Šěsnaće mustwow při saku
FC Energija nawjeduje tabulku 3. ligi
SV Wehen/Wiesbaden
– FC Energija Choćebuz 0:2 (0:1)
Zestawa hosći: Spahić – Starcew (87.Geisler), Stein, Matuwila, Schlüter, Kruse, Weidlich, Zimmer (64. Stanese), Marcelo, Viteritti (74. Scheidhauer), Mamba
Nowu hrajnu dobu wuspěšnje zahajili
FSV Budissa Budyšin
– FC Viktoria 1889 Berlin 2:0 (0:0)
Zestawa domjacych: Ebersbach – Kunze, Patka, Hoßmang, Mack (90. Merkel), Ciapa, Weiß, Schlicht, Schmidt, Treu (64. Krawčik), Bönisch (79. Langr)
Po tym zo njebě přihot regionalneho koparskeho ligista Budissa Budyšin na nowu sezonu optimalny, startowachu Budyšenjo z někotrymi starosćemi. Přećiwnik Viktoria Berlin bě sej za hru wjele předewzał a chcyše kaž domjacy dobyće. A Budyscy koparjo chcychu swojemu trenarjej Torstenej Gütschowej, kiž swjećeše tón dźeń narodniny, tři dypki darić. W prěnim połčasu bě partija chětro wurunana. Najebać to pak mějachu hosćo dobru móžnosć, jako postara so Kwabenaboye Schulz z hłowu wo stróžele, bul pak prasny na zbožo Budissy do žerdźe (14.). Při horcych temperaturach přestawka za napoje (22.) runjewon wjele wočerstwjenja přinjesła njeje. Hač do změny stron hosćićeljo rumy wušiknje začinjachu a njedowolichu Viktoriji žane šansy. Sami pak spytachu so často před wrotami Berlinjanow zjewić. Tak bě 368 přihladowarjow z 0:0 k přestawce najprjedy raz spokojom.
Widźał,słyšał, napisał (06.08.18)
Awtor dźensa
André Strelow
Snano je tež raz zajimawe w kolumnje wo łójenju rybow pisać, wšako eksistuje tohorunja sportowe wudźenje. Lětuši lěćny dowol přežiwich ze swójbu mjenujcy w Šwedskej, a to w dwěmaj etapomaj. Najprjedy přebywachmy sewjernje Göteborga blisko jězora Vänern, kotryž je zdobom najwjetši jězor kraja. Po tydźenju při wodźe jědźechmy dale na wuchod Šwedskeje, hdźež běchmy blisko morja. W Šwedskej móžachmy so nastupajo wudźenje tak prawje wucychnować. W domjacych Drježdźanach je to wězo tež móžno, wosebje we Łobju je wobstatk rybow dobry a tež wotměnjawy. Bohužel pak so pegel Łobja wot apryla konstantnje zniža. Družiny rybow kaž šćuka abo sandak jenož hišće zrědka kusaja. Nimo toho je woda cyle jednorje přećopła, tak zo so podźěl kislika dale a bóle pomjeńša. Wuskutk je, zo mjenowanej rybje jenož hišće sporadisce do našich hóčkow kusatej.
Wuslědki (06.08.18)
Kopańca, 3. liga
Rostock – Braunschweig 2:0 (2:0)
Halle – Köln 1:2 (0:1)
Münster – Jena 1:2 (0:2)
Großaspach – Kaiserslautern 1:1 (1:1)
Mnichow – Přećeljo sporta Lotte 5:1 (2:0)
Würzburg – Uerdingen 0:2 (0:0)
Unterhaching – Aalen 0:0 (0:0)
Karlsruhe – Zwickau1:1 (0:0)
Wiesbaden – Choćebuz 0:2 (0:1)
Meppen – Osnabrück 0:2 (0:0)
1. FC Energija Choćebuz 2 5 : 0 6
2. VfL Osnabrück 2 4 : 1 6
3. FC Carl Zeiss Jena 2 5 : 3 6
4. FSV Zwickau 2 3 : 1 4
4. SpVgg Unterhaching 2 3 : 1 4
6. 1. FC Kaiserslautern 2 2 : 1 4
7. TSV 1860 Mnichow 2 5 : 2 3
8. SC Preußen Münster 2 5 : 3 3
9. KFC Uerdingen 05 2 3 : 3 3
10. F.C. Hansa Rostock 2 2 : 3 3
10. SV Wehen Wiesbaden 2 2 : 3 3
12. SC Fortuna Köln 2 3 : 5 3
13. Karlsruheski SC 2 2 : 2 2
14. Sonnenhof Großaspach 2 3 : 4 1
15. VfR Aalen 2 1 : 2 1
