bojaznički
9. Dołha garda
10. Flames of piwo Werner Müller
Wulke wjeselo na Młynkec łuce
Dźesaty raz wotmě so w Budyšinje sportowy swjedźeń zakładnych šulow w lochkoatletice. Tež serbskej zakładnej šuli Budyšin a „Michał Hórnik“ Worklecy so na nim wobdźělištej.
Nimo stafloweho běha so šulerki a šulerjo starobneje klasy 2015 do 2012 (1. do 4. lětnik) w běhanju na distancomaj 250 m a 800 m, w dalokoskoku a w mjetanju bulikow wubědźowachu. Wuměnjenja, wosebje pak organizacija přez Wuchodosakske lochkoatletiske towarstwo, běchu jara dobre.
Sportowe zarjadowanje do prózdnin so ze staflowym běhom zahaji. Po 8 x 50 m přeběža kónčny běhar Worklečanskeho mustwa Stanisław Günther jako druhi cilowu liniju. Wjeselo nad slěbornej medalju bě mjez dźěćimi wulke.
Wosebje wuspěšni běchu serbscy atleća w sprinće na distancu 50 m. Tu so wšitcy za finalny běh kwalifikowachu. Złoto wudobyštaj sej w kónčnym kole Ben Šmit (hólcy, lětnik 2013) ze 7,75 sek. a Helena Brězanec (holcy, lětnik 2013) z 8,00 sek. Tež Luisa Zarjeńkec (holcy, lětnik 2014) a Julius Čornak (hólcy, lětnik 2015) wjeseleštaj so nad medalju. Wobaj zaměstništaj so na 3. městnje. Dalšu slěbornu medalju wuwojowa sebi Stanisław Günther.
Hosćićel Awstralska w połfinalu WM
Awstralske koparki su na domjacym swětowym mišterstwje do połfinala zaćahnyli. Woni přewinychu Francosku 7:6 po třělenju jědnatkow. Po 120 mjeńšinach bě 0:0 stało. Kadidiatou Diani je dotal na sydom wrotach wobdźělena była a tak najwuspěšniša hrajerka WM a tež w štwórćfinalu we wupředatym stadionje w Brisbane měješe wona prěnju šansu partije, jako zmylk Alanny Kennedyjoweje wuži (8.). Wobě mustwje steještej w zakitowanju wysoko, namakaštej pak w srjedźnym polu lědma puće. Tež dołhe bule běchu husto přenjeprecizne. Najlěpša šansa Awstralčankow je po zmylku nastała. Jako běštej sej francoska wrotarka Pauline Peyraud-Magnin a škitarka Sakina Karchaoui w šěsnatce njepřezjednej, štó bul wozmje, reagowaše Emily van Egmond najspěšnišo a suny bul k Mary Fowlera, kotraž třěli ze šěsć metrow na prózdne wrota. Elisa De Almeida wuchowa swój team z nadkolenom před zastatkom (42.). Po tym měješe Fowler dalšu składnosć, hdyž zjewi so po přihrawce swobodnje před Peyraud-Magnin, potom pak so předołho dliješe (45.).
W prěnim koleso hižo rozžohnowali
Sokoł Ralbicy/Hórki – TuS Weinböhla 0:1 (0:1)
Zestawa domjacych: Chr. Gloxyn – Heidorn, Schultz, Al. Wałda, Matka, Rawš, Rachela (46. Woko), An. Wałda (66. Šiman), Mjechela (46. Domaška), D. Gloxyn, B. Bejma (72. Kurjat)
Widźał, słyšał, napisał (14.08.23)
Wuslědki (14.08.23)
Kopańca, krajny pokal
Radebeul – Biskopičanske KT 081:2 (0:0)
Niska – SC Borea Drježdźany 2:1 (1:1)
VfBSchöneck 1912 –
ST Lipsia 93 Eutritzsch 2:0 (0:0)
Radefeldske ST 90 – VFC Plauen 0:6 (0:3)
Schenkenberg – Taucha 99 1:2 (0:0) pp
SV Naunhof 1920 – FSV Limbach-
Oberfrohna 2:1 (1:1) pp
VfB Annaberg 09 – FC Grimma 0:6 (0:3)
SV Naundorf – FC 1910 Lößnitz 0:4 (0:3)
Lommatzscher SV 1923 – BSV 68 Sebnitz
1:3 (0:0)
CSV 61 Conradsdorf – Drježdźanski
SC 1898 0:1 (0:0)
Adelsberg – Schneeberg 2:1 (1:0)
SC Hartenfels Torgau 04 –
ESV Lokomotiwa Zwickau 1:5 (1:1)
FC Módro-běli Lipsk – SV Liebert-
wolkwitz 2:1 (0:1)
SV Panitzsch/Borsdorf 1920 –
SV Dub Reichenbrand 2:1 (2:1)
VfB Zwenkau 02 – FC Stollberg 3:0 (2:0)
FSV Krostitz – SV Tanne Thalheim
4:2 (0:0) p.tř.j.
