Sport (04.03.22)

Freitag, 04. März 2022 geschrieben von:

Derby w Nowych Jěžercach

We wyšej lize wočakuje FC Hornja Łužica Neugersdorf jutře prěnje koparske mustwo Biskopičanskeho KT 08 na derby. Budissa Budyšin změje swobodne. Tak móhli jeje přiwisnicy do Nowych Jěžerc (Neugersdorf) jěć. W regionalnej lize-sewjerowuchod dyrbi FC Energija Choćebuz k mustwu VSG Altglienicke.

05.03. 14:00 FC Hornja Łužica

  Neugersdorf

  – Biskopičanske KT 08

06.03.  13:00  VSG Altglienicke

  – FC Energija Choćebuz

Přihotowanske koparske hry

Ličba přihotowanskich koparskich hrow zaso přiběra, njeje dźě wjace wjele chwile hač k restartej kónc měrca. ­Delanscy Sokoljo hraja dźensa na přikład doma, Malešenjo nastupja jutře tohorunja doma.

04.03.  19:00  Sokoł Ralbicy/Hórki

  – HZ Wóslink/Skaskow/    Kulow II

05.03.  15:00  Traktor Malešecy

  – ST Rychbach

Křižowku wuhódać a trikot dobyć

Na internetowych stronach Budissy Budyšin je wot wčerawšeho štwórtka prěnja křižowka zwobraznjena. Štóž ju wuhóda, móže jedyn z dźesać trikotow dobyć.

Sokoł Budyšinso w tabulcedale polěpšił

Donnerstag, 03. März 2022 geschrieben von:

Za hosćićela su hrali: Jan Kanngießer, Stefan Cuška, Florian Kaulfürst, Robert Krawc, Tomaš Suchy, Bosćij Benada, Mario Walter, Frank Püschel.

Na štwórtym hrajnym dnju měrjachu so wolejbulisća Sokoła Budyšin znowa z cyłkomaj w Budyskej wokrjesnej klasy stafla wuchod. Tónraz nastupichu doma přećiwo Wósporskemu TSV a Sokolnikej Wjazońca.

Sokoł Budyšin – Sokolnik Wjazońca 2:0 (25:14, 25:19)

Aktualna tabulka wokrjesneje klasy stafla wuchod – wolejbul

1. ST Wóspork/Hrodźišćo   8 14 :  3 14

2. ST Marijina hwězda   4 8 :  2 8

3. SJ Budyšin-sewjer   5 8 :  3 8

4. ST Hnašecy/Dobruša   6 7 :  6 6

5. Sokoł Budyšin   8 7 : 11 6

6. Schönbachske VV   4 4 :  6 2

7. ST Budyšin 04 III   6 3 : 10 2

8. ST Sokolnik Wjazońca   5 0 : 10 0

Schmidt hižo směr njepostaja

Mittwoch, 02. März 2022 geschrieben von:
Druhi zwjazkowy koparski ligist Dynamo Drježdźany je wčera trenarja ­Alexandera Schmidta (na wobrazu) pušćił. Kaž sportowe towarstwo zdźěli, bu 53lětny wot swojich nadawkow wuwjazany. Dotalny kotrenar Ferydoon Zandi trening přechodnje přewozmje a přihotuje mustwo na hru pola načolnika tabulki Werder Bremen. Schmidt běše wot kónca apryla 2021 šeftrenar Dynama. Foto: Jürgen Männel

Kónc měrca dale póńdźe

Mittwoch, 02. März 2022 geschrieben von:
Wot 26./27. měrca 2022 budu koparske dypkowe hry tež zaso na krajnej runinje. Sakski koparski zwjazk je postajił, zo pokro­čuja potom z 12. hrajnym dnjom, kotryž bu 14. nowembra 2021 wotprajeny. Tehdy dyrbješe prěnje mustwo SJ Chrósćicy doma přećiwo TSV Rotaciji Drježdźany nastupić. Prěnje hry w krajnym pokalnym kole přewjedu hižo přichodnu srjedu. To nastupi wyši ligist ­Biskopičanske KT 08 pola SC Freitala. Jurij Bjeńš

Testowu hru jasnje přěhrali

Mittwoch, 02. März 2022 geschrieben von:

Wojerowski FC – SJ Chrósćicy 4:0 (1:0)

Za SJ Chrósćicy hrajachu: Králíček – Zynda, Mark, M. Zahrodnik, L. Zahrodnik, Matješk, G. Zahrodnik, Młynk, F. Zahrodnik, Bogusz, Wornar, Matik, Mützner.