16. Eintracht Braunschweig 2 1 : 3 1
17. SV Meppen 2 0 : 2 1
18. VfL Přećeljo sporta Lotte 2 1 : 5 1
19. FC Würzburger Kickers 2 1 : 4 0
19. Halleski FC 2 1 : 4 0
regionalna liga muži
Hertha II – Altglienicke 2:3 (0:2)
Kamjenicy – BFC Dynamo 2:0 (1:0)
Viktoria Berlin – Lipsk 4:1 (2:1)
BFC Dynamo – Halberstadt 0:5 (0:2)
Biskopicy – Budyšin 1:1 (0:1)
Erfurt – Auerbach 0:0 (0:0)
Babelsberg – Kamjenica1:2 (1:1)
Fürstenwalde – Berlinski AK 0:1 (0:1)
Meuselwitz – Rathenow 4:0 (0:0)
Neugersdorf – Nordhausen 0:1 (0:1)
1. Kamjeničanski FC 3 7 : 3 9
2. Čerwjeno-běli Erfurt 2 3 : 0 4
3. Budissa Budyšin 2 3 : 1 4
4. Wacker Nordhausen 2 2 : 1 4
5. Germania Halberstadt 2 6 : 2 3
6. FC Viktoria Berlin 2 4 : 3 3
6. ZFC Meuselwitz 2 4 : 3 3
8. Berlinski AK 1 1 : 0 3
9. Lok Lipsk 2 4 : 4 3
10. SV Babelsberg 2 3 : 3 3
11. Optik Rathenow 2 4 : 5 3
Sport (03.08.18)
Přihotowanske koparske hry
03.08. 18:30 SJ Njebjelčicy –
SG Großnaundorf
03.08. 19:00 Sokoł Ralbicy/Hórki – VfB Hellerau-Klotzsche
04.08. 14:00 SJ Njebjelčicy II –
Módro-běli Kulow II
04.08. 15:00 FSV Łuty –
Módro-běli Kulow
04.08. 15:30 SC Mały Wosyk –
ST 1922 Radwor
05.08. 14:00 SJ Chrósćicy II –
SC 1911 Großröhrsdorf II
05.08. 15:00 ST 1922 Radwor –
Traktor Malešecy
Přeprošeja na wolejbul
Smjerdźečanska dobrowólna wohnjowa wobora přeproša zajimowane mustwa na lětuši wolejbulowy turněr na trawniku, kotryž budźe jutře, 4. awgusta, w Smjerdźacej. Cyłki njech so prošu wosobinsce pola Matijasa Krala abo Marcela Narćika přizjewja. Mustwo wobsteji ze štyrjoch do šěsć hrajerkow abo hrajerjow. Wubědźowanje započnje so w 13.30 hodź., mustwa zetkaja so poł hodźiny do toho.
Štwórty běh za dumpery
W delnjołužiskim Drjowku (Drebkau) změja dumpersportowcy sobotu, 8. septembra, swój štwórty běh motorsportoweje sezony 2018. Wubědźowanje w Drjowku je jeničke pod swětłomjetakami. Amtěrowacy němski dumperowy mišter Filip Kral z Róžanta cyłkowny klasement před Marcusom Donatom z Baćonja a Křesćanom Grutku z Chrósćic nawjeduje. Posledni běh sezony budźe 30. septembra w Hórkach.
Po hórstwje, lěsu a pólnych pućach so wubědźowali
Wo 27. crossowych běhach
Při přewšo tužnym wjedrje wubědźowachu so zańdźeny tydźeń crossowi entuziasća hižo 27. króć w Šěrachowje. Wšitke tři běhi na dwaj, šěsć a dwanaće kilometrow wjedu po kołokursu, maja naročny profil a započinaja so we 18.30 hodź.
Dobyćerjej na 2 km mjez dźěćimi běštaj Felix Soldaj z Korzymja (9:17 min) a Solina Trepte ze Šěrachowa (11:38 min). Běhaj za staršich młodostnych a dorosćenych běštej pokalowej na 6 a 12 km. Na 6 km rěkaše dobyćer Markus Bär z Wjernarjec (23:22 min). Najspěšniša žona a dobyćerka pokala běše Maria Niemschke z Chróstawy, wona doběža w 31:03 min do cila. Na tej distancy wubědźowachu so tež w skupinje 70-74 lět Irene Fiebag ze Załomja (39:25 min) a Hella Helmowa z Jitka (55:51 min) kaž tohorunja najstarši starter, 81lětny Siegfried Willweber z Wjelećina (34:38 min). Něhdyši Budyski wurjadny běhar Frank Gerle je so za swoje sportowe zjednoćenstwo Donaueschingen w skupinje 70-74 lět sobu wubědźował, a běše w njej dobyćer (32:14 min).
