Turněr sćelakow

Montag, 08. August 2016 geschrieben von:
Sobotu, 5. nowembra, wotměje so w sportowej hali na Budyskim Třělniš­ću wulki volleyballowy turněr, na kotrymž chce so něhdźe 16 volleyballowych mustwow­ nimale wšěch zjawnoprawniskich rozhłosowych a telewizijnych sćelakow Němskeje wobdźělić. Tak mjenowany ARD/ZDF-turněr wuhotuja lětsa MDR Serbja. Loni w Kölnje doby jón team NDR. SN

Viktoria přećehnje

Montag, 08. August 2016 geschrieben von:
Volleyballowy a blidotenisowy wotrjad sportoweho towarstwa Viktoria Worklecy přewjedźe wotnětka wšitke treningowe jednotki a winowatostne domjace hry w Ralbicach a Chrósćicach. Přičina su twarske dźěła na Worklečanskej ćěłozwu­čowarni. Volleyballisća Viktorije přećahnu do Ralbic, blidotenisća do Chrósćic. SN

Widźał, słyšał, napisał (08.08.16)

Montag, 08. August 2016 geschrieben von:

Awtor dźensa

Clemens Šmit

„Wočiwidne! Woni tla na čas hraja!“, tole sej tučasnje husto myslu, hdyž podawki w aktualnym a zańdźenym w sporće sćěhuju. Dopominaće so hišće na pad Beckenbauer/Niersbach a na skandal FIFA wo kupjene koparske swětowe mišterstwa w Němskej 2006? A prašeće so tež runje, što je so tam poprawom wukopało? Štož so při mjetańcy jako pasiwne hraće definuje a w datym padźe druhdy přez sudnika kónči, je tež na mjenowanym přikładźe wobkedźbujomne. Podhladne wosoby runje tak kaž w mjetańcy na čas hraja. Ale nic jenož to, wone so samo z medijoweje zjawnosće a tak tež z našich wočow tak dołho zhubja, doniž so na nich njezabudźe. Podobne postupowanje pak njeje jenož w sporće en vogue (načasne).

Wuslědki (08.08.16)

Montag, 08. August 2016 geschrieben von:

Regionalna koparska liga

Energija Choćebuz – RB Lipsk II 0:0 (0:0)

Luckenwalde – Lok Lipsk 0:3 (0:1)

Budissa Budyšin – Babelsberg 03 1:2 (1:1)

1. BFC Dynamo 2 9  :  1 6

2. Jena 2 4  :  0 6

3. Nordhausen 2 3  :  0 6

4. Lok Lipsk 2 4  :  1 4

4. FC Viktoria 2 4  :  1 4

6. RB Lipsk ll 2 2  :  0 4

7. Neugersdorf 2 4  :  1 3

8. Schönberg 2 4  :  3 3

9. Hertha BSC II 2 3  :  3 3

10. Babelsberg 03 2 2  :  3 3

10. Auerbach 2 2  :  3 3

12. Energija Choćebuz 2 1  :  1 2

13. Meuselwitz 2 0  :  2 1

14. Berlinski AK 2 1  :  4 1

15. Fürstenwalde 2 0  :  5 1

16. Budissa Budyšin 2 2  :  4 0

17. Neustrelitz 2 1  :  7 0

18. Luckenwalde 2 0  :  7 0

Sport (05.08.16)

Freitag, 05. August 2016 geschrieben von:

Za Powerserb so přizjewić

Lětuše wubědźowanje Powerserb budźe 20. awgusta w Radworju. Dokelž bě tamniša młodźina lońše wubědźowanje w Pěskecach dobyła, wuhotuje wona sportowe zarjadowanje zhromadnje ze Serbskim młodźinskim towarstwom Pawk. Mustwo ma wobstać ze znajmjeńša pjeć wosobow, maksimalnje sydom (šesta a sedma holcy). Startowy pjenjez je dźesać eurow na mustwo. Přizjewjenja su móžne na Facebooku.