Při sylnym wětřiku přewjedźechu koparjo Chróšćanskeje SJ swoju testowu hru na kumštnym trawniku we Wojerecach. Tamniše mustwo je jedyn z faworitow za postup do krajneje klasy, štož wone tež wot spočatka pokaza. Tłóčeše hosći hłuboko do swójskeje połojcy a wuhrawaše sej ze spěšnej a techniskej hru dobre šansy. Chróšćenjo špatnje startowachu a njemějachu prawu kontrolu nad hrajnym nastrojom. Prěnje dobre šansy sej tak hosćićel wuhra a docpě w 27 min. nawjedowanje. Na to so Chróšćanscy hrajerjo zhrabachu a partiju hač do połčasa dominowachu. Dobre móžnosće pak mějachu přewažnje přez standardy, wěsta dokładnosć hišće falowaše. Tež domjacy wrotar zamó někotre třělwy wotwobarać. Hosćo sej přemało zwěrichu a tak zwjetša na sebi samych zwrěšćichu. Tuž njemóžachu dobru fazu z wurunanjom krónować.

Za štyri měsacy je europeada w Korutanskej

Dienstag, 01. März 2022 geschrieben von:

Wot minjeneho tydźenja je jasne, zo koparska europeada lětsa definitiwnje budźe. Po tym zo běchu najwjetši sportowy podawk awtochtonych narodnych mjeńšin Europy hižo 2020 a loni koronapandemije dla přesunyć dyrbjeli, su so zamołwići nětko doskónčnje na to dojednali, jón wot 25. junija do 3. julija 2022 přewjesć. Pod kotrymi wuměnjenjemi smědźa tam koparjo nastupić, wosebje hladajo na šćěpjenski status, tučasnje hišće jasne njeje. Najebać to pak zamołwići serbskeje wubranki kruće z tym liča, zo so tam w lěću wobdźěla. „Naš primarny nadawk nětko je najprjedy raz zwěsćić, kelko z potencielnych koparjow by scyła sobu jěło. Smy wjetšinu z nich informowali a nětko čakamy na při- abo wotprajenja, tak zo móžemy bórze tamnišim organizatoram sobu zdźělić, hač smy pódla“, kotrenar serbskeje wubranki muži André Strelow rozłožuje. Trochu brjušebolenja wobradźeja zbywace štyri měsacy hač k zahajenju europeady: „Wjetšina koparjow je zawěsće hižo lětni dowol zapodała, abo ma w lěću hinaše plany. Te nětko změnić, je ze swójbu abo dźěłodawarjom hišće raz přeplanować, to móže wězo ćežko być.

Budyšan Jurij Nuk je čas spočatk lěta, kotryž je nimale bjez sportowych wuslědkow, wužił, zo by wo stawiznach swětowych lochkoatletiskich mišterstwow rozprawjał. Nuk bě a je sam zahority lochkoatlet. We wysokej starobje wobdźěla so wón přeco hišće na běhanskich wubědźowanjach we Łužicy.

1995 Göteborg

W znatym a rjanym šwedskim přistawnym měsće Göteborg wubědźowachu so 1 804 atleća ze 191 krajow, a to běše rekord­ne wobdźělenje. Titul swětoweho mištra wubědźichu sej sportowcy ze 24 krajow. Wosebje wusahowaštej wukonaj swětoweju rekordnikow w trojoskoku. Pola muži doby Jendźelčan Jonathan Edwards­ z 18,29 metrami, pola žónskich Ukrainjanka Inesa Krawjec z 15,50 metrami. Wobaj wukonaj běštej swětowej rekordaj. Tež atletka Kim Batten z USA polěpši w Göteborgu swětowy rekord na 400 m přez płótki na 52,61 sek. Jeje krajan Michael Johnson wuwojowa sej dwójce titul swětoweho mištra, a to na 200 m (19,79 sek) a na 400 m (43,39 sek). Kubačan Iván Pedroso doby swoju prěnju złotu medalju w dalokoskoku z 8,71 metrami.