Test wuspěšny
SJ Chrósćicy II –
SV Bretnig-Hauswalde 4:3 (2:1)
Zestawa domjacych: Hejduška (65. Klimant) – Donat, Bětnar, Dórnik, Wowčer, Dehn (44. Förster), Šmit, Handrik, Pjetaš, Jakubaš, Liznar
K prěnjej přećelskej hrě je sej Chróšćanske druhe zastupnistwo koparjow z Bretniga-Hauswalde njedźelu do swojeho stadiona pod Šibjeńcu přeprosyło. Při najwjetšej horcoće poradźi so domjacym hižo w 10. min. nawjedowanje po rjanym wuhraću přez Měrćina Jakubaša. Njekonsekwentneho škita dla wuruna přećiwnik z prěnjeje stafle wokrjesneje ligi dwě mjeńšinje pozdźišo z rjanej wolej-třělwu wot šěsnatki. Bul, kotryž lećeše runu smuhu do praweho kuta, běše tuž njedocpějomny za hewak sylneho wrotarja Fabiana Hejdušku ze swójskeho dorosta. Chróšćenjo pokazachu přiwšěm dale wjace angažementa a docpěchu krótko do přestawki 2:1 přez Mattija Bětnarja, kiž kulowatu kožu po róžku a wulkej šmjatańcy w šěsnatce do wrotow suny.
Wuslědki (02.08.18)
Kopańca, 3. liga
Braunschweig – Karlsruheski SC 1:1 (0:1)
Aalen – SV Wehen Wiesbaden 1:2 (0:0)
Osnabrück – Würzburger Kickers 2:1 (0:1)
Kaiserslautern – 1860 Mnichow 1:0 (0:0)
Carl Zeiss Jena – Großaspach 3:2 (1:1)
Fortuna Köln – Preußen Münster 1:4 (0:2)
FSV Zwickau – Halleski FC 2:0 (2:0)
FCE Choćebuz – Hansa Rostock3:0 (2:0)
Uerdingen 05 – Unterhaching 1:3 (0:1)
1. SC Preußen Münster 1 4 :1 3
2. FC Energija Choćebuz 1 3 :0 3
3. SpVgg Unterhaching 1 3:1 3
4. FSV Zwickau 1 2:0 3
5. FC Carl Zeiss Jena 1 3:2 3
6. SV Wehen Wiesbaden 1 2:1 3
6. VfL Osnabrück 1 2:1 3
8. 1. FC Kaiserslautern 1 1:0 3
9. Eintracht Braunschweig 1 1:1 1
9. Karlsruheski SC 1 1:1 1
11. SV Meppen 0 0:0 0
11. VfL Přećeljo sporta Lotte 0 0:0 0
13. SG Sonnenhof Großaspach 1 2:3 0
14. FC Würzburger Kickers 1 1 :2 0
14. VfR Aalen 1 1 :2 0
16. TSV 1860 Mnichow 1 0 :1 0
17. KFC Uerdingen 05 1 1:3 0
18. Halleski FC 1 0:2 0
19. SC Fortuna Köln 1 1:4 0
20. F.C. Hansa Rostock 1 0:3 0
regionalna liga muži
Nordhausen – Hertha BSC II 1:1 (0:1)
Altglienicke – Čerw.-běli Erfurt 0:3 (0:0)
Optik Rathenow – Neugersdorf 4:1 (3:0)
Lok Lipsk – ZFC Meuselwitz 3:0 (0:0)
Budissa Budyšin – Vikt. Berlin 2:0 (0:0)
Kamjeničanski – Fürstenwalde 3:2 (2:1)
Germ. Halberstadt – Babelsberg 1:2 (1:2)
VfB Auerbach – BFC Dynamo 1:4 (0:2)
1. BFC Dynamo 1 4:1 3
1. Optik Rathenow 1 4:1 3
3. Lok Lipsk 1 3:0 3
3. Čerwjeno-běli Erfurt 1 3:0 3
5. Budissa Budyšin 1 2:0 3
6. Kamjeničanski FC 1 3:2 3
7. SV Babelsberg 1 2:1 3
8. Wacker Nordhausen 1 1:1 1
8. Hertha BSC II 1 1:1 1
10. Berlinski AK 0 0:0 0
Trójce z hłójčku wuspěšni
FSV Wopaka – Sokoł Ralbicy/Hórki 3:3 (2:1)
Za hosći zasadźeni: Kral, Hrjehor – K. Matka, Schultz, Hilbich, Budar, Šołta, M. Matka, Rawš, Kobalc, Domaška, Kurjat, Bejmak, Materne
Při tropiskich temperaturach podachu so koparjo Sokoła Ralbicy/Hórki njedźelu na testowu hru do Wopakeje. Tam běchu wot spočatka dominantny team, su pak spočatnje tři stoprocentowske móžnosće wuwostajili – dwě Gabriel Kurjat a Pětr Domaška jednu. Z prěnjej ofensiwnej akciju domjacy nadobo nawjedowachu, dokelž njeběštaj sej škit a wrotar Sokoła přezjednaj – njetrjebawše to 0:1 z wida delanskeho teama. Njetraješe pak dołho, to Domaška po róžku Dirka Šołty z hłójčku wuruna (43.). Jenož minutu pozdźišo Wopaka znowa wyskaše. Dołha třělwa docpě škitarja, hosćo hrajachu na nimohru a hižo we wrotach Bena Krala druhi raz klinkaše.