Volleyball a hašenje

Dobrowólna wohnjowa wobora Smjerdźaca wuhotuje jutře volleyballowy turněr za wólnočasne mustwa a njedźelu wubědźowanje wohnjowych woborow. Volleyballowe cyłki njech su jutře w 13 hodź. při hrajnišćomaj, zo bychu so přizjewili. Turněr započnje so poł hodźiny pozdźišo. W hašenju wubědźuja so wo­h­njowi wobornicy zajutřišim, njedźelu wot 14 hodź. Na městnje być pak měli hašenske jězdźidła a wobornicy hižo poł hodźiny do toho.

Dalša stacija beachtury

Dobry wukon pokazali, ale podleželi

Donnerstag, 04. August 2016 geschrieben von:

VfB Auerbach

– FSV Budissa Budyšin 2:1 (1:0)

Zestawa hosći: Wohlfeld – Kolan, Klippel, Patka, Hänsch, Hoßmang, Pfanne (64. Milde), Müller (82. Baudis), Hermann (72. Salewski), Němec, Šisler

Wobornicy so wubědźowali

Donnerstag, 04. August 2016 geschrieben von:
W Sernjanach su so na jubilejnym 40. wjesnym swjedźenju tež wohnjowi wobornicy wubědźowali, a to wosom muskich a jedne młodźinske mustwo. Wobornicy z delnich Sulšec wurisanje dobychu. Dalšej městnje wobsadźichu Smjerdźečenjo a měšane mustwo Róžant/Sernjany. Přichodne hašenske wubědźowanje budźe přichodnu njedźelu w Smjerdźacej. Foto: Jan Hrjehor

Hannah Lehderec wuspěšna

Mittwoch, 03. August 2016 geschrieben von:

W Bošecach přewjedźechu minjeny kónc tydźenja jubilejny 10. Budyski jěchanski a skakanski turněr. Zarjadowało a wu­hotowało je jón towarstwo Jěchanski sport Budyšin z.t.

Wot pjatka do njedźele wotmě so na Bošečanskim jěchanskim arealu dohromady 31 pruwowanjow z wjacorymi stami koni a jěcharjow. Hannah Lehderec, jěcharka Njeswačanskeho sportoweho towarstwa, doby z konjom Rembrandtom pruwowanje w dresurje klasy A z dwěmaj hwězdźičkomaj. W skakanju klasy L wobsadźi šulerka Serbskeho gymnazija z Chupa Cupom 7 dźewja­te městno. Ellen Altenkamp, sportowča Kulow­ske­ho­ jěchanskeho towarstwa, bu w dypkowym skakanju klasy L z Atinom R pjata a w skakanju klasy L z konjom Cantatom dwanata. Jurij Bjeńš

Poradźeny test po treningowym lěhwje

Mittwoch, 03. August 2016 geschrieben von:

ST 1922 Radwor

– ST Marijina hwězda 0:3 (0:2)

Zestawa domjacych: Wünderlich – Hančik (31. Omran), Zähr, Kral (61. Michalc), Mark, Handrik, Winar, Sćapan (41. Wjenka), von Karwin, Buša, Šram, Šěrak

Zestawa hosći: O. Schmidt (46. Matik) – Wróbl, Łušćanski, T. Jurš (46. Škoda), R. Hawš, Peschmann, O. Hawš, Bělk (46. Hübner), Smoła (46. P. Schmidt), Pakoßnick (46. Bejmak), D. Jurš (46. Winkler)

K zakónčenju třidnjowskeho treningoweho lěhwa w Čěskej, kotrež bě Stefan Hübner wuběrnje organizował, čakaše na koparjow ST Marijineje hwězdy při­hotowanska hra přećiwo Sportowemu towarstwu Radwor.

Stajnje dwě lěće dyrbja wólnočasni volleyballisća čakać, zo móhli so na volleyballowym turněrje Sernjanskeho wjesneho swjedźenja wobdźělić. Tam jón při Klóšterskej wodźe mjenujcy jenož kóžde druhe lěto přewjeduja. Lětsa je so dźewjeć cyłkow wobdźěliło. W kónčnej hrě (hlej wobraz) přesadźichu so Radworscy hólcy (za sakom) přećiwo měšanemu mustwu ze Smjerdźaceje (prědku). Foto: Jörg Stephan

Serbska debata

Neuheiten LND