1997 Athen

Wuslědki (01.03.22)

Dienstag, 01. März 2022 geschrieben von:

Kopańca, regionalna liga muži

SV Babelsberg – Optik Rathenow 1:1 (0:0)

SV Lichtenberg 47 – BFC Dynamo 1:0 (0:0)

Hertha BSC II – Luckenwalde 4:0 (2:0)

Kamjeničanski FC – Lipsk 1:0 (0:0)

ZFC Meuselwitz – VfB Auerbach 1:0 (1:0)

FCE Choćebuz – Berlinski AK 1:0 (1:0)

Eilenburg – Union Fürstenwalde 3:2 (1:1)

Lok Lipsk – VSG Altglienicke wupad

Germania Halberstadt

– Tennis Borussia Berlin 0:2 (0:1)

1. BFC Dynamo 26 62 : 21 58

2. Lok Lipsk 25 55 : 24 53

3. FC Energija Choćebuz 26 58 : 22 52

4. FC Carl Zeiss Jena 25 46 : 24 48

5. Kamjeničanski FC 26 42 : 23 48

6. Berlinski AK 26 40 : 31 48

7. SV Babelsberg 26 37 : 27 45

8. VSG Altglienicke 23 42 : 28 42

9. FSV 63 Luckenwalde 27 44 : 30 39

10. Tennis Borussia Berlin 25 38 : 31 38

11. BSG Chemija Lipsk 27 29 : 29 38

12. Hertha BSC II 27 45 : 42 36

13. SV Lichtenberg 47 27 33 : 41 31

14. ZFC Meuselwitz 26 27 : 39 28

15. Germania Halberstadt 27 33 : 51 25

16. FC Eilenburg 26 29 : 58 22

17. Optik Rathenow 27 29 : 52 20

18. VfB Auerbach 26 26 : 64 17

19. SV Tasmania Berlin 26 19 : 61 16

20. Union Fürstenwalde 26 37 : 73 15

wyša liga, mužojo

Sandersdorf – Wernigerode 0:0 (0:0)

Budissa Budyšin – VFC Plauen 0:2 (0:1)

Rudolstadt – HŁ Neugersdorf wupad

Biskopicy – SV 09 Arnstadt 1:1 (1:0)

Martinroda – Internat. Lipsk 1:1 (1:1)

Erfurt – VfB 1921 Kśišow 5:0 (1:0)

Nordhausen – An der Fahner Höhe 0:3 (0:2)

1. Budissa Budyšin 16 44 : 30 30

2. VFC Plauen 14 26 : 9 29

3. FC Carl Zeiss Jena II 17 30 : 21 29

4. FC Čerwjeno-běli Erfurt 13 29 : 8 27

5. SG Union Sandersdorf 18 28 : 16 27

6. VfB 1921 Kśišow 16 29 : 19 27

7. VfL Halle 96 16 27 : 22 26

8. FC An der Fahner Höhe 15 17 : 15 23

9. Biskopičanske KT 08 15 22 : 21 20

10. FC Jednota Rudolstadt 16 21 : 28 20

Jubilejny 25. raz přewjedźechu wot minjeneho pjatka do njedźele w Jěžowje pola Jěchanskeho kluba Kamjenc dalekubłanje w skakanju z konjemi, a to pod nawodom trenarja Henryja Heckela (třeći wotprawa) z vogtlandskeho Lengenfelda. Nimale 20 ­jěcharkow a jěcharjow, mjez kotrymiž běchu tež wjacore serbske a wjacori serbscy jěchanskeho towarstwa Při Klóšterskej wodźe Pančicy-Kukow, je so tam wobdźěliło. Dalekubłanje w dresurowym jěchanju wotměja w Jěžowskej jěchanskej hali Antje Römer-Graf (srjedźa na šumjelu Catani) přichodny kónc tydźenja. Foto: Konstantin Hrjehor

Anzeige