Großenhainske KT FV 1990 –
SC Freital 2:5 (1:1)
Hartmannsdorfer SV Empor 1922 –
SG Motor Wilsdruff0:6 (0:2)
FSV Wódrjeńca 02 – BSC Freiberg 2:0 (0:0)
Heidenauwske ST – ST Wesenitztal
1:3 (0:2)
Radebergske ST – SV Germania
Mittweida4:2 (1:1)
Rakečanske ST – FV Drježdźany 06
Laubegast 0:6 (0:1)
Post SV Drježdźany – Wojerowski FC
6:3 (3:1)
LSV Friedersdorf – BSG Wocl Riesa
2:9 (2:2)
Roßweiner SV – ESV Delitzsch 1:0 (0:0)
TSV Crossen - VfB Fortuna Chemnitz
0:3 (0:1)
VfB Grünhain-Beierfeld –
Oberlungwitzer SV0:3 (0:2)
Sokoł Ralbicy/Hórki – TuS Weinböhla
0:1 (0:1)
SG Olympia 1896 Lipsk – Čerwjena
hwězda Lipsk 99 3:5 (1:0)
Meeraner SV – HFC Colditz 1:3 (0:3) pp
Španiska a Šwedska w połfinalu
Šlagrowa hra mjez Španiskej a Nižozemskej dźensa rano wot třoch we Wellingtonje bě sportowa kriminalka, wona dźěše hač do podlěšenja. Tam mějachu južni Europjenjo potom nós prědku. Hižo wobdźělenje na štwórćfinalu WM bě za Španičanki historiske, nětko steji Španiska samo w połfinalu. Team narodneho trenarja Jorge Vildy přesadźi so přećiwo Nižozemskej z 2:1 po podlěšenju a smě dale wo titulu sonić.
Štwórćfinale FIFA swětoweho mišterstwa kopańcy žonow w Awstralskej a Nowoseelandska 2023 bě z woprawdźitym topduelom wabił. Wobaj teamaj staj w předkole přeswědčiłoj a so zasłužbnje za k.o.-fazu kwalifikowałoj. Španiska je w minjenych šěsć hrach přeco znajmjeńša troje wrota docpěła. Tuž chcyše z tutej super seriju pokročować. Nižozemska nadźiješe so wukonoweho stopnjowanja, po tym zo měješe wona w předkole hdys a hdys wojować.
Sport (11.08.23)
Jutře motocross w Rownom
Motorsportowe towarstwo Offroad Rookies zarjaduje a wuhotuje 12. awgusta w Rownom tak mjenowany Rownjanski motocross po šćernišću. Wubědźowanja přewjedu w Rownom při Běłowodźanskim puću.
Sokoljo jenički serbski zastupjer
Prěnje koparske mustwo Sokoła Ralbicy/Hórki je w krajnym pokalnym kole jeničke serbske mustwo. Zazběh prěnjeho koła twori dźensa hra Radebeulskeho BC 08 přećiwo Biskopičanskemu KT 08 (18.30 hodź.). Ralbičanscy Sokoljo hraja potom njedźelu doma přećiwo hosćom z Weinböhla (15 hodź.).
