Rjany to wulětny cil w zymje, hdyž je wšitko rjenje ze sněhom wodźěte, kaž aktualne foto dopokazuje. Najsewjerniši dypk ­Čěskeje republiki njedaloko Steinigtwolmsdorfa pak wabi w kóždym počasu a tuž tež cyle wěsće po zakónčenju wšitkich wukazow a wobmjezowanjow korony dla. Nadźija, zo móžemy sej tam bórze zaso raz wulećeć, je tuž wulka. Foto: SN/Hanka Šěnec

Křižowka (08.01.21)

Freitag, 08. Januar 2021 geschrieben von:

Wodorunje: 3 rozmlěte zorno, 5 napjaty film, 6 dźěl mjezwoča, 7 wjedro, 10 jězor w Finskej, 13 dźěl narodneje drasty, 14 předmjeno žony Gorbačowa, 15 wuprajenje mjez sobu zwisowacych słowow

Padorunje: 1 Sprung serbsce, 2 mało-, 3 ptak, 4 serbski hudźbu­twórc, 8 stolica Tibeta, 9 ma biskop na hłowje, 11 hojenska rostlina a korjenina, 12 rěka přez Mnichow

Spočatk februara je Sakska imageowu kampanju „Sorbisch? Na klar“ zahajiła. Nimo mnohich přinoškow w interneće pod www.sorbisch-na-klar.de wabja zamołwići tež w mnohich městach z wulkimi wabjenskimi plakatami, kaž tule na parkowanišću w centrumje Běłeje Wody, za serbskosć a dwurěčnosć. Tak nochcedźa jenož na serbsku rěč skedźbnić a wědu wo njej šěrić, ale zdobom akceptancu kaž tež hódnoćenje nałožowanja rěče w zjawnosći stopnjować. Foto: Joachim Rjela

Dekoracije hodowny čas wobohaćeja

Mittwoch, 30. Dezember 2020 geschrieben von:
Hodowna dekoracija nas přichodne tydźenje dale zawjesela, wšako njeje hodowny čas dawno hišće nimo. Tež w Sprjowjach (Sprey) při tamnišej cyrkwi su sej akterojo něšto rjane za wóčko přemyslili. Małki drjewjany narodk a w pozadku stara drjewjana kładźita cyrkej so jara derje wudospołnitaj. Foto: Joachim Rjela

Postajenjaza silwester

Mittwoch, 30. Dezember 2020 geschrieben von:

Budyšin (SN/JaW). Kontaktne wobmjezowanja koronapandemije dla su tež na silwesterskim a nowolětnym dnju dale płaćiwe. Na to skedźbnja hišće raz cyle jasnje Budyski krajnoradny zarjad. Po płaćiwych předpisach smědźa so „w zjawnosći maksimalnje pjeć wosobow z dweju domjacnosćow zetkawać. Runje tak płaćiwe je to za mjezsobne wopyty. Dźěći hač do 14 lět su z toho wuzamknjene.“

We wšej zjawnosći je wudawanje, předawanje a piće alkohola kruće zakazane. W silwesterskej nocy w času mjez 22 a 6 hodź. swoje bydlenje wopušćić zakazane njeje. Runje tak silwestersku pyrotechniku wotpalić njeje cyłotnje zakazane. Města a gmejny pak móža zakazy za derje wopytane zjawne městna wukazać. Wo­krjes pak radźi so lětsa silwesterskich praskotakow wzdać, dokelž su kliniki w Budyskim wokrjesu hižo přećežene a zastaranje typiskich silwesterskich zranjenjow tohodla wobćežne. Kaž z krajnoradneho zarjada dale rěka, budźe policija dodźerženje postajenjow „přede­wšěm na woblubowanych městnach we wokrjesu masiwnje kontrolować“.

Płastowka (30.12.20)

Mittwoch, 30. Dezember 2020 geschrieben von:
1 hodowne pječwo, 2 dźeń tydźenja, 3 woblečenje, 4 jědź na štabiku, 5 druhe syno, 6 mjeno za wulkeho psa, 7 rusce wulki (tak rěka tež dom w Moskwje ... teatr), 8 zdokonjane, skónčene, 9 wona šije drastu

Hody na rozdźělne wašnje dožiwić

Mittwoch, 23. Dezember 2020 geschrieben von:

Róžant/Chrósćicy/Bluń/Njeswačidło/Rakecy (SN/JaW). Dokelž wšak su lětuše hody wot koronapandemije chětro wob­wliwowane a městna w cyrkwjach wukazow a postajenjow škita před koronu dla raznje wobmjezowane, su sej we wjacorych wosadach – katolskich kaž ewangelskich – hłójčku łamali, kak móhli Božu nóc při­wšěm na dostojne wašnje swjećić.

W Róžeńće chcedźa wjesne dźěći na nyšporje w 15.30 hodź. hodownu sta­wiznu předstajić. Dokelž wšak lětsa live hrać njemóža, poskića ju jako film. Nimo w cyrkwi pokazaja woni swoju hodownu stawiznu jako film tohorunja pod https://youtu.be/ptGm-GBKLbI. Njedźelu, 27. decembra, předstaja jón tohorunja w 14 hodź. na nyšporje w Ralbicach.

Po štomik do lěsa

Mittwoch, 23. Dezember 2020 geschrieben von:

Jónu spočatk 1970tych lět, za čas mojeho dźěćatstwa, je pola nas w Hózku nimale přez cyły december sněh ležał. Běše to wjeselo! Dwaj dnjej do patoržicy dźěchmoj z dźědom do lěsa po hodowny štom. Mój prawy dźěd wšak bě „we wójnje wostał“, kaž swójbni stajnje prajachu.

Tónle mój druhi dźěd běše ćěkanc z bywšeje wuchodneje Pruskeje, kiž je po Druhej swětowej wójnje pola nas na statoku nowu domiznu namakał. Měješe mandźelsku a pjeć dźěći, ke kotrymž bě w poslednich wójnskich měsacach zwisk zhubił. Dołhož bě žiwy, je za nimi pytał – bjez wuspěcha. Za mnje pak běše wón mój dobroćiwy dźěd. Z nim smy němsce rěčeli, a na njeho mam wjele dobrych dopomnjenkow.

Znajmjeńša pytachmoj tón dźeń do hód za nas rjanu chójnu. Móžu so dopomnić, zo běchu štomy zasněžene. A nadobo wuhladach na jednej z hałužkow někajke pisane wěcy. Jako sej je bliže wobhladach, zwěsćich, zo běchu to słódkosće. Zadźiwana hladach na dźěda, a wón mi praješe: „Te je zawěsće rumpodich zhubił. Jeho wulki měch měješe najskerje dźěru.“

Płastowka (23.12.20)

Mittwoch, 23. Dezember 2020 geschrieben von:
1 dźěle lěta, 2 wobtwarjena ležownosć, 3 silwesterska třělwa, 4 towarstwo ... Serbska, 5 w NDR běštej HO a ..., 6 přewšo rjane, 7 ziehen serbsce, 8 hodowna pječeń, 9 derselbe serbsce

Boža stwórba w zymje

Mittwoch, 23. Dezember 2020 geschrieben von:

Za nowe zemi poslešćo

so z njebjes pjerje saje,

z nim prěki, podłu mjetajo

wětr spodźiwany hraje.

Tuž módre hory, kopowcy

so běla z běłej hłowu,

a šěre třěchi, płoniny

tež krytwu noša nowu

Štom sam rad ruki přesćěra,

za lisće sněh sej łóji;

so z wołmu pyši kerčina,

kaž runje dźe a hoji.

Tak w dejmantojtej bělini,

we rańšim woblečenju

haj miškri so a zyboli

kaž w jednym lutym kćenju.

Puć přeměnjeny jasni so,

swět druhi postupuje,

a koło, kiž je dotal šło,

to sanka wusměchuje.

We zymskej drasće sněhowej

mi, luba zemja, witaj!

Njech lěs a polo wodźětej

pod twojej ruku spitaj!

Handrij Zejler

Zhromadźeny spisy IV

LND 1982

Serbska debata

Neuheiten LND