12.08. 15:00 Rakečanske ST –
Drježdźany Laubegast
13.08. 15:00 Fortuna Langenau –
Budissa Budyšin
Serbski derby w Radworju
Mjeztym zo hraje so na krajnej runinje wo zaćah do druheho pokalneho koła, změja koparske mustwa na wokrjesnej runinje wjacore přihotowanske hry. Mjez tutymi je njedźelu samo tež serbski derby w Radworju.
11.08. 18:30 Módro-běli Minakał –
ST 1922 Radwor
12.08. 15:00 TSV Połčnica –
SJ Chrósćicy
12.08. 15:00 Módro-běli Kulow –
ST Rań
13.08. 11:00 Rakecy młodźina A –
HZ Ralbicy/Pančicy
13.08. 13:00 SJ Njebjelčicy –
Natw. Němske Pazlicy II
13.08. 13:00 SJ Chrósćicy II –
Módro-běli Njeswačidło
13.08. 14:00 ST 1922 Radwor –
ST Marijina hwězda
Jutře a sobotu wuhraja štwórćfinale WM
Štwórćfinale na swětowym mišterstwje kopańcy žonow je kompletne. Někotre faworizowane cyłki na dobyće mišterstwa su hišće pódla, někotre su hižo dompuć nastupili. Dopóznaće při tym: Faworića móža na tutym swětowym mišterstwje tola hišće dobyć, a to tež suwerenje. Wot k.o.-koła pokazuje so na turněrje, štó je woprawdźe w dobrej formje a ma šansu na titul. Španiska, Francoska, Japanska a Awstralska su to w swojich wosmifinalnych hrach skutkownje dopokazali. Nižozemjanki mějachu nuzu, su swoju partiju pak w stilu dobreho mustwa dobyli. Šwedska a Jendźelska trjebaštej wulku porciju zboža w třělenju jědnatkow, Kolumbiska je překwapjacy hósć w štwórćfinalu. Z Japanskej je jenož hišće jedne mustwo mjez najlěpšimi wosom pódla, kotrež bě hižo raz swětowy mišter. W lěće 2011 dobychu Azičanki titul w Němskej. Wosmifinale WM pak je tež cyle jasnje pokazało, zo je wulki čas USA nimo. Jenički prawy WM-faworit być, njedosaha wjac, zo by dobył. Něhdyše hwězdy-koparki su poněčim swoju karjeru zakónčili, młodym US-koparkam faluje kwalita.
Wuspěšny test w běhu 48 hodźin
ST Wulka Dubrawa – Sokoł Ralbicy/Hórki 0:3 (0:2)
Za Wulku Dubrawu zasadźeni: Noack - Fechner, Bolzmann, Löwe, Weiss, Ritscher, Pech, Flaton, Stahr, Schoele, Robel, Schneider, Spindler, Schäfer
Za Ralbicy zasadźeni: Chr. Gloxyn, Žur - An. Wałda, Ričel, Schultz,, Al. Wałda, D. Gloxyn, Matka, Rachela, Mjechela, Woko, Šiman, Budar, Kocor, Žur
Po wuspěšnym tesće přećiwo Horam hrajachu Sokoljo njedźelu dopołdnja znowa přećiwo zastupnistwu z wokrjesneje klasy. Trawnik we Wulkej Dubrawje běše najebać dešća w dosć dobrym stawje.
Wšitcy hrajerjo njestejachu Tomašej Henčelej k dispoziciji a tak nastupi tróšku njezwučene mustwo. Ralbičenjo dachu bul wot spočatka derje běžeć a docpěchu zahe prěnje wrota. Po rjanej diagonalnej flance přeběža spěšny Koslowčan Pawl Rachela na prawej stronje a přetwori w sedmej mjeńšinje. Sokoljo wuhrachu sebi dalše dobre składnosće, ale njedocpěchu druhe wrota. Tak zwrěšćichu Adrian Woko, Philipp Šiman a tež Rachela. Jónu samo wuchowa škitar za swojeho wrotarja. W 32. min. padnychu pak druhe wrota. Po wólnym kopje skoči Andy Schultz najwyše a zhłójčkowa bul do saka.
